Skip to content
Advertisements

And 5 ways to start loving healthy foods\خمسة طرق تساعدك لتقبل الأكل الصحي

السلام عليكم ورحمة الله وبركاته

تدوينة اليوم واضحة من العنوان ولكن هي عبارة عن خطوات انا شخصيا جربتها فحبيت اشاركها يمكن احد يستفيد زي ما انا استفدت

بالبداية حابه اوضح شي …كثيييير من الناس ماخذه فكرة سيئة او سلبية نوعا ما عن الأكل الصحي ! والي هي ان الأكل الصحي ماله طعم او مايشبع ومايبسط الواحد .. وعن تجربة سوا انا شخصيا طبخت او لما اروح المطاعم بالعكس تماماااااا الاكل الصحي طعمه حلو ويشبع وكمان يبسط الواحد نفسيااا وجسدياا وفكرياا… ولكن هو يعتمد على الشخص في ناس لما تبغا تاكل اكل صحي تحرم نفسها بقوة يعني ما تاكل الا خس وطماطم  او دجاج مشوي بدون بهاراو تتبيله وكذا فمايشجع اي احد يبغا يجرب لما يشوف هالامثلة من الوجبات

الاكل الصحي عباره عن اكل تعرفي مكوناته  كلها  وطبيعي ومافي شي صناعي او كيميائي ابدا او قدر الإمكان . وترا نقدر بشكل صحي نسوي صلصات وتتبيلات للاكل والخ مافي ممنوع بالاصح

بعد ما وضحت هالنقطة .. نجي للمهم الي هو طيب كيف احب أكل صحي وابعد عن المأكولات السريعه والثقيله والي مليانه دهون وسكريات .؟

اول طريقة : التثقيف التثقيف التثقيف

اقري عن الموضوع بكثرة .. عن فوائد الاكل الصحي .. كيف بدو الناس … طرق طبخ الأكل وبدائل للاكل الضار الي تحبيه انتي .. لان لما تحي نفسك بكثرة عن مواضيع الاكل الصحي رح تبدي تقتنعي وتتقبلي وتتشجعي تجربيه وتحبيه..في كتاب شاركتو بالمدونه ولخصته عن نصايح في الاكل الصحي مره سهله وسلسه للمبتدئين ..تروحو للتدوينة من(هنا)ان شاءلله يفيدكم

ثاني طريقة : التدريج بإضافة الاكل الصحي بحياتك

مو معناته لازي تحرمي نفسك تماما من كل شي .. لو انتي زيي ماعندها هالارادة القويه انو الغي كل الضار مره وحده فالتدريج افضل طريقة !! طيب كيف اتدرج ؟؟؟

ابديي ضيفي منتج او اكله  صحيه معينه بوجباتك مثلا نبدا نحط بروكلي مع صينيه المكرونة الي نحب نسويها .. او ناكل فواكهه بالمغرب او العصر .. نبدا نحط بذور الشيا بالسلطه حقنا .. نبدا نجرب اكل صحي بالمطاعم او نطلب سلطه مع باقي طلبنا .. او ناكل فطور كل يوم .. خطوات صغيره بس عشان نتعود ومانحس بتغيير فجاة بحياتنا ونفسيتنا

بعد كذا خلي ايام معينة تاكلي فيها صحي وايام ضار يعني طول الاسبوع اكل نظيف بكل الوجبات .. وبنهاية الاسبوع ابسطي نفسك باي شي تحبيه .. بعدين ابدي يكون اغلب اسبوعك صحي الا مثلا وجبة او وجبتين وهكذا

ثالث طريقة : دائما ابحثي عن تحفيز والهام داخلي وخارجي

اي شي بالحياه يحتاج استمرار عشان نشوف نتايجة  وبرضو يحتاج عزيمة عشان نستمر .. واوقات مع البيئة الخارجية مثلا الناس او المكان  او حتى  نفسك يجينا  احباط او ملل  وهذا طبيعي عشان كذا لازم ندورتحفيز  على عشان  يخلينا نكمل .. ومو دايما لازم يكون من داخلنا هالتحفيز مع انه مهم عشان نكون اقوياء وصامدين بس اوقات التحفيز الخارجي يعطينا منظور افضل من الي شايفينه احنا..

كيف طيب احفز نفسي ؟؟ اكتبي لنفسك بورقة قدامك ليش تسوين كذا … حطي صور لهدفك مثلا صور فيها عبارات تحفيزية  او صور لناس حققو هدفك الي حابه تسويه …. اقري كتب او مدونات او شوفي فيديوهات عن ناس محفزين لك بهالمجال وكيف يومهم وكيف يتحمسو عشان يعطوكي الهام

رابعا: لاتقولي كلام  سلبي لنفسك

هالشي من غير ماتدرين رح يغير تصرفاتك ونفسيتك .. لما تقولي لااا مااقدر اكل همبورجر من ماك او لا ممنوع علي اكل من برا  كلمة (مااقدر او ممنوع ) رح تأثر بنفسيتك والتزامك او حتى لو ملتزمة رح تحسي انك مو مبسوطة … لان بداخلك شي ناقصك الي هو الاشيا الي حابتها الي مانعه نفسك منها …. فبدال كذا تكلمي بإيجابية مثلا قولي  احب اكل همبورجر مطبوخ اكثر من الي برا … او نهاية الاسبوع اقدر اكل من ماكدونالز  ان شاء الله مو اليوم … او حابه والله اعلم نفسي اكل صحي فابغا اقلل من اكل برا …بالنهايه انتي ماحسستي نفسك بالنقص ولا نكدتي على نفسك بالعكس قاعده تثبتي بنفسيتك ومخك الهدف حقك بشكل اقوى من اول

خامس طريقة: جسم واحد لك وماحد بيعطيكي جسمه

لازم تفكري ان جسمك والنعم الي قاعد يسويها من تنفس ,حركه, سمع ,تفكير الخ صغيره وكبيره هذي كلها منح من ربك لك.. ويبغا يشوف ايش تسوي فيها .. وهذا جسمك انتي! ماحد بيعطي جسمو لو تعتبي  ومرضتي .. هذا الجسم هو الي بيخليكي ماتحتاجي لاحد .. هو الي بيخليكي تشتغلي وتصرفي  على نفسك … هو الي بيخليكي تنبسطي بالحياه والي فيها  …. فاهتمي فيه  لان انتي تحتاجينو مو هو الي يحتاجك !!

وبس ! بالنهايه اتمنى ان هالتدوينة فادتكم وعطتكم لو شوي تحفيز انو تبدو حياة صحيه لو بخطوة وحده … واذا استفدتو افيدو غيركم

مع السلامة


لاتنسو تتابعوني على السناب تشات 

Boosh.life 


Advertisements

2 Comments »

  1. من جد بالتدريج افضل
    انا بالبداية كذا كنت اقرا بس وبعدها صرت احيط نفسي
    بناس تاكل اكل صحي ومبسوطين بهالنظام
    صرت أتحمس اكل صحي وشوي شوي
    صرت ادخل وجبات صحيه في يومي واهتم بالاستمرارية
    وهذا اهم شيء 👌🏻

    Liked by 1 person

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: