وصفة بانكيك صحية وسهله\healthy easy pancake recipe

السلام عليكم ورحمة الله وبركاته 

تدوينة اليوم زي ماقريتو عن وصفة سهله وسريعة وصحية وبرضو رخيصة  للبانكيك … وطبعا لذيذه 

للامانه انا مااحب البانكيك  ولا الوافل ولكن بعد مابديت اتجه شوي شوي للاكل الصحي صار عندي قابلية اجرب اي شي وانوع باكلي لان ماابغا احط نفسي بقالب ان الاكل الصحي ممل ! بالعكس كل أكلنا حلو ونقدر ناكله وننحف ويكون صحي اهم شي نعدل من الكميات او نبدل بالمكونات وبالنهايه نفس الطعم ونفس النفسية الحلوه باذن الله دايما

طبعا قبل لا ابدا اشرح الوصفه .. الحقوق لاصحابه.. فالوصفه هذي اخذتها من هالموقع الاجنبي (هنا) ! وشكل الموقع في وصفات كثير حلوه..  الله عطيها العافيه… وشاركت الوصفه مع البنات بالنساب  اولا وقلت لازم احطها بالمدونة للفائده

المكونات 

شوفان (انا استخدمت شوفان كامل الحبه من شكره هناء يكون علبتها شفافه والغطا اصفر )مطحون

حبتين موز

حبتين بيض

رشه ملح

ملعقة حلى فانيلا -هذا انا ضفته لنكهة احلى

نص ملعقة شاهي بايكينق باودر

عسل

فاكهه للتزين- اختياري

الطريقة 

اول شي نطحن الشوفان زي ماذكرت فوق نحتاجه مطحون قريب  للدقيق.. 

وبعدين بخلاط طعام .. نحط كل المكوانات ماعدا العسل والفاكهه لانها للتقديم

الخليط لازم يكون متجانس وعلى هيئة سائل  ثقيل  شوي .. مو خفيف  .. عشان يكون متماسك  ويعطيكي كثافة وقت الطبخ

بعد كذا على الفرن بقلاية او مقلاه الي حق البيض المسطحه (ابدا ثقافة مطبخيه مافي ههههه) حطي شو زيت  وامسحي القلاية او زيت البخاخ .. اي شي يمنع الالتصاق بس

وبمغرفة صبي كمية من الخليط  على شكل دائره .. ولما يبدا الاطراف او الطبق التحتيه تصير بني ذهبي اقلبي للجهه الثانيه ونفس الشي لين تصير الجهه الثانيه نفس اللون

وقت التقديم رشي عسل عليه  والفاكهه طبعا اختياري برضو

وعليكم بالف عافيه

بالنهايه 

شاركوا التدوينة  لغيركم عشان يستفيدوا والي عندو اطفال وجبة تعتبر حلوه ومليانه فوائد من بروتين والياف وسكر طبيعي

عيشو بحب وايجابية 

 

quick and easy peanut butter recipe \ طريقة سهله وسريعه زبدة الفول السوداني

السلامةعليكمورحمةاللهوبركاته 

تدوينة اليوم قد ذكرتها بالانستقرام  (حسابي)  ولكن المدونة  تعتبر مرجع اعم  سوا داخل التطبيق او خارجه … الاغلب بيسأل اول شي ايش الفرق بين الفول السوداني الي بالسواق والي بالبيت او الي ينباع عضوي ؟ اول شي المكونات المنتجات التجارية اغلبها فيها مواد كثيييييييره مو طبيعيه وكثييييييييييييره دهون بكل اشكالها وكثيييييييييير محليات عشان تعطي طعم لذيذ وطبعا انتاج ارخص لهم وللمستهلك .. ولكن الي يكون عضوي يكون منتجاته اقل و طبيعيه ونقدر نتعرف عليها  ولكن بيكون اغلى لان الانتاج بيكلفهم لان كل شي طازج ويحتاج يكون زراعته برضو طبيعيه وتاخذ هالامور وقت وتكلفة …

 نجي للي يتسوى بالبيت !! بيكون اررررررررخصصصصصص ونفسسسسسسسسس الطعم الي بالبقالات ومكونات قليلة جدا وهذا الي بشاركم فيه

1507653543361-2

المقادير 

فول سوداني (جيبوه مو محمص ولا مملح ) الكيمة الي استخدمتها تقريبا كاسه وشوي

سكر-اختياري موضروري-zذ ددي (انا اخذت سكر جوز الهند تقدرو اي سكر لان الكميه جدا قليلة باذن الله مافي ضرر) الكمية ملعقة طعام

رشة ملح (استخدمت ملحح البحر لان طعمة اقوى يعني كميه بسيطه وتعطيك الملوحه الي تبغيه بس برضو اي ملح يمشي) الكميه رشهههه

فانيلا (هذا اختياري عشان طعم احلى ) الكمية ملعقة حلى

زيت (استخدمت زي عادي نباتي لان بيساعدك يكون سائل اكثر عشان لما تفردي بالخبز يكون سلس )الكمية رشه بسيطه او على حسب الليونه الي تبغيها للفرد انا سويت رشه بسيطه يعجبني شوي ثقيل

..  ملاحظة::: المقاديرتختلفعلىحسبكميهالفولالسودانيطبعا  وفيبعضالاشخاصتحبتضيف  شوكلاتهاولوز  عشانيعطينكههثانيهفانتوراحتكمبالاضافاتوكمياتها  

الطريقة 

اولا: حطي الفول السوداني  بصينيه على الفرن عشان يتحمر لين يكون لونه ذهبي.. او بني عسلي  وخرجيه يبرد شوي

 ثانيا: حطي الفول السوداني بخلاط الطعام  الي يكون شكله قريب   الصوره الي تحت (مو االشركه😅 الشكل فقط) … وخليه يخلللللللللللللللللللللللللللللللللللللللللللللللللللللللللط وحتلاحظي انه بدا يتكتكل على الجوانب  فانتي كل شوي وقفي وفكي التكتل من جوانب الخلاط وخليه يكمل خلط مره ثانيه … وبعدها بفتره بتلاحظي انه صاير كانو عجينه دائرية تدور لا تشيلي هم خليه يكمل خلط … بعدين  ببدا يصير  خليط سائل

 ثالثا: لما يبدا يصير سائل الخليط حطي كل المكونات الباقيه  وخليه يخلط  شويي لاخر مره عشان تتجانس كل المكونات.. وبس

صبي الخليط بعلبه واستمتعي .. حتى الاطفال بيحبو  لان نفس الطعم فول السوداني الي بالسوق .. وترا هالطريقة تنفع برضو تسوين فيها زبدة  اللوز والكميات برضو على حسب ذوقك

1507653408327-2

 وبالنهاية … عيشو بإيجابية وحب

سنابي 

1493809188631-2<<<<<<
;