صينية دجاج بالبطاطس صحيه لذيذة healthy chicken potatoe recipe 

السلام عليكم ورحمة الله وبركاته 

جربت قبل كم يوم ,,وصفة من مخي عشان اسوي صينية دجاج بمكونات انا احبها..والنتيجه طلعة لذذذذذذيييييذذذذذه جدااا فحبيت اشاركم هيا بما ان الطريقه صحية وممتازه لاصحاب الرجيم والدايت(طبعا بكمية بسيطة ) و مناسبه للي مايحبو الطبخ مره زيي

قبل ما نبدا تغاضو عن الصينية والحروق والاصابات الموجوده فيها  😂😂😂… يلا نبدا

المقادير 

بالصينية: بطاطس مقطعة  / صدور دجاج  مقطعة / بهارات دجاج /فلفل اسود/ ملح /كمون

الصوص: زبادي/خردل /كزبرة وبقدونس/صلصة طماطم

الكميات على كيفيك ***

..

الطريقة 

اخلطي كل شي سوا بالصينية  وحطيها داخل الفرن او زي ماسويت انا على عيون الفرن من فوق عشان اعرف متى الاكل استوى … وبتعرفين انو استوى لما تقدري تقطعي البطاطس والدجاج بسهوله .. وبالعافيه

بالله ايش رايكم بالطبخه ولا اسهل ولا شرح طويل ههههههههههه

النتيجة : طعم لذيذ وخفيف ومليان نكهة .. وتاكلي مع رز  او اذا دايت يكون مع سلطة  عشان البطاطس نشويات بديل الرز .. او اذا تسوين حساب السعرات الحرارية او الماكرو تقدري تاكلي مع الرز ولكن بحسب احتياجك …

بالنهايه 

لاتنسو تتابعوني على مواقع التواصل الاجتماعي..اشارك يوميات وتحاربي الصحيه الي ان شالله تنفعكم .. واذا حبيتو هالتدوينة حابين اشارك وصفات اكتبلولي بالتعليقات

شاركو هالوصفه مع الي يحب الاكل الصحي والي مسوي دايت..عشان يعرفون ان الاكل الصحي ماهو حرمان ..بالعكس اكل حلو وطعمو لذيذ مرررا

عيشيوا بايجابيه وحب ❤️

boosh.life

1493809188631-2

كيف اضبط نومي .. تعديل روتين النوم ..how to fix my sleeping  schedule  

السلام عليكم ورحمة الله وبركاته 

كيفكم وكيف اوضاعكم بعد العيد … اكيد كثير بيقول حايسين مع النوم. وهذا هو موضوع تدوينة اليوم
بما اني اقدر اقول ان تعدل نومي الا شوي ..ولكن اعتبرو انجاز حبيت اشاركم كيف بسرعه عدلت نومي وخف عندي الصدا ع و اليوم الي يضيع من كثر النعس والكسل

اول شي.. في تدوينة جميله كتبتها عن كيف اكون انسان صباحي واحب الصباح..شيكو عليها (هنا) يمكن تلهمكم وتساعدكم اذا حابين تكونون صباحيين مو بس يتعدل النوم

1500202519862-1

الحين نجي للمهم الخطوات لتعديل النوم


اولا شي: كوني واقعيه بتوقيت نومك 
ماينفع تكونين صاحيه لين ثمانيه الصبح تسعه الصبح وتبغي تصحي الظهر عشان تضبطي نومك!! لان مو بس سالفه انام بدري بعدين قد ماانو تجهدين اجهزه جسمك ومخك ويصيرو مايقومو بوظائفهم الحيويه على اكمل وجه ويكون كل يومك صداع ونفسيتك سلبيه ومالح خلق …وجسمك امانه عندك !!

يعني تبغي تقومي على الاقل اعطي نفسك ثمانيه سبع ساعات اذا كان عندك هالخيار بانك تقومي متى ماتبغي اقصد ماعندك التزامات تصحيكي..

