ست خطوات تساعدك تذاكرين للإختبارات بشكل فعال / six 6 steps to help you study effectively for exams

السلامعليكم ورحمة الله وبركاته 

تدوينة اليوم حبيت اكتبها الان عشان هالتفره او هالشهر بيكون فتره اختبارات  .. الله يوفق الجميع بنات وأولاد  وكبار وصغار … ان شالله هالخطوات تكون عمليه لكم … وطبعا هالخطوات شخصيا مجربتها  وقت ما اكون مهمله لفتره بالدراسه واحتاج اذاكر زين او الاوقات الي ابغا من جد  اكون مرتبه لين وقت الاختبارات عشان مااتبهذل واتعب .. وجدااا كانت عمليه ونافعه وساعدتني كثير

والأكيد ساعدتني بعد الله  وتيسيره وتدبيره باني اجيب درجات كويسه  ولله الحمد … فيلا نبدا هالخطوات

أولا : جهزواالتحديدات  للدروس والمعلومات والأوراق 

بمعنى  اعرفوا ايش الامور الي ركزت عليها المدرسه او المدرس … لان غالبا ماتكون هالدروس والاسئله الي ركزوا عليها جايه لكم بالاختبار … وركزوا انكم ترتبوا  أوراقكم  الي تكون خارج الكتاب عشان ماتضيعو وقتكم وانتو تدورون عليها وانتو بنص المذاكره ..

ثانيا  : الصبح الصبح الصبح 

خاصه الان وقت الصيف  الصبح جدا طويل !! فلازم تحاولو تصحو من الصبح سبعه او ثمانيه  او حتى من الفجر تصلو وتبدأوا تذاكرون .. وخاصه يركزوا ع الصبح الي يكونوا بوقت ضيق مثا عنده يوم واحد او يومين للدراسه للاختبار .. لانكم رح تلاحظون انكم رح تنجزون وتذاكرون وتخلصون دروس كثيره ولسا عندكم باقي اليوم طويل بإذن الله تعالى

ثالثا : قسميالمنهج لأقسام وأوقات معينه 

لما تدرسي منهج طويل حتى لو تعرفي كم فصل عليكي او كم درس .. خذي فكره مره ثانيه وقسمي الفصول عى حسب الوقت الي عندك عشان يشجعك انك تنجزي .. يعني مثلا من الصببح لين اظهر بخلص ثلاث فصول .. وحطي ورقه او فاصل عند اخر فصل  .. والثلاث الفصول الثانيه بخلصها قبل او بنص فتره العصر وهكذا .. بيخليكي تتحمسي وبرضو بترتبي دراستك على حسب وضعك وظروفك بدون ماتتوترين باذن الله

رابعا : لااااااااااااااااازم راااااااااااااااااااااااااحه أكثرمن مره 

كثير بنات يبدوا يمسكو الكتاب من وقت مايقومون لين ماينامون, بدون فاصل !!.. وهذا شي خطا او شخصيا انا ابدااا مايناسبني ..  اولا المخ يحتاج يرتاح مو عشان بس راحه ! بالعكس هو يحتاج راحه من اي تركيز عشان يرتب ويجمع ويحفظ المعلومات الي ذاكرتيها .. ويكون فرصه اعلى واكبر تسترجعيها وقت الاختبار …فمثل النقطه السابقه ! قسمتي اول دراسه لين الظهر .. فبعد الظهر او الساعه الي حددتيها  يبدا وقت راحه  مثلا تتغدين او تاخذين قيلوله او تشوفي مسلسل او اي شي تسوينه يبعد مخك من التركيز الشديد ..  وبعد كل فصل او كل تقسيمه سويتيها خذي راحه.

 خامسا : كلمي نفسك بصوت واضح مسموع 

لما ابغا احفظ بسرعه  دايما استخدم اسلوب الشرح بصوت عالي … يمكن البعض يحسبو كاني مجنونه   وانا اقعد اشرح  واتكلم وكاني .. احاول اقنع احد يحفظ او يفهم ههههه .. بس مررره تدخل المعلومه بسرررعه اكثر من  بدون مااتكلم بصوت واضح .. جربوها وادعولي ههه وعذرا عن   الي بنزعجهم هههه

سادسا : وقت المراجعه ركزي عالتحديدات المهمه مو التفاصيل كلها 

وقت المراجعه غالبا مايكون وقت ضيقققققق اوقات يكون بس ساعه قبل الاختبار نفسه .. انا اقصد وقت المراجعه النهائيه مو المراجعه الدقيقه بعد كل فصل خلصتيه وتراجعينه …. هالمراجعه لاتخليها نفس الدراسه والمراجعه العاديه .. لازم تكون مختصره للامور المهمه نفس اول فقره .. المعلومات الي مركزين عليها كانوا مدرساتكم او دكاترتكم … اضافة على هالشي الامور الي لسا  تحتاجي تعيدي عليها مثلا نصوص تحفظينها او قاعدات او امور تلخبط ,. فقط

 ..بالنهاية …. أخرررر  وأساس كلهالخطوات : ربك ربك ربك اول 

لااااااااازم تدعون وتتوكلون على الله …. ولازم تطلبون منه التيسير والبركه .. وحاولو تتحسنوا بعبادته ( تصدقوا – احسنوا مع الناس – بروا باهلكم – خففو معاصي ) طبعا مو بس وقت الحاجه … حاولو تستمروا على حسن العباده دايم لانه أساس كل خير ورزق

اوقات كثيره تصدف مانقدر نذاكر او نكمل ونروح نختبر بس ربنا يسهلها ويعديها على خير …. واوقات تجينا ظروف غصب عننا تمنعنا من ان نكون بافضل جاهزيه للاختبار .. بس ربنا فوق وهو رح يساعدنا دامنا حاولنا قد مانقدر نعطي من مجهود … وكثير قصص  سمعناها ناس  جاتهم ظروف غصب عنهم ماقدروا يذاكرو صح وربي ساعدهم وسهلهم بطرق كثيره مثلا اتلغى الاختبار او فجاه تذكرت الشرح ..

وربنا أمر بالعمل بالاسباب … مو نطلع ونتمشى او نهمل ونقعد بالجوال وندعي بس يارب سهلنا !! لازم نحاول بكل مانقدر وبعدها نترك الأمر لله ….

الله يوفقكم والله يسهلأمركموانشرواهالتدوينه لكلالطالبات والطلاب  عشان يستفيدوا من هالخطوات 

عيشوابكلحب وإيجابية

img_3789

خطوة واحدة لتطويل الأظافر بدون منتجات وكريمات \ one step to grow your nails without creams or products

السلام عليكم ورحمة الله وبركاته 

 تدوينة اليوم من تجربة شخصية . ..

والي خلاني اكتبها لكم لاني لاحظت الفرق وخاصه ان اظافري من النوع الي مايطول  كثير … يعني ايام المدرسه ماشيل هم ماشالله سالفه تفتيش الاظافر هههههه .. فلما شفت التغيير وسرعه المده الي الاحظ فيها نمو  الاظافر قلت لازم اثبتها بالمدونه عشان الي مثلي يستفيد  باذن الله ….

نبدا نقولكم الطريقة وهي سهله جدااااا والكل يقدر يسويها  ورخيصه كمان وهي  : نوعي بأكلك !!

نوعي بأكلك؟؟؟؟؟ 

ايوا … خلي نظام اكلك متنوع مو شرط صحي بحت ولكن فيه تنوع , فيه فواد , فيه فيتامينات ومعادن وأمور تفيد جسمك … ورح تلاحظي التغيير والنتيجه مو بس باظافرك حتى بشعرك وبشرتك

طيب كيف أنوع بأكلي؟؟

مثلا نوعي بأكل الخضروات .. يعني لا تكتفي على نوعين او ثلاث من الخضروات .. جربي فجل – بنجر -افوكادو -جرجير – ملوخيه -كرفس -كرنب وغيره  (مااقول هذي الخضرات مفيده للاظافره خاصه  ولكن هذي من الخضروات  كمثال على امور جديده مفيده تجربيها ) لان اغلب الناس تاكل  كم نوع بشكل مستمر بدون ماتغيير وتجرب وتنوع

برضو جربي فواكهه وغيري من الي تشتريه وتذوقيه … برضو المكسرات وتمر وعسل وغيره من الامور الي لها فائده

اشربي مويه كثر … مارح اخلص من مدح المويه واثرها على كل الجسم داخلا وخارجا !! فهذا يبغالهاا تدويناااات  ههههه   فاهتمي بالمويه

