9 Reasons & Changes to love Healthy Lifestyle \تسع اسباب وتغييرات تحببك بالحياه الصحيه

السلام عليكم ورحمة الله وبركاته

تدوينة اليوم يمكن فوق الاربع مرات كتبتها 😂✋️ مو عارفه كيف ابدي .. ابغااشرحلكم كيف بديت مشواري او ايش صارت معاي من تقلبات ..وبرضو اضيف بالمقابل التغييرات الي حسيت فيها عشان يكون متسلسل ولكن طولت التدوينه بزياده وماحبيت ان يكون كلام يزهقكم فقررت اني اتكلم عن مشواري الصحي بتدوينة ثانيه منفصله احسن وهنا اكتفي بذكر الامور الي تغييرت معاي بعد مااتبعت نظام حياه صحي بشكل كبير …

اولا : الحياه الصحيه بالنسبه لي مو بس اكل نظيف ورياضه .. كمان هو انك تهتمي بجانبك الديني اكثر لانه يهدي النفس ويثبتها.. وكمان تغيرين اسلوب تفكيرك وتعايشك مع الحياه بشكل ايجابي وتمارسين عادات تفيدك وتشغل وقتك بشي مفيد او مسلي…

نجي عند التغييرات الي صارتلي بعد مااستمريت بشكل اكثر من اي وقت سبق لي (بالنسبه لي ) على نظام حياه صحي ..

١- جسمي يرفض اي اكل غريب

بعد تقريبا سنه ونص من اكل صحي بشكل كبير ماانكر ايام واسابيع تجي اكلي مره مخبص ولاشي صحي هههه.. ولكن هالفتره بنسبه كبيره كان نظيف اكلي… كل مااخبص اكل سوا من برا او اكل بيت بس كثييير او حتى لو صحي بس كثرت اكثر من طبق سوا.. لازم وانتو بكرامه ادخل الحمام!! مو استفراغ! الشي الثاني هههههههه… يعني بشكل مستمر ولاحظت هالشي يعني اوقات اعرف اني باكل وبدخل الحمام !!..

شي حلو اني بديت الاحظ ان جسمي حب اسلوب الاكل النظيف والمفيد.. وشي يقهر ع فلوسي الي تروح ع الفاضي هههههه…

٢- نشاط اكثر

كل مايكون نظام يومي مرتب وفيه جانب ديني انجزته / وحركه اكثر/ واكل مفيد / وانجاز .. يكون عندي نشاط وحركه وخفه اكثر من اي يوم ثاني اوقات مايكون انجاز كبير يعني اوقات يكون انحزت اني طبقت ملابسي! بس يومي مارح ع الفاضي او قريت كتاب او كتبت مدونه وهكذا ولكن ماضاع كل يومي ع السدحه والجوال .

وبسبب الاكل النظيف الخمول نادر مايكون الا اذا كان بسبب النوم الملخبط احيانا ! ولكن مااحس بالتخمه الي احس فيها عاده وقليل صارت السدحه والتعب الي بدون سبب

٣- احب نفسي اكثر

للامانه حتى لو مانقص وزني ! تتغير نظرتي لنفسي لما اكون متبعه نظام صحي… احب نفسي مدري ليه هههههه .. يعني عادي اكون قبل فتره اشوف جسمي مايليق ملابس وقصات معينه وبس اتبع اسلوب صحي اصير احب البس واجرب واشوفني حلوه وجذابه مع ان مافي تغير هههههههه بس روعه هالشعور وتؤمنين فيه ومن جد تسوفين نفسك بشكل مختلف واجمل… هذي يمكن اهم سبب خلاني استمر وهو نظرتي لنفسي..لان خلاني مااهتم كم يوم لي اتبع هالنظام او كم يوم اسوي رياضه قد مااني ايغا استمر لاني مبسوطه ع نفسي واحب هالشي وهالشعور بالثقه والراحه …

٤- اتذوق بشكل ادق !