ثاني شي: خلي يومك في مجهود
بمعنى اذا حابه تعدلي نومك من اليوم خلي اليوم في انشطه سوا بالبيت او خارج البيت تخليكي تبذلي مجهود مو تهلكي الجسم ..عشان بالليل يكون الجسم محتاج للنوم حتى لو ماتبغي تنامي بس لانك تعبانه تبغي تنسدحي وتريحي فتصيري قريبه انك تنامي بشكل اسرع من امس لان جسمك يحتاج الراحه

ثالث شي: تحمسي ليومك الثاني 
من الطرق الي دائما انصح فيها بالسناب (كود سنابي اخر التدوينه )انو خططي ليومك الجاي سوا بامور بسيطه يوميه عاديه تسوينها او امور مهمه وكبيره بس حاولي تخلي بكرا حماس بما انك حابه تنامي!! هذا بيحفزك نفسيا وجسديا انك تحاولي تنامي ..مثلا اكتبي بكرا بخلي بنات خالي يجون او بطلع برا او مثلا بالنسبه لي اتحمس لما اخطط بكرا بسوي رياضه جديده او بكتب مدونة جديده او بتابع فيلم معين او بخرج بكرا وهكذا..
رابع شي: خليكي بالظلام

من اسباب ان الله ذكر بالقران ان الليل للنوم والنهار للعمل والاجتهاد! لان سبحان الله في هرمون بالليل يفرز ماده تساعد الجسم بالنمو وتضبط اجهزته ولكن هالهرمون يفرز فقط اذا كان الوضع عتمه !! يعني ليل من جد!! مافي ولا ذره نور!! حتى نور الجوال او اللمبه الي بالممر حق الغرفه !! لازم عتمه!! فحاولي حتى لو مافيكي نوم تدخلي الغرفه وتكوني بعتمه واقعدي فكري لحالك ..سولفي مع نفسك وتدريجيا بتشوفي في كسل خمول وبالنهايه بيجي النوم باذن الله

خامس شي:: الاذكار العجيبه 

يعني لو احلف مليون مره ان هالطريقه داااائما تضبط مااوفي حق هالشي !! طبعا لما تكوني بالعتمه وكذا وودك تجيبي النوم ..بس قولي مثلا استغفر الله سبحان الله الحمدالله وكذا او ايات قران والله الشعور الي يجيك مدري ايش وصفو بس هو نوع من السكينه والخمول تحسي يثقل جسمك وتنعسين … وبسرعه تنامي اسرع من لما تفكري بامور ثانيه وتسرحي فيها ..جربوها وادعولي
اخيرا: المنبه

حطي منبه افضل شي ساعه!! وخليها بعيده عنك !! واذا جوال برضو خليه بعيد عنك ولكن نرجع للنقطه الاولى خلي التوقيت منطقي انك تشبعي نوم!! يعني ثمانيه ساعات او اكثر

كيف التطبيق لهالخطوات 

كل الي قولتهم اياه تسونو سوا! بس الترتيب على حسب وضعك..يعني بالنسبه لي اليوم اقوم احاول اجهد نفسي بنشاطات وبعدين اكتب مخططات بكرا وادخل الغرفه بوقت يناسب اني اشبع نوم عشان ماانام بس ساعتين وكذاواتعب..اخلي المكان ظلمه وابدا اكلم نفسي او اقول الاذكار وبعد فتره انام !! ويصير ثاني يوم فيه هدف وفيني نشاط اقوم لبكرا وانا متحمسه لهاليوم بدال ماافتح عيوني واكسل وارجع اكمل نومي !ويضيع اليوم مره ثانيه .. في ناس يقولك رح ابدا انام بظلمه واقرا الاذكار وبكرا احاول اصحى واخلي يومي في مجهود ونشاط عشان انام بدري ويتعدل وكذا .. شوفي الي يناسب ولكن هالخطوات مفعولها جبار .ولكن الاهم
انك ماتكوني سلبيه وتقولي مااتوقع ينفع او مااحس بيمديني …الايجابية مع النفس هي السبب بالحياه الايجابيه.وانك تشوفي انجازات واقعيه بس من خلال هالخطوه البسيطه ..رددي لنفسك كلام ايجابي ..وطبعا مارح يكون الوضع انو من اول مره خلاص عدلتي نومك للسنه كولها !! ولكن هو تدريجي الموضوع لين تعودي

