خطوة واحدة لتطويل الأظافر بدون منتجات وكريمات \ one step to grow your nails without creams or products

السلام عليكم ورحمة الله وبركاته 

 تدوينة اليوم من تجربة شخصية . ..

والي خلاني اكتبها لكم لاني لاحظت الفرق وخاصه ان اظافري من النوع الي مايطول  كثير … يعني ايام المدرسه ماشيل هم ماشالله سالفه تفتيش الاظافر هههههه .. فلما شفت التغيير وسرعه المده الي الاحظ فيها نمو  الاظافر قلت لازم اثبتها بالمدونه عشان الي مثلي يستفيد  باذن الله ….

نبدا نقولكم الطريقة وهي سهله جدااااا والكل يقدر يسويها  ورخيصه كمان وهي  : نوعي بأكلك !!

نوعي بأكلك؟؟؟؟؟ 

ايوا … خلي نظام اكلك متنوع مو شرط صحي بحت ولكن فيه تنوع , فيه فواد , فيه فيتامينات ومعادن وأمور تفيد جسمك … ورح تلاحظي التغيير والنتيجه مو بس باظافرك حتى بشعرك وبشرتك

طيب كيف أنوع بأكلي؟؟

مثلا نوعي بأكل الخضروات .. يعني لا تكتفي على نوعين او ثلاث من الخضروات .. جربي فجل – بنجر -افوكادو -جرجير – ملوخيه -كرفس -كرنب وغيره  (مااقول هذي الخضرات مفيده للاظافره خاصه  ولكن هذي من الخضروات  كمثال على امور جديده مفيده تجربيها ) لان اغلب الناس تاكل  كم نوع بشكل مستمر بدون ماتغيير وتجرب وتنوع

برضو جربي فواكهه وغيري من الي تشتريه وتذوقيه … برضو المكسرات وتمر وعسل وغيره من الامور الي لها فائده

اشربي مويه كثر … مارح اخلص من مدح المويه واثرها على كل الجسم داخلا وخارجا !! فهذا يبغالهاا تدويناااات  ههههه   فاهتمي بالمويه

وهكذا بس !! ماهو رجيم ولا تحدي ولا شي .. ضيفي امور غذائيه جديده لأكلك

نتيجتي كيف صارت بعدهالتعديل والاضافه لأسلوب أكلي؟ 

زي ماذكرت اول شي .. أظافري جدااا بطيئه بالنمو .. بعد مابديت اعدل أكلي وتعلمت أكل أكثر من صنف وأجرب .. طبعا كان بالبدايه ومازال من مجهود شخصي وبعد الله ثم ماما  هي  تحب الخضروات  وتجرب بالاكل   وبرضو  زادت فيني حب التنويع  دكتورتي شيماء .. ذكرت عنها بالانستقرام كثير .. ولكن مو لازم دكتوره عشان تنوعي .. زي ماقلت هي إضافه لنفس أكلك

بس زيدي على سلطتك كم عنصر جديد .. او الصينيه الي تسونها زيدو عليها كم شي جديد

المهم النتيجه حقي صارت .. خلال أسبوع ابدا الاحظ ان اظافري بدت تطول ..وبعد  اسبوعين تقريبا او ثلالث  ابدا احط مناكير بفخر ههههههه

طيب الكريمات والمنتجات خلاص مانستخدمها؟؟ 

طبعا اذا حابه تفيدي اظافرك  كجمال وقوه ونمو زياده وترطيب وغيره .. في منتجات اكيد تساعد تحققلك هالنتاج ولكن الاساس لازم يكون من جسمك .. جسمك يبني اساس الاظفر من خلال اكلك وشربك … وبعدها اي شي رح تزيدي عليه رح يعطيكي سرعه بالنتائج واستدامه اطول .. بس لو معتمده فقط على منتجات وماضبطي اكلك مارح تستمر هالنتائج ورح تكوني معلقه و معتمده عليهم دايم …

بس ايش احلى ؟؟؟ حتى لو ماحطيتي منتجات تكون جميله وقويه  وتزيد حلاوه لو حيطيتي عليه شي ثاني .. (أو) مارح اشوف شي جميل الا بمنتجات ولازم بس اعتد عليها دايم  ؟؟

 بالنهايه تنبيه !!!  انا شخصيه مو مهتمه بعالم الاظافر فما اعرف  كم المده المفروض انها تطول وتعتبر صحيه او كم طول الاظفر لازم يكون خلال  شهر لو تركته بدون قص  وهذي التفاصيل .. مااقدر افيدكم لاني مو خبيره وكل وحده وطبيعة اظفارها …

اتمنى هالتدوينه عجبتكم … وشاركوها غيركم عشان يستفيدوا

عيشوا بحب وايجابية 

img_3789

Advertisements

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.