Flax seed hair mask /قناع بذور الكتان(ماسك) للشعر

السلامعليكمورحمةاللهوبركاته 

تدوينة اليوم سريعه وخفيفه ومفيدة … من العنوان  طبعا معروف الموضوع ….

بذورالكتان  

تعتبر من البذور الي لها فوائد كثيره.. لأنها غنية بالالياف الي تساعد على الشبع  واحتوائها على دهون صحيه واوميغا ثري المهمه للجسم   وغيرها  من الفوائد …

..  وكثير مواقع تكلمت بالتفصيل عن فوائدها .. وصدمني صراحه ان شي صغير فيه كثير فوائد مو بس يستخدموها لخسارة الوزن  سبحان الله

وطبعا ! من الفوائد انها جدا تفيدالشعر.. من ناحيه

 انها تخفف الجفاف والكشه او النفشه حق الشعر وتخفف التساقط وتنعمه ..

فتحمست اجربها لان شعري ناشف وجاف من الاطراف ويضايقني فما اخليه مفتوح دايم مربوط .

نجي كيف نسوي ماسك او قناع شعر من بذور الكتان ؟

طريقةالقناع؟

تحتاجين فقط  لبذور الكتان ومويه !… وكميه المويه تكون ضعف كميه البذور تقريبا

اغلب المواقع كاتبه .. ربع كوب بذور  \ كوبين مويه …

انا شخصيا حطيت تقريبا ملعقين بذور الكتان وكوب وشوي مويه !

 تحطينهم بقدر وعلى النار … تقريبا ل10 دقايق  وحركيه كل شوي لين مايصير المويه ثقيل وكانها جلي  او هلام…

وبعدها طفي النار  وخليه يبرد شوي وبعدها صفي الخليط ….  واحتفضي بالهلام (مويه البذور) وتخلصي من البذور …

واحتفظي بالخليط بعلبه تقريبا لاكثر من اسبوع يقعد معاكي او تعرفي من تغير الريحه

كيف استخدم هالهلام ؟ 

من خلال بحثي … عشان اكون صريحه انا لسا ماجربته ولكن من تجارب الي قريتها .. اغلبهم يستخدمو مثل جل للشعر او مثبت للشعر خلال اليوم ويغسلون شعرهم بعدين … .. وبعضهم يخلونه كقناع ع الشعر لمده كم ساعه ويغسلون .. وبعضهم يضيفو عليه زيوت او امور ثانيه عشان يكون كخلطه وزياده فوائد …. وفي كل الحالات تجارب الناس تبشر بخير

شخصيا رح اجربه كجل واضفتله شوي فيتامين اي …واذا ماكان في مشكله من ناحيه ريحه او انزعاج يمكن اعتمده بشكل دوري   احسن من المنتجات التجارية الكميائية

بالنهاية 

اتمنى فادتكم هالتدوينه .. وشاركوها كل من يحتاجها

وعيشوابحبوإيجابية 

img_3789

ليش ماينزل وزني !؟ \ why i don`t lose weight

السلامعليكمورحمةاللهوبركاته 

كيفكم ان شاء الله بخير ؟ … تدوينة اليوم شوي شخصيه  مو موضوع عام .. ولكن يمكن تكون وحده تعاني من نفس المشكله  ويمكن احد .. يساعد ويشارك حلول لي ولغيري للفائده …. الي من السناب يعرفون هههههه

من العنوان ! بتكلم عن شي اعاني منه في رحلتي للحياه الصحيه ويعتبر هالشي اساسي عشان اشوف نتايج رياضتي ونتايج اكلي الصحي ونتايج

عادات الصحيه الي احاول اطبقها …. طيب ايش هو ؟؟؟

المشكله ! عدمالألتزامبكميهالأكل   

كيف يعني ياهبه انو لانك مو ملتزمه بالكميه حق الاكل يخرب عليك كل تعبك ؟؟؟؟

لان الجسم عباره عن جهاز يحتاج بنزين الي هو الأكل عشان يشتغل ! عشان الكبد والامعاء والهرمونات والاعصاب والمخ وغيره يشتغلو صح وبرضو عشان يعالج نفسه من الامراض وبرضو عشان تتغذى عضلاته عشان تكبر وتقوى … فهو يحرق الاكل عشان يخليه بنزين له !! ولما يكون في بنزين زايد مايحتاجه رح يتجمد ويصير دهون متراكمه  حتى لو كان الاكل الباقي صحي ونظيف ولكن مايحتاجه !!!! فيخليه !! او يا انه يحرقه بمساعدتي (من خلال ما اسوي رياضه اكثر وحركه اكثر ) عشان احرق الزياده الي ماحرقها جسمي بشكل طبيعي !!! او انها بتقعد

والزياده الي قاعده زي ماقلت هي دهون !! ورح تتجمع بالجسم كله  مثلا فوق الكبد في الشرايين  وبمنطقه الكرشه !! وغير انها مرضه برضو الشكل الجسم مليان !!!

وهذيهيمشكلتي !! 

ماعندي اي مشكله اني اكل واطبخ اكلات صحيه !! اسوي رياضه مضبوطه !! ولكن لما اكثر كميه اكل او اكون مضبوطه اسبوع واخرب بنهايه الاسبوع بشكل كبييييير واصلن  نهايه الاسبوع قليله حركتي فيه ! فيصير الاسبوع الي بعده ارجع نفس وضعي ووزني ومشكلتي !! وكل مره كذا !!!

انا احب الاكل ! وعندي صعوبه اسيطر على نفسي والكميات خاصه لما اكون بجمعات اهل وعزايم او مطاعم او لما اقول انه يوم مفتوح وهو المفروض وجبه وحده مفتوحه !!! وكل ماحاولت والتزمت صح بالكميات  ارجع اخبص !!

فحابه واتمنى وباذن الله اني اضبط نفسي !!!!! واعرف الكميات الي لازم استهلكها !! والي يتابعني بالنساب يعرف اني مااحب اسلوب الريجيم !! انا ابغاه اسلوب حياه اكل صحي يعني اكل صحي اغلب الوقت واكل موصحي وقت ماابغا اشتهي ومااحرم نفسي ! ولكن  لازم اتعلم الكميات الي المفروض استهلكها !!

طيب ليش مهتمه بالكميه غير انو صحي ودهون وكذا !!

لاني ابغا ارتب جسمي وابني عضل وابغا اشوف هالنتايج ولكن بالرياضه النتايج ثمانين بالميه تغذيه وعشرين بالميه  رياضه !!… لان الرياضه فيها عضل ينبني  ولازم يتغذى هالعضل عشان يكبر ويقوى وبرضو عشان يساعد جسمك بالحرق اكثر .. فلو خبصتي  ضاع تعبك ونرجع نحرق ونخزن طول الوقت !! والي نبغاه انو جسمنا يحرق المخزون ونعطيه بس الي بيساعده يشتغل

طيبالحل !!!!!

الحل مااحبه ههههه ولكن حاولت كل المحاولات بس ماالتزمت للاسف عندي اراده ضعيفه جهه هالموضوع !! ولكن الي مثلي اتوقع هذا الحل الوحيد !!! الميزان الالكتروني

هو تستخدمي برنامج  سوا تطبيق او بالنت او كشفيه بصيدليه مجانيه .. تحددي السعرات الي تحتاجينها باليوم !! وبرضو في ادق بانو يفصلك انواع المواد الغذائيه (بروتين \نشويات\دهون )والكميات الي تحتاجينها عشان توصلي لهدفك !

وبكذا لما تبغي تتغدي توزني الاكل  وكل اكله لها سعرات حراريه يعني مثاااال مو حقيقي ترا مدري عن الارقام ولكن مثل  ههههه … نقول لازم تاكلين 1500 سعره .حراريه باليوم …. نقول  حبه بيض فيها 100 سعره حراريه وخبز فيه 200 سعره حراريه يصير 300 سعره بالفطور كلتي

فيصير باقيلك 1200 سعره لليوم .. واذا اشتهيتي ايس كريم .. تحطي كميه بالميزان وتشوفي كم مثلا نقول ملعقه 100 سعره .. فيبقالك 1100 وهكذا … المهم تاكلي باليوم 1500 وهذا معانته  كميه البنزين الي يحتاجه جسمك عشان بشتغل طبيعي  واذا سويتي كمان رياضه رح يحرق اكثر فيروح يحرق المخزون  وبكذا تخف الدهون وتنحفون !

ملاحظة !!

ماتكلون سعرات مره قليله انتبهو وشيكو انو يكون رقم واقعي يعني ماتاكلين  800او حتى 1000  سعره وع اساس تنحفين بسرعه !! رح تمرضين وتحرمين جسمك ورح يمرض ويمكن يمسك الوزن !!

طبعا نزول الوزن  مارح يصير بس اذا اكلتي مزبوط لان احتمال سبب عدم النزول امراض او مشاكل صحيه !! برضو النفسيه والنوم لها دور وامور اخره

 بالنهايه 

هذي حلطمتي ههههه  اتمنى تشاركونها غيركم يمكن تفيد احد وتشجع احد !! وبرضو شاركوني نصايحكم وافكاركم

عيشوابحبوايجابية 

img_3789

كيف اكون انسانه سعيده وايجابيه /how to be a positive happy person

السلام عليكم ورحمه الله وبركاته

سؤال كلنا نحاول نحصل جوابه وكلنا نشتغل اتجاهه وهو السعاده والراحه والايجابيه بالحياه

1515677025434

اولا: مفهوم السعاده الدارج بيننا غلط !!!

يعني ناس يحسبو ان لو كان معاه فلوس كثير او اخذ الوظيفة الي يبغاها او حقق هدف او اشترى الشي الي نفسو فيه رح يكون سعيد وسعاده كامله وتحسسه بالقناعه !! وهذا مفهوم غلط … انت رح تكون مبسوط وسعيد للحظه ..واذا جا شي احلى رح تخلص بسطتك ب الي ممتلكه ويكون شي عادي وتتمنى الشي الجديد عشان تبغا تنبسط!! وهكذا بتكون بدوامه كل شوي تبغا شي عشان تحس بنفس الشعور!!

وهالشي يتعبك زياده ورح تبدا بمرحله الحلطمه وعدم الاقتناع وعدم تقدير النعم الي حولك !!

صح كلنا نتمنى اشياء وامور سوا ماديه او غيره ورح نكون سعيدين فيها ولكن مارح تعطينا الاستكنان والسعاده الابديه الي نطمحلها

ثانيا: هي اسلوب حياه وليست هدف

السعاده الحقيقه هي اسلوب تعايش مع الحياه بسلبياتها وايجابيتها .. اسلوب تفكير وتعامل … واساسها واهمها انك تكون انسان ايجابي ! قنوع ! شكور! متفائل هذي الخصل للسعاده الابديه والرضى الدائم ! مو معناته مانزعل ولا نتحلطم ولا نتمنى بالعكس هذي مشاعر لازم تعيشها ولكن ماتخليها تسيطر على اسلوب حياتك !! تحس فيهم وتتقبلهم وعاادي جدااا تقعد كم يوم !! ولكن توقفها بعد فتره وتتفادها وتخففها من نفسيتك وتفكيرك بانك تكون انسان ايجابي وتكمل حياتك

ثالثا: كيف اكون هالشخص الايجابي

-اخلق روتين او عادات بسيطه خفيفه يوميا توصلك لهالشي … حركات بسييييطه جدا. واهمها تذكير النفس!! واصلن هذي تربية دينيه واسلاميه انو نذكر نفسنا بنعم الله وبذكر الله والاستغفار والخ من الامور ونفس الشي نسويه اذا حابين نخلق في نفس شي جديد…

– تكلمي مع نفسك كل يوم بصوت مسموع ! قولي انا بنعمه انا جميله انا شاطره انا قادره انا استطيع انا مو خايفه انا قويه وهكذا من كلمات الي تشجع نفسك. وترا هالخطوه لاتستهيني فيها لان كل ماقلتيها مخك صدقها ورح يخليكي تفكري وتحسي بهالشي انه حقيقه ورح تسوين ورح تحققي وانتي بتلاحظي هذا الشي بنفسك واسلوب حياتك

علاقتك مع ربك شي اساسي للثبات وقوه التحمل بالحياه..لان بالصلاه والاذكار والادعيه والعبادات. رح تذكرك بصغر امور الدنيا. واهم النعم الصغيره الي ماننتبلها دايم. ورح يساعدك تفكري بايجابيه. مثلا( كلمه فقط ان شالله خيره لي او ربي ماكتبلي اكيد كتبلي شي ثاني احلى ) هذي من تربيه القران ان يخليك تشوفي امل بالحياه مهما كانت ..

تابعي ناس ملهمين وايجابين ..اقري كتبهم / اسمعي للقاءاتهم / تابعيهم … رح يلهموكي بشكل كبير لان اغلب الناجحين واغلب السعيدين مر عليهم كثييييير من السلبيات ولكن عرفو يتعايشو ويطور ويكبرو ولسا محافظين على قلب متفائل يحب الحياه ومستمع بتفاصيل صغيره ..

هذي ثلاث نقاط انا شخصيه احب اتبعها قدر الامكان بحياتي .. وزي ماقلت كلنا نزعل ونتحلطم ونتضايق ولكن يا اني اعيش بعالم اسود وكله نكد او اشوف بريق امل واستمتع بحياتي واكبر وانجز ..

بالنهايه

لو فادتك   وعجبتك هالتدوينه ..لاتبخلي على غيرك بانه يستفيد وشاركي غيرك ..

وعيشوا بحب وإيجابية

img_3789

حمص صحي سهل وسريع/ healthy hummus

السلام عليكم ورحمه الله وبركاته

اخباركم يا جميلين .. تدوينه اليوم بشاركم وصفه الحمص الصحي … هالطبق من احد اكثر الاطباق متعارفه ومحبوبه حتى عالميا 😌✋️ …

فحبيت اشاركم طرق تحضيره بالبيت … ترا جدددددددا سهل ولا يحتاج مواعين ولا حوسه ولا شي. كل المقادير كبيهم سوا بالخلاص وخلصتي ( هذي اسلوبي بالطبق😂👍)

والاهم ان طعمه نفس الي برا ! فلاتخافون .. بتنبسطو بالاكل

1515162600012-1

المقادير :

اساسها حمص / طحينيه /زيت زيتون/ثوم / بهارات …

 للطريقه :

بما اني مو مبتكره هالطريقه ..فحفاظا على الحقوق بحطلكم روابط لصفحات طرقه سههههههله ولكن تختلف بالمقادير من ناحيه الكميات وبرضو مقادير اضافيه عن الاساسيه … عشان يكون متنوع لكم وعلى حسب وضعكم 😘…

١-ويب طب

٢-فتافيت

٣-أطيب طبخه

٤-موضوع

جدا لذيذه زيها زي حق المطاعم ماشالله ..وحلو للاطفال يغمسو فيها ومفيده لهم . توقعت صراحه بتكون اتعب واطول واعقد من كذا لان ماشفت حولي احد يسويه فقلت اكيد شي يحتاجلو شغله …

بالنهايه

اتمنى عجبتكم التدوينه ..واذا استفدتو كالعاده افيدو غيركم وانشرو المعرفه …

وعيشوا بحب وايجابيه

img_3789

طريقة نوتيلا صحيه وسهلة\ healthy nutella

السلام عليكم ورحمه الله وبركاته

كيفيكم ان شالله بخير .. الله يوفقك الجميع بفتره اختباراتهم ومبروك للي خلصو ..

تدوينه اليوم جدا خفيفه واتوقع كثير حاب يعرف عنه هالموضوع ..الي هو كيف اسوي نوتيلا صحيه وسهله ..

بالبدايه هي اساسها: مكسرات البندق/ حليب / شوكلاته / ومحليات (سكر /فانيليا /ملح ) وزيت لسهوله الفرد (لما نفرد الزبده بالخبز )

 الطريقه !!!

ببساطه طحن البندق بخلاط الطعام بعد ما تحمرينه شوي بالفرن .. لين يصير زبده ..واضافه باقي المكونات وخلطهم سوا.. فقط!!!!

 المقادير والوصفه!!

هنا نجي للموضوع حق هالتدوينه … في كثير انواع للمقادير والوصفات ..بمعنى في ناس تحب تستبدل الحليب البقري بحليب جوز الهند… الشوكلاته المحلاه بشكولاته داكنه اوصافيه بدون محليات …في ناس تحب تضيف سكر اكتيفيا او جوز الهند بدال السكر الابيض ..وهكذا…

فجبتلكم مواقع مختلفه (مدونات /يوتيوب ) لطرق مختلفه ولكن زي ماذكرت المبداء واحد ونوع المقادير واحد ولكن اختلاف الاصناف !!