بالنهاية 
اتمنى التدوينة عجبتكم ..وانشروها لغيركم عشان هم كمان يتحفزون عشان يتعدل نومهم ..ونعيش ثاني يوم بنشاط وانجاز وايجابية
لاتنسو تتابعوني بمواقع التواصل الاجتماعي (انتسقرام /سناب وتويتر)

❤️وعيشوا بايجابية وحب

boosh.life

1493809188631-1

تخفيف الإدمان لمواقع التواصل الإجتماعي \how to reduce your social media addiction

السلام عليكم ورحمة الله

تدوينة اليوم رح اشاركم طريقتي بتخفيف ادماني وتعلقي بالجوال وخاصه مواقع التواصل الاجتماعي وايش استفدت خلال مدة انقطاعي وكيف رائي بالتجربة  …يلا نبدا

img_2552-1

سبب اتخاذي قرار الانقطاع عن التواصل الاجتماعي ؟

الي يتابعني بالنساب رح يعرف السبب الثاني  (فلا تنسو تتابعوني بالسناب الكود تحت  يلاااا اشوفكم هناك حبايبي  ) والي  هو كان  بسبب دخول شهر رمضان علينا والله يعيدو لنا بخير وبصحه يارب .. حبيت ان اتفرغ للعبادات ويكون في خشوع اكثر .. لان تعرفون ان الجوال يستهلك وقت كثيير .. يعني يكون الساعه عشره  الليل وتمسكي الجوال تصير الساعه خمسه الفجر ! فحبيت يكون الفترات الي اقضيها بالجوال تكون تستغل بالعبادات واني اقضي وقت مع اهلي واصحابي ونفسي .. ويكون فيه هدوء اكثر !!

ولكن السبب الاساسي هو اني حسيت كثرة استخدامي للجوال .. نومي صاير صعب!! مااقدر انام بسرعه ! في ارهاق كثير ومخي مشوش ودايم احس ان فيه مليون شغله ببالي.. وحتى لاحظت خشوعي بالصلاه وتركيزي جدااا ضعيف .. فماحبيت هالشعور فقلت يمكن السبب من الجوال فاتخذت هالقرار اني اوقف مع سبب دخول رمضان علينا

كيف وضع ادماني مع الجوال ؟

للامانه ماني مدمنة بشكل كبير .. يعني ابداا مايهمني لو طفى الجوال علي انو اجري اشحنو .. لا عادي اخليه طافي لين احس اني ابغا استخدمه! ولكن المشكله عندي انو وقت استخدامي !! يكون تركيزي واحد يعني مااركز على الي حولي لين اوقف استخدام الجوال ! لان  تركيزي مو متعدد ابدا !! شي واحد وبس ولو احتاج اركز باكثر من شي يصير مخي حوسه وملخبط واحس بصداع

مدة الانقطاع  وكيف الانقطاع؟

شهر تقريبا !! والانقطاع كان انو احذف كل مواقع التواصل الاجتماعي  (تويتر سناب تشات انستقرام ).. وطبعا استخدم الجوال عادي لان احتاج استخدمه ولكن بدون هالتطبيقات

كيف فترة الانقطاع قضيتها ؟

طبعا الاغلب بيقول اكيد حسيتي بفراغ وزهق .. وبالبدايه اي كنت اقول ايش اسوي بهالوقت  الي عندي … وكان هالشي افضل شي صراحه لان صرت افكر بامور كثيره اقدر اسويها  بهالوقت واستغله ! وصرت افكر لو كل هالوقت الفاضي يصير دايما عندي رح يكون في انجازات كثيررره وسريعه عكس لو كنت مستخدمه الجوال زي اول …

 خلال فترة النوم !! كنت متعودة امسك الجوال !! ولكن مع الانقطاع صرت اقضيه مع الاهل اكثر وانبسط واسولف معاهم اكثر مع نفسي من ناحيه ارتب افكاري ومخططاتي لليوم الجاي فكان روقان اكثر