انا مو من النوع الذويق بالاكل والي يقولك ناقصه ملح او سكر الا اذا كان بزيااااده يعني مر اي اكيد بعرف!! بس مو فنانه باني اعرف ناقصه شي بسيط او شي بيعدل الطعم ولكن مع كثرت اكلي الصحي وتجاربي.. صرت لما اكل اكل دسم او حالي.. احس بانه فرق علي بالطعم مع ان هالاكلات زي ايس كريم / ورق عنب وشوكلاته مو غريبه علي ولكن انتبهت ع كثرت الدسم فيها او الحلى الي فيهم لاني مقلله فتره !وحسيت بانها ثقيله او تشبع اسرع من قبل

٥- اجوع اكثر بس وقت التخبيص!

لما اخبص اوقات اكلي او طبيعه اكلي تتغير بمعمى اكل كثير بالغدا واخبص سناكات بالعصريه او اكل مكسرات وحلى بالليل .. او مثلا طول اليوم مااكل الى وجبه اصير فجاه اكل كثير بهاليوم او ابغا شي بس اكله وفجاه احس اني جيعانه بزياده مع اني اكلت اكثر من الايام الباقيه بس خلاص احس اجوع وبس ابغا شي بفمي.. وثاني يوم اكييييد البطن تعور والنفسيه مو حلوه وثقيله

٦- منفتحه للاختلاف والنقاش مع الناس!

بسبب اني اقراءه واتعلم واسمع لناس مختلفين لاني حابه اغير حياتي واستفيد من تجارب غيري وكمان لاني احاول استمر ع الادعيه والاذكار اليوميه قراءه القران.. ففي صار نوع من انواع قبول للاخر وللاختلافات .. واحترام الغير ورايء الغير.. حتى لو ماكان اهل بانه يعطيني النصيحه .. ولكن مو معناته ان نصحيته مو صح لان ياما فقراء حكماء وياما كبار عندهم حكم وعلم تنفع لاي جيل واي مكان .. فصرت احب استفيد من اي احد واحب اسمع لاي احد لان ماتدرين وين الحكمه والمعرفه والنصحيه بتجيك !

٧- نفسيتي احلى!

طبعا النفسيه تكون عالي العال لما اسوي رياضه خاصه ! صح وقت الرياضه تكرهين كل شي ولكن بعد الروقان وتاكلين وجبتك تحسين فجاه بنشاط وحيويه وكمان نفسيه مرتاحه ومبسوطه واوقات ايغا اسوي رياضه مو عشان الجسم عشان ابغا النفسيه الحلوه. ههههههه

طبعا اهم شي ريح نفسيتي ومخي .. كثرت الحمد والشكر ! بشكل كبير لاني اخذ من وقتي ثواني استشعر ابسط النعم واصغرها !! يعني عندي بطانيه تدفيني/ اقدر اغمض عيني بدون مساعده/ عندي مويه متى ماعطشت/ عندي كهرباء مااشيل همها/ ماصار لي مشكله اليوم ..الحمدالله الحمدالله الحمدالله واوقات صح مااستشعر النعم ولكن اقول الحمدالله ع الامور والنعم الي مااعرف عنها.. يخلي نفسيتك اهجد واروق من اول ! وكل مشكله تصغر شوي او تهدا عليك …

٨- السلبيه خفت (حلطمه /نكد/زعل الخ)

وهذي النقطه مكمله للنقط السابقه ! لان روحي مرتاحه / ونفسيتي حلوه/ وجسمي خفيف وبدا يكون صحي .. اكيد بتخف عندي السلبيه وتزيد الايجابيه ويصير كمان ابحث عنها واحاول اكون محاطه فيها اكثر يعني اتفرج ع ناس تبسط … انا اغير المكان الي يزعلني ويضايقني… اقرا كتب عن السعاده ..وكل ماكنت سلبيه رح الاحظ اني بجو مو حلو ومزعج واحاول اتعدل واتغير عشان اطلع منه ..

بالنهايه

هالامور بعضها تقدري تحسينها خلال اول اسبوع.. وفي ناس اطول .. المهم كلها ترجعلك بفايده . وكلها امور جوهريه ! وتعطي ثقه وحماس وحب للحياه .. اتمنى فادتكم وشاركو التدوينه غيركم عشان يتحمس يبدا حياه صحيه …

وعيشوا بحب وايجابية

img_3789

Healthy Granola Recipe \ وصفة جرانولا صحية

السلام عليكم ورحمة الله وبركاته

الجرانولا عباره عن شوفان مع خليط مختلف من الاضافات مثل مكسرات ومحليات  وفواكهه مجففة وغيره … يعتبر من الامور الصحية المشهورة حاليا وكثير شركات تنتج الجرانولا على هيئة بسكوت او بديل رقائق الذره (كورن فليكس )و مالها طعم معين .. يغلبها الطابع انها اكلة دسمه وثقيله ولكن تختلف بطعمها على حسب الاضافات الموجوده ..