وهكذا بس !! ماهو رجيم ولا تحدي ولا شي .. ضيفي امور غذائيه جديده لأكلك

نتيجتي كيف صارت بعدهالتعديل والاضافه لأسلوب أكلي؟ 

زي ماذكرت اول شي .. أظافري جدااا بطيئه بالنمو .. بعد مابديت اعدل أكلي وتعلمت أكل أكثر من صنف وأجرب .. طبعا كان بالبدايه ومازال من مجهود شخصي وبعد الله ثم ماما  هي  تحب الخضروات  وتجرب بالاكل   وبرضو  زادت فيني حب التنويع  دكتورتي شيماء .. ذكرت عنها بالانستقرام كثير .. ولكن مو لازم دكتوره عشان تنوعي .. زي ماقلت هي إضافه لنفس أكلك

بس زيدي على سلطتك كم عنصر جديد .. او الصينيه الي تسونها زيدو عليها كم شي جديد

المهم النتيجه حقي صارت .. خلال أسبوع ابدا الاحظ ان اظافري بدت تطول ..وبعد  اسبوعين تقريبا او ثلالث  ابدا احط مناكير بفخر ههههههه

طيب الكريمات والمنتجات خلاص مانستخدمها؟؟ 

طبعا اذا حابه تفيدي اظافرك  كجمال وقوه ونمو زياده وترطيب وغيره .. في منتجات اكيد تساعد تحققلك هالنتاج ولكن الاساس لازم يكون من جسمك .. جسمك يبني اساس الاظفر من خلال اكلك وشربك … وبعدها اي شي رح تزيدي عليه رح يعطيكي سرعه بالنتائج واستدامه اطول .. بس لو معتمده فقط على منتجات وماضبطي اكلك مارح تستمر هالنتائج ورح تكوني معلقه و معتمده عليهم دايم …

بس ايش احلى ؟؟؟ حتى لو ماحطيتي منتجات تكون جميله وقويه  وتزيد حلاوه لو حيطيتي عليه شي ثاني .. (أو) مارح اشوف شي جميل الا بمنتجات ولازم بس اعتد عليها دايم  ؟؟

 بالنهايه تنبيه !!!  انا شخصيه مو مهتمه بعالم الاظافر فما اعرف  كم المده المفروض انها تطول وتعتبر صحيه او كم طول الاظفر لازم يكون خلال  شهر لو تركته بدون قص  وهذي التفاصيل .. مااقدر افيدكم لاني مو خبيره وكل وحده وطبيعة اظفارها …

اتمنى هالتدوينه عجبتكم … وشاركوها غيركم عشان يستفيدوا

عيشوا بحب وايجابية 

img_3789

(جدول حياه صحيه سهل مجاني (تحدي شهرشعبان \printable healthy life tracker ( shaban month)

السلامعليكمورحمةاللهوبركاته 

تدوينة منكم لانكم صوتوا وطلبتوه …. جدول متابعه لك ولي ولاختك وصحبتك وامك واي احد تعرفيه .. حاب يلتزم بامور بسيطه تساعد تخلي حياته تتغير للافضل

الجدول هو تحدي لشهر شعبان ! حابه يكون هالشهر يكون تحدي لمده شهر باني أسوي عادات بسيطه صحيه   تأثر بشكل إيجابي علي .. انا اسويها بشكل تقريبا متكرر ولكن تجي ايام واسابيع مااسويها او اخفف اومااستمر بشكل كبير .. فهالمره ان شاء الله اذا ربي اراد واعطانا عمر وعافيه  اتمنى التزم ….

الجدول مجاني ! تقدروا تحملوه  (الرابطاخرالتدوينة ) وتطبعوه وتستخدموه …بالعافيه عليكم وان شالله يساعدكم وتستفيدو منه

العاداتالموجودهبالجدول !: هي … 

شربمويه : ماحطيت هدف معين بالكميه … الاهم الاستمرايه على حسب وين انتي … تشربي كم كاسه ,فهالمره حاولي تزيدي شوي وتستمري قدر الامكان … تشربي لتر ,هالمره زودي كمان شوي …  مو لازم كل يوم نفس الكميه, ولكن لا تنسي تشربي قد ماتقدري مويه هذا المهم (الأستــــــمراريــــــة)وبس

