Lush products Review/تجاربي مع منتجات لاش 

السلام عليكم ورحمة الله وبركاته

رح اتكلم عن بعض من منتجات لاش الي استخدمتها لفتره وحبيت اعرض نتايجها من وجهة نظري وتجربتي الشخصيه

ماركة لاش الي مايعرفهاً: هي ماركة اجنبيه تصنع منتجاتها من مواد طبيعيه لهالماركه قبول قوي بسبب المكونات حق المنتجات كلها واضحه وبسيطه مافي كيماويات على حد علمي ..واسعارها ماهي رخيصه دائما وماهي غاليه جداااا

المنتجات الي استخدمتها هي


نبدا واحد واحد :

شامبو كيلري ويرلي shampoo curly wurly 

 

الشامبو تركيبته ثقيله شوي وفيها قطع صغيره ماهي مناسبه للي شعرهم خشن او كيرلي كثييير (ملفوف كثير) .. لان هالقطع احتمال تلصق بخصل الشعر. .. ولكن تقدري قبل لا تحطي الشامبو تفركيه بيدك لين ما تذوب هالقطع .. ريحته حلوه مقبوله ..

هو اصلن مخصص للشعر المموج .. من خلال انه يغذي الشعر وينعش التموج الي بشعرك ويكون واضح ولكن زي ماقلت عيبه القطع الصغيره ! بالنسبه لي ماواجهتني مشكلة القطع لان طبيعة شعري ناعمه ومموجه بس مو كثير فناسبني المنتج
بعد استخدامي له لفتره .. حسيت شعري اهجد من قبل والتموج كان واضح وكمان ملمس الشعر صار احلى .. فانصح بتجربته !✋🏻

مرطب العينين enchanted eye cream 

 

المرطب كبدايه مارح يخفيلك السواد الي تحت العين !! ولكن بيعطيكي ترطيب حلوو للمنطقه .. ويخفف من الجفاف الي فيها ..بس برضو الترطيب الداخلي اهم يعني ماينفع ماتشربين مويه وسوائل كثيره وترطبين بشرتك وتقولين المنتج مانفع ؟!!!! اصلن البشره مارح تستقبل المنتج وتستفيدين منه اذا بشرتك خربانه من داخل ..!فخلي في توازن بين الترطيب الداخلي والخارجي
ع العموم المنتج ترطيبه حلو ماهو ثقيل ..وتمتصه البشرة بشكل جيد ..برضو انصح فيه 🤗

مقشر الوجه والجسم ocean salt 

 

المقشر ريحته بالنسبه لي قوية لاني اتحسس من الروائح. ولكن جدا جميل هالمقشر استخدمته ع وجهي انا فقط مو جسمي .. احس وجهي يصير افتح  يعني في نظاره اكثر من اول ويتنفس لما اسويه احس وجه ثاني احلى هههههه .. اهلي كمان راحو اشترو منه وعجبهم كثيرر .. طبعا المقشر لانه خشن لازم ماتحكيه بقوة ع بشرتك عشان ماتأذينها
وبالنهايه هذي تجربتي الشخصية ممكن تناسب البعض زي مانسبتي وممكن لا ..فالتجربة 🕵خير برهان

Advertisements

2 Comments »

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.