اسعار الجرانولا يختلف على حسب الشركة  وعلى حسب نوعها زي ماقلت يعني الكورن فليكس غير البسكوت وفي شركات تسوي الجانولا بشكل صحي تاااام وعضوي وهذا يخليه سعره اعلى من من الي الجرانولا الي تكون صحيه  ولكن مو بشكل كامل ولكن تعتبر بديل صحي اكثر  من اي حلاوة او شوكلاته تجارية

جربت كم مره اسوي جرانولا بس فشلت فشل ذريع هههههه مره مافيها حلى ومره كان بزيااااااده مر ومره حرقت الشوفان هههههه ولكن دورت بالنت لاسهل طريقة  وحصلت في هالقناة

whatsupmoms

جربت منهم سابقا طريقة المربى بالفراولة  وشاركتها بتدوينة سابقه  (هنا)  وكانت جدا ناجحه فحبيت اجرب منهم كمان وصفات ثانيه خاصه ان وصفاتهم سريعه عشان الامهات ولكن مرررره تنفع للي مره ماتحب تتفنن بالطبخ والوصفات  زيي وماعنده كثير فن ونفس بالاكل هههههه

ولكن ماتتبعت كل الخطوات حق وصفتهم ! لان ماعندي كل المقادير ولكن اخذت منهم الاساس حق الجرانولا ولكن الباقي مني ضفته وسويته من الي موجود عندي واشوفه اسهل كمان

المكونات الناشفة :

نقدري تضيفي مسكرات وفواكهه مجففه  او بذور مثل الشيا وغيره  ع حسب ذوقك انا حطيت بس

شوفان

لوز

المكونات الحاليه :

تمر

عسل

 زبدة فول السوداني

للتزيين :

 (مربى فراولة (اختياري

أو

(شوكلاته  ذائبة (اختياري

الطريقة :

اولا: بصينية فرن حطي الشوفان وقطعي اللوز لقطع صغيره وضيفيه مع الشوفان  وحمريه لين يكون الشوفان شوي لونه ع ذهبي

ثانيا : التمر شيلي النواه واخليطيه بخلاط لمده بسيطه بس عشان يصير عجينه عشان يسهل الدمج مع باقي المكونات

ثالثا:   بصحن حطي الشوفان واللوز مع التمر والعسل وزبدة الفول السوداني (طريقة الفول السوداني المنزلي الصحي ) وبيدك اعجني الخليط كامل لين يتجانسون كلهم سوا

رابعا : بنفس الصينيه الي حمرتي فيه الشوفان واللوز .. حطي العجينه وافرديها وحطي من فوق مربى او شوكلاته عشان تعطي كمان  حلاوة للجرانولا اذا حابه انا حطيت المربى (طريقة المربى الصحيه ) وحطيها بالفريزر لكم ساعه

خامسا :  بعدين طلعيها من الفريزر  وقطعيها لقطع  صغيره او كبيره على حسب ذوقك  واحفضيها بعلبه وبالعافيه عليكم

1519232138674

جدا سهله وعمليه لو بتخرجي وتبغي حاجه خفيفه بس تشبع … وكمان كوجبة خفيفه خلال اليوم ..

بالنهايه

شاركوا هالتدوينه لغيركم ..

وعيشوا بحب وايجابية

img_3789

مربى فراوله صحي وسهل healthy strawberry jam

السلام عليكم ورحمة الله وبركاته

عاد هالتدوينه على حماس اهل السناب هههههه اذا مو ضايفيني رمز سنابي بنهايه الصفحه تحصلونو..

طريقه المربى المنزلي بس بثلاث مكونات .!!

طبعا لازم نرجع الحق لاصحابه انا سويت نفس طريقه حساب

whatsupmom

شاركو بقناتهم طريقه مربى سهله وعجبتني والحمدالله كانت متوفره عندي المكونات .. وجربتها والنتيجه

لذيذ جدا ..

مع اني ماحب المربى كثير ونادرا مااكله ولكن لما نكون بمطعم وناكل وجبة الفطور يعجبني التوست مع زبده ومربى!!

فجربت بتوست محمص ادهن المربى الي سويته مع زبده  الصفرائ العاديه (مو زبده فول سوداني. نفس الي بالصوره ) ..عجييييب نفس الي  بفطور المطعام برا! عاد من يوم ماسويته وانا افطر في هالوجبه واتعشى فيها هههههههه

المقادير !

(كوب فراوله مقطع (انا استخدمت فراوله مجمده

ملعقتين طعام عسل

ملعقه طعام ليمون

الطريقه !

بقدر صغير.. على نار متوسطه حطي كل المكونات سوا.. وحركي المقادير كل شوي وبنفس الوقت حاولي تهرسي الفراوله .. . لين مايكون لك خليط متجانس بشكل كبير .. واذا في شوي قطع لسا ..بخلاط طعام حطي الخليط وخليه يخلط شوي بس عشان تروح التكتلات ويكون متجانس..بس انتبهي تكثري خلط عشان لايكون بزياده كريمي  .. لان تبغيه يكون نفس قوام المربى المعلب كثيف وثيقل ومتجانس

وبس .. حطي الخليط بعلبه وبالثلاجه احفظيه وعوافي على قلوبكم .. تقعد لمده اسبوع

بالنهايه

شاركوا غيركم هالتدوينه .. وخاصه الي يحبو يفطروا ويروقوا..والي عندهم اطفال لان شي سهل ولذيذ وصحي ومافي فيه لادهون ولاسكريات بكميه كبيره تاثر عليهم من الصبح وقت فطورهم !

وعيشوا بحب وايجابية

img_3789

ملخص كتاب للتنظيم والترتيب (كيف تصبحين ربة بيت مثالية )\review on organizing book (how to be a perfect housewife )

السلام عليكم ورحمه الله وبركاته

تدوينه اليوم ملخص لكتاب عن تنظيم وترتيب المنزل..

اشوفه يناسب مو بس ربة منزل حتى لو انك بنت مع اهلك .. لكي غرفه لحالك او تساعدي امك باعمال البيت…

فهو مخصص لكل من يعاني من الاهمال والكسل والتاجيل باعمال البيت… والي يسبب تراكم اغراض وطاقه سلبيه وجو غير مريح …

بالبيت او بالغرفه الي انتي قاعده فيها..

والاهم الي دام ينظف ويرتب ويحاول دايم يكون المكان نظيف بس بدون فايده ودايم يحس ان الوضع مكركب او مو قادر يحافظ على روتين بالتنظيم  يناسبه  مثلي ههههه

الكتاب : كيف تصبحين ربة منزل مثالية

الكاتب:أنثيا تيرنر

سعره:

شريتو من مكتبه جرير ..

فكره الكتاب:

يتكلم عن كيف ربة المنزل  تقدر ينظم ويرتب كل غرفه بالبيت.. وتتكلم بالتفصيل عن اسلوب الترتيب والتنظيم وبرضو التنظيف والكوي وحلو انها تعطي افكار لأمور طبيعيه مثلا مواد طبيعيه زي الخل او عصير الليمون .. وبرضو جداول او تقسيم للايام من ناحيه توزيع المهام خلال اليوم او الاسبوع .. وتخصص لكل غرفه فصل تتكلم عن هالغرفه بالتفصيل.. وتعطي نصايح سريعه وعمليه…

اسلوب الكتاب:

اسلوبها جميل وماتتكلم باسلوب علمي ..تحسينها تتكلم معاكي وتسولف فعجبني اسلوبها .. ولانها تتكلم بتفصيل عن امور الترتيب والتنظيف والتنظيم فالكتاب يعتبر مليان ولكن ماهو كبييييير ولاهو صغير .. بس حسيت انها تعطي كل موضوع حقه بالطرح والشرح …

ايش استفدت :

اكيد استفدت مفاهيم وطرق للتنظيم والترتيب سهله وعمليه وغير مكلفه وحلو موضوع توزيع المهام عشان مااضغط نفسي دايم كل يوم فكان جميله هالحركه ….. بس مره حبيت معلومات مواد التنظيف الطبيعيه ..لانو لو تتابعوني بالسناب..استخدم قدر الامكان مواد طبيعيه ( مثل خل /بكربونات الصوديوم) بالتنظيف.. فكانت معطيه حلول طبيعيه لتنظيف كللللللل شي بالبيت ..

هل بس الكتاب مخصص  للمتزوجة والام :

 لا طبعااا لا …. الكتاب بيستفيد منه  الكل سوا كنتي بس مسوؤله عن غرفتك او تساعدي  امك بالبيت او حتى تعطي بينتك تقراه  .. او إذا عايشه مثلا برا لحالك لان  المواضيع عن ترتيب وتنظيم وتنظيف فالكل بيفيده ولكن يفيد ربات البيوت اكثر لان زي ماذكرت يتكلم عن  البيت كله  وربات البيوت هم القائدين للبيت  فهم الاساس 

بالنهايه

اتمنى استفدتو من هالتدوينه… وشاركو غيركم  للفائده …

وعيشوا بجب وايجابي

ملخص كتاب الدكتور جابر القحطاني(صحتك) للمواد الغذائيه المهمه لك \ review on dr jaber alqahtani on the importance of nutrients

السلام عليكم ورحمه الله وبركاته

تدوينه اليوم ملخص بسيط عن كتاب جدا جميل مع اني ماخلصت قرايته بس متحمسه تقرونه واكتب عنه للفائده

1518540026435

الكتاب اسمه : صحتك 

الكاتب : جابر القحطاني

سعره : ٥٠ ريال

موجود بجرير وماحصلت الا نسخه لما شريته ولكن هو من انتاج مكتبه العبيكان فبتحصلونه هناك ان شالله

فكره الكتاب:

يفصلك اهم المواد الغذائيه الي يحتاجها الجسم ! واقسامها .. ايش فايدتها وايش يصير فينا لو نقصت هالمواد ومن وين نقدر نحصل على هالمواد (سواء ذكر مصادر غذائيه كنوع خضار او فاكهه وغيره او كمكملات ) وبرضو الكميه المحدده من هالمواد الي لازم يستهلكها الفرد باليوم !! وبرضو يذكر الكميات على حسب اذا كنت رجل /امراءه/حامل/طفل… ويذكر كميه هالمواد بالاكل يعني مثلا كم كميه من فيتامين معين في السبانخ وهكذا ..ويعطي شرح تاريخي بسسيط عن كيف استكشفو هالمواد

والحلو كمان انه يفهمك ايش المواد الي لو طبختيها بزياده رح تتبخر  الفوائد الغذائيه وتروح من الاكل  ومن الي عادي تتحمل او الي تروح مع المويه يعني لو طبختي اكله معينه بالمويه في مواد يمكن تذوب بالماء فتحتاجي مويتها وهكذا

اسلوب الكتاب:

جداااا سلسل وسريع ومايطفش خاصه للي مايحبو يقرو !! يعني تقدري تقري عن اكثر من ماده بجلسه قراءه وحده ..

وتقدري تفهمي شرحه حتى لو ماكنتي مختصه بالتغذيه !او اول مره تقرين عن هالمجال مثلي .. لان اسلوبه خفيف وبسيط…

ايش استفدت!

استفدت اولا اني فهمت عن هالمواد واهميتها طبعا !! وحمسني اني انوع باكلي ..وصدمنيييي عن سالفه الطبخ انو في مواد تروح بالماء او بالهواء مع  الحراره !! 😩 ..حبيتو مره الكتاب.. ومتحمسه اني اعدل اكثر باكلي وان شاء الله استفيد يارب

بالنهايه

اتمنى هالتدوينه فاذتكم واستمتعو فيه وحمسكم تشترون هالكتاب الجميل… وارسلوها لغيركم لنشر الفايده ..

عيشوا بحب وايجابية

img_3789

طرق بسيطه تساعدك تتبعي الموضة وانتي ملتزمة بميزانيتك\ easy tips to follow trends while on a budget

السلامعليكمورحمةاللهوبركاته 

موضوع اليوم اكييد كثير مننا انحط فيه سوا كان عنده ظروف ماليه تحده من انه يصرف براحته او حتى الي ماعنده ظروف ولكن طغت رغباته على ميزانيته الموجوده .. وبالحالتين تجينا رغبات حابين نمتلكها سوا كان ملابس / اكل / طلعات / مقتنيات للبيت / اجهزه والخ

والسبب اننا نواكب العصر والموضه او من باب التجربة او حبا للاقناء وتلبية رغبة الهوى ..

وهذا الموضوع ماله علاقه هل انت مرتاح ماديا او لا.. الكل لازم ورح يمر باوقات يحاسب ع صرفه وكيف يصرف .. اذا اكبر الشركات تحتاج محاسب وموازنه ميزانيه فهذا اكبر دليل ان الموضوع ماهو محدود لاحد..

كل الخطوات و المقترحات الي كاتبتها هي من تجاربي الشخصيه .. ماهي من مواقع او كلام احد .. فحبيت اشارك شي من جد نفعني وان شالله ينفعكم باذن الله ..

1518363944232

انتي !!!  الأساس 

المقصود انه في ناس هم نفسهم يحبون يهتمون بنفسهم   او ناس يحبون يرتبون ويضبطون غرفتهم او يحبون يلبسون مرتب .. فبيلبسون مرتب مهما كان او بيتعلمون كيف يشترون وكيف يحصلون الي يبغونه  مهما كان الميزانيه .. لان هذا هم !

لان هذا الشي بيخليك مرنه انك تجربين كل الطرق والاساليب عشان تطلعي بالصوره الي حابتها … مثلا ناس ماعندهم القدره يغيرون مطبخهم .. فيقومو يصبغون الدواليب ويغيرون الاقفال فيطلع بشكل رائع ويبين ان هم نفسهم ذواقين وعندهم حب للاناقه وللتغير والترتيب !!

وفي ناس هم نفسهم مو مهتمين بالعنايه مثلا بجسمهم  او مايحبون الرياضه او مايحبون الديكورات وهذا مو غلط اكيد عندهم اهتمامات ثانيه ولكن في المجال الي مو مهتمين في هم شخصيا لو انهم مشترين نادي ببيتهم مارح يتدربون لو عندهم مبالغ كثيره مارح يلتزمون بالعنايه بشكل مستمر لان هالشي مايحمسهم!! والعكس

وبعدين لما تكوني مهتمه بشي رح تكوني فخوره فيه وتحبينه  مهما كان سعره !!.. مثلا ماما تحب  تتسوق وتشتري اوقات تشتري اغراض سوا ملابس لعزايم او اغراض للمعازيم بالبيت رخيصه  .. شكلهم حلو ومرتب وانيق مررره ولما يعرفون السعر او مكان الي شرته منه.. ينصدمون ان من هالامكان يطلع هالشي الذوق والحلو

فمعلمتنا  هي وبابا ان  مو مهم السعر ! المهم شي مرتب وتحبينه ولبق للمكان ولك ! ….

بدائلارخصولكنبنفسالجودة ..

الجوده مو دايما تعني صرف مال كثير.. الان ولله الحمد السوق بدا يكثر فيه منافسات على مستوى عالمي وكبير من الشركات الضخمه الي مستهدفه في سياستها ان اسعارها تكون رخيص ولكن ماياثر بجوده المنتج وانه يكون شي كويس… فمو معناته شراءك لشي رخيص انك مارح تحصلي على احسن مكياج او اكشخ لبس او ديكور ضعيف … طبعا ماننكر ان اغلب الغالي له جودته القويه ولكن مانغفل ان في بدائل لنا ..

امثله بسيطه ! بالميكاج .. شركه مورفي / كولر بوب /. مابيلين.. للشعر لوريال / جارنييه … للملابس : سنتر بوينت / فوريفر توني وان / نيو لوك وغيرهم كثيييييير واحسن من الي ذكرتهم من الشركات المعروفه عالميا او حتى محليا والي يستخدمونها ناس مشاهير برضو