 الصبح … الصحيان كان جميل لان اقوم بسرعه من السرير بدال مااضيع وقت بالسرير ع الجوال وانسى انجز الامور السريعه بالبيت ولنفسي …فصرت اقوم مروقه واهتم بنفسي وبالبيت وبعدين اشوف عباداتي وبعدين اجهز الفطور.. فكان النظام جدا هادي .. عكس لما كنت كل ماسويت حاجه مسك الجوال او وانا بنص الشغله ماسكه الجوال واشيك التطبيقات وكذا

التركيز ! جدااا تحسن .. من ناحيه التركيز بنفسك \ بالتفكير بموضوع معين تفكري فيه \ التركيز مع الناس الي حولك \ التركيز بالصلاه والعبادات ..  فحسيت عشت كل يوم  بكل تفاصيله بشكل افضل .. مو نفس لما استخرم الجوال بشكل كبير .. لان فجاه يصير الليل واحس ماشفت اليوم مضبوط وعشته صح

الصلاة !! نكون صريحين اوقات  للاسف اتاخر عن اداء  الصلاه بسبب اني بالجوال ! فلما وقفت الجوال .. تحسنت من ناحيه الالتزام ولاحظت انو الجوال كان اكثر سبب لعدم التزام الكامل  ..فهذا شي جدااا جميل وسعيده فيه الحمدالله

هل حسيت بملل او شي ناقصني !! ابدااااااا لا !! كنت افكر انو بحس كذا بس بالعكس !! صح في كثير حسابات تعطي نصايح وامور مهمه ولكن حتى لو ماتابعناها كل يوم مارح يصير شي او رح ينقص مني شي !! لان اقدر احصل على هل المعلومه من مكان ثاني او بوقت ثاني … فماصار انو حسيت ان نقص مني شي ابدااا بالعكس حسيت بقلة اهميه هالامور

قبل لااختم هالفقره !! عشان اكون صريحه كنت استخدم تطبيق اليوتيوب عشان اشوف برامجي بس ماحسيت ان اليوتيوب مضر بالنسبه لي لان مااحتاج اتابع كل شي ع طول ولا بيفوتني لان كل شي محفوظ بالقنوات الي ابغاها  واقدر ارجعلها فما كان مهم حذفه بالنسبه لي..

 هل حبيت هالتجربة وهل رح اعيدها ونصحية للي حابين يجربون هالتجربة  ؟

احلى ايام كانت … طبعا رح احاول اغرس هالاسلوب بحياتي اكثر .. يعني طبعا رح انزل التطبيقات من جديد واستخدمها لان صح تشتغل الواحد ولكن فيها فوائد كثيره ولكن زي ماقلت مو لازم اتابعها كل دقيقة  …  فرح احاول اني اخصصلها وقت معين  عشان اعيش باقي اليوم صح وانبسط وانجز فيه …

نصحيتي لكم : والله قعدة الاهل والناس الي تحبينهم ماتتعوض !! الجوال والتطبيقات كلها مارح تخلص ولكن اهلك واحبابكم اليوم فيه وبكرا يمكن مافي !! فلا تضيعو وقت بعيد عنهم وعن ضحكاتهم ووناسة جمعتهم  وطبعا الانشغال بالجوال ياثر بالتزامنا بصلاتنا وعباداتنا ! فماتسوى نضيع هالوقت الي مانعرف متى بيخلص مننا واحنا ماانجزنا لاخرتنا كمان .. فالله يعيينا على طاعته يارب  ويحفظلنا احبابنا يارب بصحة وعافيه

بالنهاية

انصحكم انصحكم انكم تحاولو  تجربو هالطريقة سوا كانت لمده متواصله زي اسبوع اوشهر كامل  او منقطع مثلا  يوم مخصص كل اسبوع او وقت معين كل يوم .. جداا رح تحسو بفرق وبشي جميل وهادي داخلكم

اذا تعرفون احد مدمن مواقع تواصل اجتماعي … وحابين انه يخفف سوا اهل او اصحاب .. شاركوهم هالتدوينك عشان يتحمسوو ويبدو بالتغيير …..شاركوني رايكم بالتعليقات

مع السلامة

boosh.life

1493809188631