مكرونة بشاميل صحية ولذيذة \ Healthy Delicious and Easy Bechamel pasta (macaroni)

السلامعليكمورحمةاللهوبركاته 

تدوينة اليوم من احلى الوصفات والاكثر طلب في السناب .. جدا لذيذه ومارح تحسون انها صحيه لانها نفسسس المكرونة الباشميل العاديه بالطعم والشكل … فاحتمال تعتمدونها بدال العاديه هههههه  .. ومثل ماعودتكم في كل وصفاتي ! سريعه ومافيها تدقيق بالمقادير والقياسات

طبعا هالطبق فيها خطوتين ! الاول هي المكرونه بالصلصه الحمراء والثاني هي صلصة الباشميل ….

نبدااولخطوة : المكرونةبالصلصةبالحمراء  

مكرونة

(تونا  او دجاج او لحم انا اسوي تونا (الي علبتها مكتوب  بمويه وملح

صلصه طماطم

بصل وثوم

( بهارات مشكله ( انا استخدم كركم -كمون -فلفل اسود- ملح بحري او عادي-  بهارات مشكله -وبهارات دجاج

*الملح اختياري .

ليمون

الطريقة: نسلق المكرونه بمويه بقدر لحالها لين تستوي … بصينيه ثانيه شوي زيت ونحمس البصل والثوم لين يستوون ويصير لونها شفاف شوي .. بعدها  احد بافي المقادير واصب  مويه عشان تكون صلصه .. كميه الميه على حسب رغبتك انا احب اكثر شوي مويه عشان لما اخلط الصلصه بالمكرونه تكون الصلصه طاغيه اكثر … في بعض يحب شوي صلصه ووقت ماتنخلط مع المكرونه يكون الطبق ناشف… فعلى حسب رغبتكم

الصلصه تعتبر مستوية  اذا كانت تطبخ او تغلي وخاصه مع التونه لانه مايحتاج طبخ كثير .. اذا دجاج او لحم يعتمد اذا انطبخو زين .. وبس تحطي الصلصه بالمكرونه  (بعد ماتصفي المكرونه من المويه ا\ انا ششخصيا اخلي شوي من مويه المكرونه)وتخلطيهم سوا عشان يتجانسو.. وتخليهم ع نار هاديه

الخطوةالثانيه : صلصةالباشميل 

حليب بودرة

نشاء

جبنة فيتا

ملح بحري وفلفل اسود

الطريقة: بقدر احط تقيبا ثلاث ملاعق حليب وكوب مويه قيبا … اوقات مااقيس ولكن كيف اعرف اذا صح ؟  لما اخلط المويه والحليب النتيجه يكون سائل ابيض مو يكون مويه ولونها باهت !! ….وبعدها اضيف الجبنه .. المقدار على حسب اوقات ملعقه كبيره او قات ملعقه صغيره  فعلى حسب ذوقك  او الكميه المتوفره عندك … واخلط لين يتجانس مع الحليب … وبعدها ابدااحط النشا على شوي شوي .. يعني ارش كميه تقريبا اقل من ملعقه واخلط…

وقت مايغلي الخليط هنا بعرف ازيد النشا او لا !!! لان اذا ماكان الحليب ثقيل ازيد النشا واخليه يطبخ شوي عشان يبدا يثقل .. وهكذا لين يكون عندي خليط مثل كثافه الصوص .. بمعنى انه سائل بس ثقيل بنفس الوقت … اذا وصلتي لهالكثافه  اذا حابه رشي شوي ملح وفلفل اسود وهذي اختياري

التقديم  

تدهني بزيت شوي الصينيه … وتغرفي المكرونه فيه وتوزعيه بشكل متسواي .. وتصبي من فوق الصلصه حق الباشاميل …  وتدخليها الفرن بس تحمر من فوق لدقايق  … وبالعااااااااااااااااااااااااااااااافيه انا شخصيا احب اعصر ليمون او اكتشب ههههه على المكرونه وقت الاكل تعطي طعم جبار

بالنهايه  

لازم تجربوها وتخلو غيركم خصووووصاااا الي يفكر ان الاكل الصحي مو حلوووو وماصخ  لااازم نثبتلهم العكس

وعيشوا  بحبوإيجابية 

img_3789

Advertisements

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.