السعلهالمتكدسهoverstock

نجي للسلعه المتكدسه .. كثير شركات كبيره او اسعارها متوسطه الى غاليه اوقات لما يكون عندها عدد محترم من بضايعهم الي ماانباعت يا انهم يحطون عليها تخفيضات جباره عشان يتخلصون منها .. او يحطونها بمحلات الي تبيع السلع بسعر بخس جدا.. مثلا بالدمام محل فاين فير : فيه بضايع اغلبها بثلاثين ريال وهي حق اتش اند ام / مارك واسبنسر/ نكست والخ من الشركات .. نفس الشركه نفس الجوده ولكن السعر !! فرق يعني بجامه تقدري تشتري من نفس الشركه بميتين تاخذينها عند هالمحل بثلاثين 😂👏… بالخبر عندكم خبر مول. فيه مثلا فيمي ناين مسويله محل لبضايعه المتكدسه ..قطع تنباع بمحلاته الثانيه ب ثلاثميه توصل اوقات لميه واقل ✋️😅 بهالفرع … نفس الشركه نفس البضايع باسعار رخيييييييييي (كح كح كح ههه)صصصه

اوقاتالتخفيضات

هذا افضل واحسن واروع وقت للي ملتزمين بيمزانيه ولكن مايبغو يغيرون من محلاتهم الي يحبونها .. اغتنموا هالفرص لان اوقات اشيااااا يصير سعرها اقل من النص .. وهذي الاوقات مو بس يكون تخفيض برضو يكون فيها عروض. يعني خذي اثنين وثالث زياده او خذي واحد والثاني بنص السعر .. فحلو انكم تستغلو هالاوقات ولكن طبعا بالاتزان !! اوقات كثر صرفنا بالتخفيضات تكون اغلى من لو اننا اخذناها بسعرها العادي او نشتري اشيا بزياده مانحتاجها بس لان عليها خصم فهذا مافادك

مواقعالتسويقالالكترونيه

الحين صار ماشالله كل شي بالانترنيت حتى الاكل.. لان هالمواقع تقريبا التكاليف اقل من تكاليف المحلات من ناحيه الايجارات والعماله وغيرها فيكون اسعارهم اوقات اقل ! حتى لو كان عالي السعر مابيكون اغلى من المحلات ( طبعا غالبا مو كل الحالات).. واوقات برضو المواقع الاجنبيه برضو تكون ارخص بحكم العملات واختلافها !!

وفي اوقات كثير يسوون عروض ..وايام معروفه للتخفيضات .. مثل الجمعه السوداء/ سايبر ماندي (الاثنين الالكتروني) / نهايه السنه

واحلى شي صار الان ان كثير مواقع عربيه صار الدفع عند الاستلام اذا مو حابه تدخلي بمجال البطايق البنكيه

الالهاموالتجارب

من احلى الاشياء بعالم التواصل الاجتماعي ان صار في ثقافه ان مو لازم يكون الشي غالي عشان يكون حلو او مو لازم تخسري كثييير في كل قطعه عشان تكون ع الموضه .. واثبتوه هالشي البنات من خلال تبادل النصايح والخبرات والتجارب وماقصروا..

كثير خبراء تجميل ورونا ان تقدري تسوي اطلاله انيقه ومحترفه باستخدام مكياجات رخيصه.. او مثلا زي بنت خالتي تيوومااا هذا حسابها (هنا). تحب تهتم بنفسها كثير وكانت من هي صغيره تحب تجرب الامور الطبيعيه الغير مكلفه للعنايه بنفسها وجسمها

برضو بالرياضه مو شرط اسوي نادي بالبيت او اشترك بنادي عشان اضعف في كثير مختصين وملهمين يسولكم حداول رياضيه بدون

اي اجهزه … او حتى الاكل الصحي الي يعتبر غالي بالمحلات شاركتكم بالمدونه افكار كثيره وبتكلفه رخييييييصه جدا مثل

نوتيلامنزليةصحيهولذيذة

حمصسهلوسريعوصحي

فولسودانيلذيذورخيصو  صحي

بانكيكلفطور  صحيولذيذ

وغيرهم

بالنهايه

هدف هالتدوينه تبينلكم .. الي حاب يهتم بنفسه ويطلع باحلى صوره رح يطلع باحلى واجمل صوره حتى لو كان محدود بميزانيه .. اهم شي انك ماتعيشي عشان ارضاء رغباتك بس وتاثر على اساسيات حياتك بانك مو قادره تدفعي فواتيرك الاساسيه او تتديني عشان تنبسطي وتعيشي بهموم بس عشان ارضيتي رغبه … لان الرغبات تتغير كل يوم وكل سنه وكل ساعه …

اذا قادتكم هالتدوينه اتمنى تشاركوها غيركم عشان يستفيدو كمان

وعيشوابحبوايجابية

img_3789