5 tips to make you a morning person /خمس طرق تساعدك تكوني انسانه صباحيه

السلام عليكم ورحمة الله وبركاته

تدوينة اليوم بتكون ان شاء لله  طرق ونصايح عشان  تساعد البنات الي حابين يصحو الصباح عشان ينجزوا اكثر في يومهم .

طبعا مو دايما اصحى الصباح لان تعرفو المناسبات والجمعات ومشاغل الحياه تحتاج مننا انو نسهر ونقعد طول الليل ,بس لما يجي الوقت الي مافي التزامات احب اعدل نومي واصحى الصباح

يلا نبدا بالطرق الي استخدمها شخصيا عشان تحفزني للصحيان بدري

اولا: اقراي عن فوائد الصبح للجسم 

من المعلومات الي تعجبت منها انو سبحان الله الجسم في هرمون النشاط او الحركه مايشتغل ويفرز افرازاته الا اذا صحينا بدري ويكون توقيت  هالهرمون على صلاة الفجر .. عشان كذا لما نقوم نصلى الفجر مو بسرعه نرجع ننام لان الهرمون اشتغل .. كمان من احاديث الرسول (بورك  لأمتي في بكورها) وهذا دليل ان في بركه في الصباح سوا بالرزق او بالجسم . وفي مليان فوائد  جسديه ونفسيه لنا اذا قمنا الصبح  .فلما تقري عن فوائد الصبح للجسم والبركه الي فيه يعطيك دافع انك تحاولي تصحي عشان اخذي هذه الفايده لنفسك

ثانيا :تفرجي روتين الصباح باليوتيوب

هالحركه تحمسك بشكل مو طبيعي للصبح .. لما تتفرجي على اليوتيوب وتشوفي روتين بعض البنات الصباحي والروقان الي هم فيه والانجاز الي  يسونه يعطيكي حماس انك تسوي زيهم وتجربي هالشعور ..  بحطلكم رابط من الروتينات الصباحيه الي حبيتها في اليوتيوب

MY HEALTHY WINTER MORNING ROUTINE

ثالثا: حطي خطة مهام لبكرا 


اعتبر هالخطوة جدا فعاله لانها تخليني اتحمس او اتشجع اني اقوم بدري حتى لو مالي خلق عشان اسوي الي كتبته , ولازم من المهام الي ابغا انجزها تحتوي على شي احب اسوي . مثال على خطة مهام :ارتب البيت -اسوي غداء – اتفرج فيلم ..الخ ..فرح يكون اتفرج فيلم من الاشياء الي  واحب  اسويها .. فعشان اتفرجو على روقان احتاج اقوم بدري عشان اخلص شغل البيت والمهام الثانيه عشان اكافئ نفسي بالفيلم

رابعا :حطي اكثر من منبه وخليه المنبه بعيد عنك وقت النوم


سوا المنبه جوال او ساعه خليه بعيد عنك كمحاوله انو يساعدك تقومي من سريرك عشان تطفيه وتصحصحي ..أوقات يكون النوم اقوى مننا هههه ونرجع ننام. ففكره ثانيه انو تخلي اكثر من منبه اذا كنتي تستخدمي الجوال عشان لو طفيتيه ورجعتيه نامي , يرن مره ثانيه عشان تقومي.. وانا شخصيا افضل المنبه الساعه لان اذا الجوال اطفيه واحيانا امسكو واتفرج واشيك على مواقع التواصل الاجتماعي كلها وارجع انام فبكذا راح وقتي وماقمت كمان .. وشي مهم ان وقت التنبيه مايكون بدري مره وماشبعتي اصلن نوم .يعني لو نمتي 3 الفجر خلي المنبه على 12 الظهر عشان تكوني شبعتي نوم وصحيت نوعا ما بدري

خامسا: وقت النوم يكون بشكل تدريجي ابكر من اليوم الي قبله

يعني ما ينفع تنامي ثمانيه بالليل وانتي متعوده تنامي الساعه وحده  .. عشان ماتحسي باختلاف فجاه بحياتك وتغصبي نفسك تنامي وانتي اصلن مابيجيكي نوم .. حاولي تتدرجي بوقت نومك يعني اذا متعوده تنامي 1 .. اليوم الثاني نامي  12 ونص او 12 وكذا كل شوي بكري بالوقت.

سادسا: اقري كتاب قبل لا تنامي


لما نمسك الجوال واحنا بالسرير نكون ماعطينا مجال مخنا يرتاح فلما نطفي الجوال بعد كذا اوقات كثيره ماننام بسرعه لان مخنا لسا شغال من ضوء  الجوال  …فلما تروحي تنامي خلي بجنب السرير كتاب مسلي او قران .. واقري لما يجيكي النوم بهالحركه انتي خففتي على ا لمخ  ضوء الجوال القوي الي يقلل من افراز هرمون النوم .. ولما تقري كتاب يكون النور شوي اخف من نور الجوال فيساعد الجسم على انه يرتاح ويفرز هرمون النوم  بشكل افضل .. واصلن اغلبنا لما يقرا يحس بنعاس هههه فمايحتاج نكمل نص صفحه الا وننام

هذي كانت نصايحي الي اتبعها لما ابغا اعدل نومي واكون انسانه صباحيه ومنجزة .. اتمنى استفدتو من هالتدوينه وشاركو هالمعلومات للي يبغو يعدلو نومهم كمان

مع السلامة

 

Advertisements

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.