١- قناة المطبخ العربي

٢-مجلة سيدتي

٣-مدونة أروى

٤-موقع ثقف نفسك

انا شخصيا جربت طريقه تطبيق جيم نادز(حساب جيم نادز) ..وحفظا لحقوق محتواها لانه باشتراك ..مااقدر اذكر وصفتها ولكن قد جربت وصفه سابقا من هالمواقع والنتيجه بالنهايه كلهم نفس الشي…

والشي الثاني انتبهو للملوحه والمراره .. يعني شيلو قشر البندق لانه مر وبرضو انتبهو لمقدار الملح لان بعض محاولاتي غلطت بهالامور وكان قررريب جدا الطعم من النوتيلا ولكن بعدين تحسي بمراره او ملوحه طاغيه شوي ! فانتبهو

بالنهايه

اتمنى عجبتكم هالتدوينه … واذا استفدتو افيدو غيركم وارسلو رابط التدوينه لهم … وشاركوني بعض تطبيقاتكم او اذا جربتو تسوون اطباق منزليه بدال التجاريه …

عيشو بحب وايجابيه 

img_3789

وصفة ماجي صحي \healthy chicken broth

السلام عليكم ورحمه الله وبركاته

تدوينه اليوم موضوع جديده لطبخات هبه بقدر واحد!!!😂 لان اغلب طبخاتي تحتاج قدر واحد .. اعبجكم ههههه  خاصه الي زي ماعندكم نفس بالمطبخ بس يعني نبغا نطبخ او الي لازم يطبخ ..

نجي للموضوع .. ماجي او مرقه الدجاج .. تعتبر من المنكهات اللذيذه بالاطباق وتغني عن كثير توابل وبهارات وتعطي نكهه جميله بالاكل..واغلب الطبخات تمشي معاها ..

1515163112318مرقه الدجاج الي بالسوق  بشكل عام فيها كثير مواد صناعيه ودهون ضاره .. فطرق اليوم رح تساعدكم تسونها باقل وقت واسهل طريقه وطعم لذيذ باذن الله …

المقادير :

اساسها دجاج / كرفس(يعطي نكهه قويه وجميله ) /خضار مشكل (خاصه جزر وبطاطس وبصل وثوم وكزبره وبقدونس وغيره ) /بهارات مشكله (ملح فلفل اسود كركم بهارات دجاج ..الخ / مويه !!

الطريقه :

(في اكثر من طريقه تراااا )

في ناس تحبو  مرقه دجاج  تكون سائله

والروابط الي تحت  فيها بعض الوصفات لهالنوع من الماجي 

١- HEALTHYNUT NUTRITION 

٢-TASTE OF HOME 

٣- FOOD NETWORK 

وفي ناس يحبو تكون بودره جافه

(زي الماجي متماسكه وقطع مربعه ) ..

هنا فيديو وتدوينات توريكم كيف تسوه ..

١-موقع طريقة

٢-منتدى حواء

٣-قناة وصفاتي الخاصة للمطبخ 

محاولتي 

 بالصوره الي تحت كانت محاولتي الاولى قبل لا ابحث كثير عن الطرق لهالوصفه وكنت اعرف بس عن المرق لسائل ! فبعد ماسويت الوصفه واخذت المويه كنت ابغا اتفنن بطريقه اخليها زي الماجي (قبل لا ااعرف انو في طريقه تخليها زي الماجي ) فقمت اخذت المقادير الي بالقدر  لحالهم مع ششوي من المرقه وخلطهم وتبهذلت ههههه ماضبطت معاي لان كان مليان مويه  بالخضار والي زدته عليهم ! وماضبط يطلع زي الماجي لاني خليت الدجاج كمان هههه فصار ثقيل ولزج وحشرتهم بالقوالب مع مويه

ولكن كان طعم حلو للامانه  ولكن الطريقه غلط ! حقتي كانت .. فشوفو الروابط فوق من ناس محترفين ومتعلمين ههههههه

 

1515163129078-1

 

المحاولة الثانيه كانت تجربتي بالماجي السائل برضو كانت حلوه ولكن زودت كثير كرفس فكان طعمه طاغي كثيير فانتبهو بالمقادير هو شي اساسي لان يعطي مكهه حلوه ولكن كثرتو  تخرب عليك

النهايه

اتمنى استفدتو ..وشاركو هالموضوع مع غيركم ..

وعيشوا بحب وايجابيه ❤️

img_3789