قراءةالقرانوالأدعيه : ذكر الله هو سبب الهدوء الداخلي وتربية النفس والاخلاق .. حتى لو ماانتي من النوع الي يقرا عن دروس الدين ..سبحان الله بس تقري قران كل يوم او تقولي الادعيه   تحسي بانك سعيده هاديه وشي تغير فيك …. فابدي قليل  (صفحه قران وادعيه صباح ومساء) وهكذا يوميا كرري … قليلمستمرخيرمنكثيرمنقطع … وكلها لك وعشان ربي يحميك ويرزقك ويرضى عليك .. والله يجعلنا ممن يحب ويرضى عليه

أكلصحي :نفس الفكره حاولي تبتعدي عن الاكل الي مو صحي بشكل عام مو بالتدقيق والتفصيل والكميه والقياسات (لو انتي مبتدئة) .. يعني بس اقطعي  (مشروبات غازيه – اكلي مقلي – اخفف سكريات ) بس امور بسيطه,  صح يمكن مو سهله للبعض بس خففي لو مو قادره تقطعي … الاهم الاستمــــراريـــة

الرياضه : لو حابه رياضه معينه شاركت بتدوينه سابقه مجموعة قنوات يوتيوب للبنات بدون اجهزة  (اضغطي هنا) .. او اذا مو حابه امشي بالبيت  , نطي ’ اقصي وهكذا  .. تحركي لا تقعدي كثيرر طول اليوم .

النوم : حاولي تنامي من الليل  عشان جسمك يستفيد وسبحان الله ربي أمر بالعمل من الصبح والراحه بالليل وهذه لحكمه .. (الكلام لي كمان ) و ان شالله اتعدل قدر الامكان .. برضو شاركت بالمدونه طرق تعدل النوم او تساعد على الصحيان بدري(اضغطيهنا ) جربوها وبتفيدكم لاني كل ماخبصت بالنوم  اجربها ويضبط نومي بعد الله ثم هالخطوات   ..

وبس 

الجدول للمتابعه والتحفيز … مو مشكله لو غلطتي كملي ثاني يوم صح … ونشوف  نتايجي ونتايجكم نهايه الشهر شالله

اتمنى  تحبو هالجدول زي ماحبيته وانا اسويه  .. لاتنسوا تتابعوني على مواقع التواصل الاجتماعي عشان تشوفو التزامي وتشاركوني التزامكم ..

أضغطيهنالتحميلالنسخةالملونهمنالجدول

جدولشهرشعبانتحديميلالنسخةبدونالوانأبيضوااسود

عيشوابحبوايجابية 

مكرونة بشاميل صحية ولذيذة \ Healthy Delicious and Easy Bechamel pasta (macaroni)

السلامعليكمورحمةاللهوبركاته 

تدوينة اليوم من احلى الوصفات والاكثر طلب في السناب .. جدا لذيذه ومارح تحسون انها صحيه لانها نفسسس المكرونة الباشميل العاديه بالطعم والشكل … فاحتمال تعتمدونها بدال العاديه هههههه  .. ومثل ماعودتكم في كل وصفاتي ! سريعه ومافيها تدقيق بالمقادير والقياسات

طبعا هالطبق فيها خطوتين ! الاول هي المكرونه بالصلصه الحمراء والثاني هي صلصة الباشميل ….

نبدااولخطوة : المكرونةبالصلصةبالحمراء  

مكرونة

(تونا  او دجاج او لحم انا اسوي تونا (الي علبتها مكتوب  بمويه وملح

صلصه طماطم

بصل وثوم

( بهارات مشكله ( انا استخدم كركم -كمون -فلفل اسود- ملح بحري او عادي-  بهارات مشكله -وبهارات دجاج

*الملح اختياري .

ليمون

الطريقة: نسلق المكرونه بمويه بقدر لحالها لين تستوي … بصينيه ثانيه شوي زيت ونحمس البصل والثوم لين يستوون ويصير لونها شفاف شوي .. بعدها  احد بافي المقادير واصب  مويه عشان تكون صلصه .. كميه الميه على حسب رغبتك انا احب اكثر شوي مويه عشان لما اخلط الصلصه بالمكرونه تكون الصلصه طاغيه اكثر … في بعض يحب شوي صلصه ووقت ماتنخلط مع المكرونه يكون الطبق ناشف… فعلى حسب رغبتكم

