منظف منزلي متعدد الإستعمالات صحي رخيص وفعال \ easy healthy and effective multi-purpose detergent DIY

السلام عليكم وحمة الله وبركاته

تدوينة اليوم من تجربة شخصية وانا استخدمه الى الان ولي فتره طويله  واهل السناب شاهدين علي !!

.. وهو منتجين  تنظيف متعدد الإستخدامات من مكونات سهله ومتوفره والاهم رخيصه وفي متناول الجميع ان شاء الله .. والاحلى انه مثبت فعاليتهم وتقدروا تبحثو سوا بحث عربي او انجليزي وتشوفون اراء الإيجابية لكثير من الناس ..

1520454845827

طريقه الاولى : بخاخ متعدد الاستخدام

المكون الأساسي هو : الــــــــــــــــــخـــــــــــــــــل !!! والخل معروف انه معقم طبيعي ومنظف فعال للاوساخ

اتوقع الكل بيقول : هبه !!! ريحه الخل مرررره مزعجة  كيف تتحملين ؟؟ الجواب هو ان الخل  ريحته متطايره بمعنى انه رح تروح الريحه بعد فتره بسيطه جدا.. يعني مارح ترسخ في المكان

بقارورة بخاخ … تحطي خل كميه بسيطه  والغالب كميه المويه بالقاروره .. مثلا مقدار غطاء خل وكوب ونص مويه … ولكن المهم كميه الخل تكون قليله مقارنه بكميه المويه الي تكون كثيره .. وترجين القاروره وخلاص

تبخين بالمكان الي حابه تنظيفينه  وبمنشفه او مناديل او اوساخ خشنه تستخمي السلكه

.. انا انظف كل شي بالبيت من  اسطح مطبخ اوطاولات  وارضيات او حمام او حتى المرايه … ولكن في اسطح ونوعيات ماتناسبها الخل .. فابحثي عن نوع اسطحك .. ولكن اغلب الاسطح يناسبها يعني انا عندي اثاث ايكيا وعندي بلاط   والمرايا والحمام  واسطح المطبخ ناسبها والحمدالله

ملاحظة: تقدري تضيفي قطرات بسيطه من زيوت عطريه  عشان تعطي ريحه حلوه للمكان وانا جربت احط من زهور الريف احد انواع الزيوت الي عندهم للفواحه ومره حلوووو المكان كله ريحته حلو وبرضو نظافه

هالطريقة انا استخدمها لتنظيف تقريبا كل شي وكل مكان … ولكن مع العطر ماجربته على المرايا.. المرايا بس خل ومويه… وبرضو لتنظيف الارضية احط بالمنشفه الخل والمويه وشوي قطرات للزيت وامسح الارض .. وشهادتي بالخل والمويه مجررررروووووووووووعه

حتى سطح الفرن عند العيون استخدم الخل والمويه وماشالله حلويطلع ويشيل الاوساخ خاصه الي تكون متلصقه من بعد الطبخ

طريقة ثانيه : خل مع بيكروبونات الصوديوم

الخل والبيكروبونات عباره عن خلطه جباره .. خااااصه للاوساخ والتكتلات الي ماتنشال بسرعه ويبغالها حكحه وتخديش .. مره هالاثنين يخلونها بسرعه تنشال ….

طريقتي انا ارش ع المكان  الوسخ بيكربونات الصوديوم وابخ عليه الخل (الطريقة الاولى مويه وخل ) وانتظر شوي .. وماشالله يروح اوقات بمسحه .واوقات بسلكه ولكن بسرعه يكون التنظيف ماشالله . مع ان ترا الخل لحاله قادر يشيل كثير اوساخ صعبه لحاله ولكن تفاعل البيكربونات معاه اقوى …

بعضهم يحطو بنفس قاورة الخل والمويه يحطون البيكربونات .. ولكن لاني استخدم المويه والخل (اقصد هالبخاخ) حتى بتنظيف المرايا.. فماينفع مع البيكربونات .. من تجربتي يبهت المرايا .. فصرت استخدم البيكربونات بس وقت الحاجه وارش الخل …

استخدم هالخلطة بالحمام وكرسي الحمام خاصهقدر الزيت الي نستخدمه للقلي .. يساعد مرره ارش البيكربونات وخل وخليه شوي  يشيل الزيت وخاصه ملمس التلصيق او التدبيق الي يصير بالقدر ….

طريقة ثالثة : بيكربونات الصوديوم للريحه الكريهه

الحين نفس شركة بيكربونات الصوديوم الي علبتها برتقاليه مربعه اتوقع اسمها هامر ! (مو نفس الي بالصوره !) .. سوت منتج خاصه للثلاجه … مع ان البيكربونات تستخدم للطبخ عاده ولكن فعاليتها بالتنظيف جدا رهيبة ….

وقت تنظيف الثلاجه … ارش البيكربونات  او بصحن صغير  داخل الثلاجة بعد التنظيف او قبل التنظيف بعد ماشليت كل الاغراض عشان تمتص ريحه الاكل الغير مرغوبة ….

نرش على الكنب والسرير والسجاد  .. وخليه فتره وبعدين اشفطيه بالمكنسة ….

تقريبا بشكل كبير هالمنتجين استخدمهم بالتنظيف والتعقيم لكل شي   …. رخيصين وسهلين وماتخافين لو عندك عيال لاسمح الله بلعوه او لمس جلدهم  وصايره نادرا مااشتري منتجات كميائيه  ..ولي تقريبا سنه وشوي ماشريت غير ديتول  واخذ العلبه الصغنونه لان مااستخدمه كثير .. مكتفيه بالخل والبيكربونات ولله الحمد

بالنهايه

لاتنسوا تجربون الطرق  والاهم تشاركون غيركم عشان يستفيدوا .. وخبو فلوسكم لاشياء ثانيه تنبسطو فيها ههههههه

عيشوا بحب وسعادة

img_3789

Advertisements

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.