طرق سهله لتعلم لغة أجنبية \easy tips to foreigner language

السلام عليكم ورحمه الله  وبركاته

تدوينة اليوم بتكلم فيها عن طرق بسيطه تساعدك انك تتعلمي اللغه الانجليزيه او اي لغه حابه تتعلميها 

انا اتكلم عن هالموضوع من واقع تجربه لاني احب التواصل واللغات  ..وتعلمت الانجليزي وشوي كوري وصيني (بس لي فتره طويله تركت هاللغتين بسبب انشغالي بالجامعه واتمنى ارجع اتعلمهم من جديد باذن الله )

كنت اقول احتاج مدرس عشان اتقنها وبابا كان يقولي الي يبغا حاجه لازم يحاول بنفسو باي  فرص حتى لو بسيطه  بعدين لو ماقدر يحاول يستعين باحد..

وهذا الي بشاركم فيه طرق سويتها بنفسي ساهمت بشكل كبير بانها تطور من لغتي ..مع اللعم انو طرقيتي مركزه على تعليم اللغه العاميه اكثر من القواعد النحويه للغه

اولا: كوني بيئه اجنبيه لك عن طريق الانصات والاستماع !

يعني دايم تعرضي لهاللغه الي حابه تتعلميها من خلال تشوفي برامجهم ومسلسلاتهم او تسمعي للراديو او تقري كتبهم ..لان بشكل بديهي احنا كيف كسبنا لغتنا العربيه الا عن طريق الاختلاط بناس واهل يتكلمون هاللغه فكتسبناها بشكل سريع …

ثانيا: بدون ترجمه يوميا !

يعني حاولي تخصصي وقت تشوفي البرامج او تسمعي للراديو بدون ترجمه عشان تركز حواسك انها تنصت وتحاول تنتبه للكلام وكيف ينطق وهالطريقه بتكون جدااااااا فعاله للناس الي حابه تتكلم اللغه الاجنبيه نفس لهجه اهل اللغه .. لان بتركزين ع نطق الكلمات اكثر لما تشوفي ترجمة لان مخك بيركز ع الترجمه اكثر من الصوت نفسه .. انا وقت ماتعلمت الكوريه كنت اشوف كرتون اطفال كل يوم تقريبا اقل من نص ساعه بدون ترجمه وكان ممتع لو اكتشتف كلمه اعرفها او كلمه عجبتني احاول اكتبها واشوف ايش معناتها فمره رح يشغل حواسك وتركيزك بشكل كبير

ثالثا: ورقه وقلم !

نوعيه التدريس تختلف من شخص لاخر في ناس تحب مدرس يدرسها وناس تحب تشوف فيديوهات وناس تحب تقرا كتب تعليميه ولكن المهم هو التدريب ع ورقه وقلم لان لما تكتبي الي فهمتيه وحفظتيه وكل شوي تعيدي كتابته رح يرتسخ اكثر في مخك

رابعا واخيرا : التقليد التقليد التقليد ثم التسجيل !!!

هذي النقطه تحتاج نقطه رقم واحد واثنين..لما تسمعين سوا بترجمه او بدون. قلدي بصوت عالي مو داخل نفسك ..صح بتحسي انك مجنونه والي حولك بيفتحو الباب بيقولو ايش تسوين مين تكلمين !هههه بس رح يفيدك مرررره هالشي لانك بتسمعين نفسك وكيف نطقك للكلام وكمان سجلي بتلفونك او بمسجل وانتي تقلدي عشان ترجعي تحكمي ع صوتك هل زيهم او لا وايش لازم يتعدل

 بالنهايه هذي النقاط الاربعه الي جدااااا رح تأثر على تعليمك باي لغه ..اذا استفيدتي من هالنصايح شاركيها مع غيرك عشان يتسفيدو
مع السلامه  

Advertisements

4 Comments »

  1. شكراً على هالنقاط من جد مهمه
    وآخر نقطه انا معك فيها مئه بالمئه
    انا في محيط يتكلمون لغه انجليزيه بس انا
    مااكون محادثات مع الغرباء استحي أغلط
    لكن شفت نقطه تسجيل الصوت فكره حلوه ومجنونه بنفس الوقت ههههه
    لكن اقدر فيها اتكلم واغلط وأصحح لنفسي وأعيد وأستفيد 👌🏻

    Liked by 1 person

    • العفو حبيبتي. وشكرا على قراتك الموضوع ..اي التسجيل اتكلم فيه كااااني بريطانيه ههههه والثقه عالي العال بس اسسسمع احذف المقطع كولو 😂😂😂..بس مررررره يساعد انو تتطوري خاثه على قولتك لما تكوني تستحي

      Like

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.