الصلصه تعتبر مستوية  اذا كانت تطبخ او تغلي وخاصه مع التونه لانه مايحتاج طبخ كثير .. اذا دجاج او لحم يعتمد اذا انطبخو زين .. وبس تحطي الصلصه بالمكرونه  (بعد ماتصفي المكرونه من المويه ا\ انا ششخصيا اخلي شوي من مويه المكرونه)وتخلطيهم سوا عشان يتجانسو.. وتخليهم ع نار هاديه

الخطوةالثانيه : صلصةالباشميل 

حليب بودرة

نشاء

جبنة فيتا

ملح بحري وفلفل اسود

الطريقة: بقدر احط تقيبا ثلاث ملاعق حليب وكوب مويه قيبا … اوقات مااقيس ولكن كيف اعرف اذا صح ؟  لما اخلط المويه والحليب النتيجه يكون سائل ابيض مو يكون مويه ولونها باهت !! ….وبعدها اضيف الجبنه .. المقدار على حسب اوقات ملعقه كبيره او قات ملعقه صغيره  فعلى حسب ذوقك  او الكميه المتوفره عندك … واخلط لين يتجانس مع الحليب … وبعدها ابدااحط النشا على شوي شوي .. يعني ارش كميه تقريبا اقل من ملعقه واخلط…

وقت مايغلي الخليط هنا بعرف ازيد النشا او لا !!! لان اذا ماكان الحليب ثقيل ازيد النشا واخليه يطبخ شوي عشان يبدا يثقل .. وهكذا لين يكون عندي خليط مثل كثافه الصوص .. بمعنى انه سائل بس ثقيل بنفس الوقت … اذا وصلتي لهالكثافه  اذا حابه رشي شوي ملح وفلفل اسود وهذي اختياري

التقديم  

تدهني بزيت شوي الصينيه … وتغرفي المكرونه فيه وتوزعيه بشكل متسواي .. وتصبي من فوق الصلصه حق الباشاميل …  وتدخليها الفرن بس تحمر من فوق لدقايق  … وبالعااااااااااااااااااااااااااااااافيه انا شخصيا احب اعصر ليمون او اكتشب ههههه على المكرونه وقت الاكل تعطي طعم جبار

بالنهايه  

لازم تجربوها وتخلو غيركم خصووووصاااا الي يفكر ان الاكل الصحي مو حلوووو وماصخ  لااازم نثبتلهم العكس

وعيشوا  بحبوإيجابية 

img_3789

(تجربتي ب رجيم خالي من النشويات (قليل النشويات – My experience with low carb diet

السلام عليكم ورحمة الله وبركاته

تدوينة اليوم عن تجربتي لأول مره اسوي رجيم قاسي او بالاخص غريب  لمدة اسبوع … رح اشاركم الاسباب والنتايج والرحله كيف كانت  وهل اوافق على هل النوع من الانظمة او لا ..

رجيم خالي من النشويات ؟؟ او التعريف الصح هو قليل النشويات !.. لان خالي النشويات يعتبر جدا حاد وخطير والاشخاص الي يسونه مو بس يبتعدو عن النشويات المعروفه زي رز دقيق مكرونه وغيره … هم يبتعدو عن حتى كل الاكلات زي الخضار والفواكهه والمشروبات الي تحتوى على نسبة من النشويات ! فهو جدا خطير وكثير ماينصحون فيه ابدا  لان النشويات مهمه للجسم ووظايفه الحيويه

فانا طبقت رجيم قليل النشويات : الي هو ابتعد عن النشويات المعروفه واكل الامور الباقيه .. يعني امتنعت من (رز-مكرونه-دقيق-ذرة-خبز والخ) لمدة اسبوع كامل

ليش طبقت هالرجيم :

جاتني فتره كل ما اكل شي  وانتو بكرامه لازم اروح الحمام (عسر هضم )… والاحظ انو اوقات تنتفخ بطني اكثر من المعتاد مع بعض الوجبات … فحبيت اعرف ايش السبب ومع بحثي المتواضع من الاسباب كانو يذكرون يمكن يكون من النشويات  وان جسمك ما يهضم بشكل كويس  وطبعا في اسباب ثانيه ولكن هذا كان اسهل سبب اقد اطبقه عشان اجرب لان الباقي كان عن تحاليل او حساسيه وكذا

رحلتي لمده اسبوع  كيف كانت :

