فوائد التمشيط الجاف الجسم /benefits of dry brushing 

السلام عليكم ورحمة الله وبركاته

بتكلم عن موضوع بدا يتداول في المجتمع العربي بشكل تدريجي من ناحيه العناية بالجسم الا وهو تمشيط الجسم .

ايش هي عملية تمشيط الجسم !؟ 

ببساطه هي ان اسلوب اخر من اساليب العنايه والاهتمام بالجسم عشان يتخلص من السموم وتساعد على تنشيط الدوره الدمويه ، . البعض ذكر من مصادر مختلفه ان هالطريقه في العنايه بالجسم كانت تستخدم قديما عند اليونانيين كنوع من انواع الاهتمام بالجسم بنضارته وصحته .

ايش فوائد التمشيط !؟ 

تنشيط الدوره الدمويه والي رح تساعد ان الجسم يكون فيه نضاره    وينشط الاعضاء الداخليه

يشيل الجلد الميت في الاماكن الي مانسوي فيها عادة التقشير زي الفخذ والظهر

يساعد في تخفيف السيلويليت الي هي عباره عن تجمعات دهنيه في مناطق معينه

بالاضافه انه يساعد بتخفيف علامات الشد والي تسمى ستريتش مارك

ويساعد على شد الجسم

كيف تتم عملية التمشيط!؟ 

تمشطي اعضاء الجسم مثل ماتمشطي شعرك ولكن تكون الحركه تبدا من اسفل الى الاعلى باتجاه  القلب عشان هذا المسار هو المسار الصحيح لتدفق الدم في الجسم ..بمعنى تمشيطي رجلك تبدي من القدم وتطلعي على فوق وترجعي تعيدي الحركه كم مره ،او يدك تبدي من الاصابع وتمشيطي على فوق وتطلعي لين الذراع وهكذا ..

بعد التمشيط نقوم نرطب الجسم باي نوع كريم او بخاخ او زيت ترطيب تعتمديه انتي بشكل دايم اهم شي يكون ترطبيه عالي

ولازم ننتبه ان التمشيط مايعورنا يعني المفروض ماتحسي بوجع ..بس عادي لو في احمرار بسيط دليل تدفق الدم ، ولكن مو احمرار نتيجه الم او بسبب خشونه الفرشه او خشونه التمشيط عشان ماياثر سلبي على البشره ويأذيها

ايش الاعضاء الي اقدر امشطها !؟ 

كل اعضاء الجسم ماعدا الوجه والمناطق الحساسه لان البشره حقتهم تكون ارق واخف من باقي الجسم

ايش الجهاز الي استخدمه بالتمشيط !؟ 

هو عباره عن فرشه جسم  تقريبا شبيه بفرش الليفه حق الجسم للترويش ولكن تكون مثل مشط الشعر ..شعراتها تكون ماهي خفيفه مره ولا هي خشنه مره  كأول استخدام بعذ مايتعود جسمك على هالعاده تبدي تتدرجي بالخشونه شوي شوي

تحصلون الفرش بمحلات العنايه بالجسم مثلا بودي شوب ..سوبرماركت انا حصلت حقي من لولو هايبر ماركت ..وكمان في الصيدليات  وغيرها

متى يتم التمشيط !؟ الاغلب ينصحون التمشيط يكون قبل الترويش او قبل الرياضه

تجربة شخصيه!؟  انا جربت هالشي شخصيا وجد حسيت بفرق في نفسيتي اول لان احس في انتعاش بعد مااسويه وكمان خفف علامات الشد بشكل ملحوظ

 اتمنى هالتدوينه تكون مفيده  وجاوبت على اسئلتكم بخصوص تمشيط الجسم

مع السلامه

Advertisements

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.