شرح بسيط عن الصيام المتقطع /what is an intermittent fasting ..

السلام عليكم ورحمة الله وبركاته
تدوينه اليوم شي حابه اطبقه بشكل مستمر وهو الصيام المتقطع!!
يمكن قريتو عنه او سمعتو في حسابات بعض المختصين والرياضين يتكلمون عنو… حبيت اشرحلكم اياه بشكل مبسط ومو بتفاصيل للفائده العامه …ويسهل للبعض فهم الفكره بشكل اسرع

ماهو الصيام المقتطع؟

عباره عن الصيام من اكل وشرب يحتوي على سعرات حراريه لمده معينه خلال اليوم مثلا ١٢ ساعه صيام  او اكثر على حسب كل واحد يعني ناس  تصوم  ١٤ساعه وثاني  تصوم ١٨ ساعه وهكذا …
وببساطه هو اسلوب غذائي… ماهو رجيم !!!!! ماهو خلطه تنحيف !!! هو اسلوب تنظيم لوقت اكلك خلال اليوم … مو نظام ايش تاكل !!!

وملاحظه ! مو شرط الصيام لمده متواصله يعني مو لازم اسبوع كامل او شهر كامل ..في بعضهم يسونه يوم صيام ويوم لا..وبعضهم يستمرون فيه لشهر او اكثر …

وقتا لصيام والافطار؟؟
ماله وقت معين..على كيفيك … مثلا في ناس تبدا صيامه ٨ العشاء وتفطر ثاني يوم الساعه ٢ الظهر.. ناس تمسك وتبدا تصوم ١٢ بالليل وتفطر ٤ العصر ثاني يوم .. يعني على كيفيك ترتبين صيامك …

ويعتمد زي ماقلنا بدايه الافطار والامساك على عدد الساعات الي حددتيها انتي لصيامك ..
وفي حالات كل فتره تغير موعد الامساك والافطار ..فهو نظام مرن

هلصيام تام زيصيام رمضان؟؟

لا … تقدري فتره الصيام تشربي مويه او مشروبات مافيها سعرات حراريه زي الشاهي والاعشاب بدون اضافات ومحليات …

كيف يكون الاكل وقت الافطار؟؟

برضو على حسب هدفك .. في ناس مالها بالاكل المحسوب بالسعرات الحراريه وتاكل عادي وجبات متعدده خلال فتره افطارها سوا اكل صحي او لا … وناس تحسب سعرات حراريه وتوزع وجباتها برضو على ساعات الافطار .. وبعضهم ياكلو وجبه وحده كبييييره وحلى فقط ولكن سعرات اليوم كلها فيها …. وهكذا على كيفيك وهو ماهو رجيم!!!

الهدف من هالنوع من الصيام؟ 

اولا!! اسلوب من اساليب التغذيه … مو نظام غذائي !!!!! يعني ماله اكل ووجبات معينه لاااا هو اسلوب حياه واسلوب اكل
وطبعا الصيام عاده دينيه وربنا ماحطها الا لفايده… يعني في البعض الي معتمده اسلوب تغذيه لفترات طويله لانه بالمختصر ماهو حرمان او اسلوب شديد على الجسم دام الجسم ياخذ احتياجه اليومي ..وتقدري توقفي وتغيري متى ماتبغي …

وبعضهم ماخذه لان شاف خساره في الوزن ملحوظه… وبعضهم استخدمو كاسلوب تنظيم لاكلهم ..عشان يوقفو اكل عشوائي طول اليوم ..

وفي مصادر متعدده ذكرت بالتفصيل فوائد هالنظام من الناحيه الحيويه  وكيف الجسم داخليا مستفيد ..طبعا مااقدر اتكلم بهالموضوع لان له اهله ومختصين
فما في اثر يذكر الى الان على سلبيه هالنظام بشكل كامل

ولكن ابحثو اكثر عنه لو حابين تتعمقون
الروابط الي تحت مجموعه بعض الاشخاص هالنظام للفايده

مدربرياضي  : دايتنينجا 

شخصية  مجربه : ويتنيسيمون 

كيف بطبقه انا؟؟ 

اي ان شال حابه اسوي… وبيكون نظام الامساك الساعه١٢ الليل وافطر المغرب. بحكم نومي لاني اصحى الظهر…ولكن احاول اعدل نومي عشان افطر الظهر ويكون امساكي بعد العشا ان شالله…

نظام اكلي .. بيكون ٨٠ بالميه اكلي صحي ونظيف ومعد بالبيت ..ولكن باكل طبعا الي حابته ومشتهيه (اكل مو صحي هههه) لو وجبه باليوم او بالويكند ع راحتي ولكن ضمن ساعات الافطار طبعا .. وبحافظ قدر الامكان يكون وجبات ثلاث اساسيه واثنين وجبات خفيفه

الرياضه بتكون متنوعه اوقات بس مشي واوقات تمارين كارديو ومقاومه ..يعني على حسب المزاج وعدد المرات بالاسبوع بتكون بحدود٤ايام بالاسبوع ان شالله ..

باذن الله بشاركم نتايج هالتجربه بعد شهر
بالنهايه 

اتمنى شرحي وصلكم فكره لو بسيطه واساسيه عن هالنظام ….وشاركوه غيركم لو حابين يستفيديو

عيشو بحب و إيجابية

 

Advertisements

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.