الصوره الي تحت تلخصلكم الاكل الي اكلته خلال اسبوع …طبعا تخلله كم مره ذقت نشويات ولكن الكميه كانت شي لايذكر يعني قطعة خبز اصغر من اصبع البنصر … الفشار كلت تقريبا ثلاث حبات (كان في مشروب من مقهى).. وهكذا ….كانو اصلن مو انا ابغا اكل ولكن الي حولي يقولولي جربي هالشي ولاني مو دايم معاهم قبلت اجرب قطع بسيطه عشان مااخرب تجربتي ……. والكميه لانها جدا لاتذكر فمارح تأثر على الرجيم لانه هو قليل النشويات وهالكميات الي اخذتها ابدا ماتكفي احتياجي للنشويات

النتائـــــــــــــــــــــــج :

الإيجابيات !! 

  • عسرالهضم بشكل ملحوظ خف 
  • ماحسيت بنفخهابدا خلال الاسبوع 
  • احس نفسي جدا اخف من اول معا ني ماقست وزني 

السلبيات !!!

  • ـنــــــــــــــوم !!! أرقأرقأرق .. مافينوم  .. بدون مبالغه اكون جدا مرهقه و نعسانه مره وادخل الغرفه 11 بالليل ماانام الا بعد سته الصبح ..  جداتعبت…. واسبوعيانعفس بسببهالشيلان مافي نوم  فما في طاقه للشغل ولليوم كله 
  • خـــــــــــمول  مرررره … الاسسبوع كان مافي انجاز ولو بسيط يعنيحتى ترتيب شيم اليخلقاسويها   وبالاخصمافيطاقه   اسوي شي 
  • المزاج ماهومزبوط ….احس اني معصبة اومتوتره او زعلانه وحساسة  بسرعه .. جدا تعبت نفسياا
  • مالاحظت انياشتهيت نشويات يعني مااقولاه وحشتنيالمكرونه !! كنت خايفه منهالشي يجيني اشتهي النشويات ويخربعليالتجربة بسماحسيت فيه قد ماااهو انيابغااكل  نشويات عشان  حياتي تتعدل  من نوم وارق ونفسيه والخ 
  • بسابغااكلحلى ! لوتلاحظوالوجباتالياكلهاخلالاليوملازمفيشيحاليياايسكريم – عسل -تمر  بشكلكثيرربسابغااحلي 
  • ماقدرتاكل بشكل نظيف لان بس جيعانه وماكزت ايش اكل قدما ابغا اكل اي شي وخلاص ..
  • مافيشهيه مزبوطه  ودايم في جوع ومافي شبع مزبوط  .. يعنياكل وجبتي بس مااحس بشبع بس ماابغا اكل الطبق نفسه بس   ودياكل شي ثاني  وهكذا  كانتحووووووووووووووسسسسه 

رائيالنهائي ! هلانصح فيه اولا  ؟ 

لا  لا لا لا لا لا لا … انا دحين بعد اكثر من اسبوعين من وقفت هالرجيم لسا اعاني من الارق والتعب والخمول من الي صارلي خلال هالاسبوع الي بدون نشويات !! النوووووووم بالذات تأثر مرررره لين الحين احاول اعدله  لدرجه اتعب نفسي عشان انام مهلوكه  لان  مااقدر انام زي اول متى ماابغا !!! …. ولو تتابعوني بالانستقرام تعليقات البنات كلهااا قالوا جربو هالشي وكلهم نفسيتتهم !! تعبانه !!!ومررره يومهم تأثر  بشكل سلبي وكم وحده ذكرت انها حست بدوخه

فاذا انتي عندك مسؤولية .. شغل – ام – مهام تسوينها ابتعدي عن هالشي مررررره … جدا مايسوى انك تنحفي ولو نص كيلو مع اثار جانبيه خطيره …

بالنهايه

الاعتدال هو الاساس … فرح احاول اعتدل باكلي للنشويات قدر المستطاع عشان اخفف عسر الهضم والانتفاخات الي تصيرلي بس مارح اجرب اقطعهم مره ثانيه باذن الله

اتمنى ترسلوا التدوينة لغيركم وخاصه الي يحبو كل شوي يجربو رجيمات قاسيه  عشان يبتعدوا ومايجربوه

عيشوا بحب وايجابية 

img_3789