7 easy ways to get rid of lazyniess/٧ طرق سريعه وفعالة  للتخلص من الكسل والخمول 

السلام عليكم ورحمة الله وبركاته 
كيفيكم .. لي فتره مانزلت تدوينة او كنت فعاله بمواقع التواصل الاجتماعي والسبب كان فتره مرضيه وخمول ولخبطه نوم … وهالتدوينة لها علاقه بالخمول واللخبطه الي صارت في نظام يومي وانجازي سوا للبيت او لنفسي… واكيد كثير منكم مر بهالفتره الي كل شي ملخبط سوا بسيب مرض او كسل وخمول
هالتدوينة ان شالله بتفيدكم زي مافادتني وحبيت اشاركم هيا.. بتكلم عن طرق بسيطه تساعدنا نرجع نرتب يومنا ونظامنا سوا كان نظام دايت او نظام عنايه او نظام تنظيف بيت او مذاكره الخ !!

1502206169501

اولا: لاتعاتبي نفسك !!! مافي مشكله 
لازم تبدي تخففي تعاتبي نفسك وتقولي مثلا هالوقت كان مداني سويت وكان مداني انجزت !! حرام ضاع الوقت !! اصلن انا ماني انسانه ناجحه بس كسلانه !! والخ من الكلام السلبي!! لان كل مازدتي كلام سلبي رح يزيد مخك يخلي جسمك ونفسيتك بدون ماتحسي زياده كسلانه وماتبغا تسوي شي ..واقرو عن قوة الكلام للنفس واثرها بالحياه ورح تنصدمو !!!!!

ثانيا: اعترفي بالغلط بايجابيه 
لاتوبخي نفسك زي ماقلت!! بس قولي لنفسك الحقيقه ان ضاع وقت او ماانجزت لين الحين ولكن ببدا من اليوم او بكرا اشتغل على نفسي واحاول اتعدل !! او مو مشكله اني اخذت هالوقت راحه وبكرا يوم جديد ويمديني اسوي الي ابغاه ان شالله ..هنا يصير العكس مخك رح يحمس جسمك ونفسيتك انو يدرو على حلول وتقومي تنجزي !!
ثالثا: توكلي على ربك!!

كل شي بمشيئة الله فلازم نحاول نخلي كلمه ان شاء الله/ باذن الله/ ربي بسهلي/ بتوكل على ربي.. عاده واول خطوه لكل انجاز او شي بتسوينه !!

رابعا: حطي خطه واقعيه 

لاتقولي من بكرا رح ابدا رياضه وافرز الغرف واقعد احفظ قران او اذاكر فصل من كتاب …وكله ورا بعض !!! لا ابدي حبه حبه وفرقي بين الشي الي يكون يومي والدوري!! يعني ترتيب البيت بشكل عميق هذا مو كل يوم اذا انتي مشغوله لازم يكون موزع بالاسبوع او الشهر!! اذا تبغي تسوي رياضه وانتي عندك مسوؤليات ارجعي للرياضه بشكل بسيط يعني بالاسبوع كم مره !! القران او قراءه كتاب او وصل الاهل ومكالمتهم او العنايه بالجسم هذي ماتاخذ وقت وحيز كبير فتقدري تخليها يومي!! ولكن شوفي وضعك ويومك ومسؤولياتك ورتبيها ايش اللاهم والمهم!!

خامسا: جدول متابعه او قائمه مهام 

بالنسبه لي هذي الخطوه جدا فرقت معاي!! لانها تحمسني اجي اشطب على الجدول او القائمه الي سويتها ..وافضل يكون القائمه اكتبها بشكل يومي لان مايدريك ايش يصير بكرا او بعدو ومايمدي انجز ..لان اذا التزم بس ب جدول اسبوعي او شهري ومالتزمت فيه ازعل واتضايق وابدا افقد الحماس ولكن اغلب الاوقات اوازن !!احط خطه اسبوعيه او شهريه ولكن مهم اسوي قائمه يوميه عشان الشهريه للامور الدوريه او النادره وقائمه المهام لليوميه

سادسا:. لاتلتزمي بمذهب واحد 

لما نرجع نسوي الامور الي تركناها اوقات تكون ثقيله علينا نرجع نسويها بحكم انو زهقنا وطفشنا بس لازم نسويها ..فالنت بحر افكار !! وبرضو خبرات الناس !! فشوفي طرق ثانيه لنفس الهدف يعني بدال مااسوي نفس الرياضه الي اسويها دايما انوع احرب طرق ثانيه يعني بدال الجري يكون رقص !! بدال الاكل الصحي الي بلا بهارات اسوي اطباق جديده وبنكهات !! بدال ماكنت احرم نفسي اكله معينه ابدا افكر كيف اسويها بشكل صحي اكثر وكذا!! بدال مااقراء كتاب زهقت منه وماخلصت اروح اشوفلي كتاب ثاني !! وهكذا شوفي طرق جديده واساليب تحمسك من جديد!

اخيرا: كافيء نفسك بعبارات اكثر من اشياء!! 

يعني كثير يقولك بكافيء نفسك بهديه او خرجه او اجازه وكذا وهذا شي جميل .. ولكن الراحه النفسيه تغلب على التعب او الراحه الجسديه !! مثال بسيط شوفو لما نروح السوق لاننا مبسوطين نفسيا نمشي عشر ساعات بس مانحس بتعب ولكن نص ساعه مشي رياضه نكرها وركبنا وظهرنا يعورناههههههه او ترتيب غرفه وكذا!! لان نفسيتنا تشوفه شغله!! فكافيء نفسيتك !! بانك تقولي لنفسك كلام جميل يعني : هبه اليوم انتي شاطره. ماشالله سويت اشيا كثيره ..مبسوطه من نفسي.. انا اقدر اسوي والله وانجز الحمدالله … وكذا كثرة التكرار من هالكلام الايجابي يعطي طاقه لانجازات اكثر لان المخ مبسوط زي بسطت السوق
هذي طرق دايم اجربها لما اوقف واهمل اهدافي او الانظمه الي حاطتها لنفسي…وجدا تفرق معاي بالانجاز والاستمرار لفتره اطول

بالنهايه .. انا بروح اطبق هالكلام لان لي اسبوع ونص الوضع مررره لخبطه… 😂وانتو اذا استفدتو لا تنسو تفيدو غيركم ..وتابعوني على مواقع التواصل اشارك تجاربي وامور كثيره استفدت منها 😍

عيشوا بايجابيه وحب 

Advertisements

6 Comments »

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.