Skip to content
Advertisements

ست خطوات تساعدك تذاكرين للإختبارات بشكل فعال / six 6 steps to help you study effectively for exams

السلامعليكم ورحمة الله وبركاته 

تدوينة اليوم حبيت اكتبها الان عشان هالتفره او هالشهر بيكون فتره اختبارات  .. الله يوفق الجميع بنات وأولاد  وكبار وصغار … ان شالله هالخطوات تكون عمليه لكم … وطبعا هالخطوات شخصيا مجربتها  وقت ما اكون مهمله لفتره بالدراسه واحتاج اذاكر زين او الاوقات الي ابغا من جد  اكون مرتبه لين وقت الاختبارات عشان مااتبهذل واتعب .. وجدااا كانت عمليه ونافعه وساعدتني كثير

والأكيد ساعدتني بعد الله  وتيسيره وتدبيره باني اجيب درجات كويسه  ولله الحمد … فيلا نبدا هالخطوات

أولا : جهزواالتحديدات  للدروس والمعلومات والأوراق 

بمعنى  اعرفوا ايش الامور الي ركزت عليها المدرسه او المدرس … لان غالبا ماتكون هالدروس والاسئله الي ركزوا عليها جايه لكم بالاختبار … وركزوا انكم ترتبوا  أوراقكم  الي تكون خارج الكتاب عشان ماتضيعو وقتكم وانتو تدورون عليها وانتو بنص المذاكره ..

ثانيا  : الصبح الصبح الصبح 

خاصه الان وقت الصيف  الصبح جدا طويل !! فلازم تحاولو تصحو من الصبح سبعه او ثمانيه  او حتى من الفجر تصلو وتبدأوا تذاكرون .. وخاصه يركزوا ع الصبح الي يكونوا بوقت ضيق مثا عنده يوم واحد او يومين للدراسه للاختبار .. لانكم رح تلاحظون انكم رح تنجزون وتذاكرون وتخلصون دروس كثيره ولسا عندكم باقي اليوم طويل بإذن الله تعالى

ثالثا : قسميالمنهج لأقسام وأوقات معينه 

لما تدرسي منهج طويل حتى لو تعرفي كم فصل عليكي او كم درس .. خذي فكره مره ثانيه وقسمي الفصول عى حسب الوقت الي عندك عشان يشجعك انك تنجزي .. يعني مثلا من الصببح لين اظهر بخلص ثلاث فصول .. وحطي ورقه او فاصل عند اخر فصل  .. والثلاث الفصول الثانيه بخلصها قبل او بنص فتره العصر وهكذا .. بيخليكي تتحمسي وبرضو بترتبي دراستك على حسب وضعك وظروفك بدون ماتتوترين باذن الله

رابعا : لااااااااااااااااازم راااااااااااااااااااااااااحه أكثرمن مره 

كثير بنات يبدوا يمسكو الكتاب من وقت مايقومون لين ماينامون, بدون فاصل !!.. وهذا شي خطا او شخصيا انا ابدااا مايناسبني ..  اولا المخ يحتاج يرتاح مو عشان بس راحه ! بالعكس هو يحتاج راحه من اي تركيز عشان يرتب ويجمع ويحفظ المعلومات الي ذاكرتيها .. ويكون فرصه اعلى واكبر تسترجعيها وقت الاختبار …فمثل النقطه السابقه ! قسمتي اول دراسه لين الظهر .. فبعد الظهر او الساعه الي حددتيها  يبدا وقت راحه  مثلا تتغدين او تاخذين قيلوله او تشوفي مسلسل او اي شي تسوينه يبعد مخك من التركيز الشديد ..  وبعد كل فصل او كل تقسيمه سويتيها خذي راحه.

 خامسا : كلمي نفسك بصوت واضح مسموع 

لما ابغا احفظ بسرعه  دايما استخدم اسلوب الشرح بصوت عالي … يمكن البعض يحسبو كاني مجنونه   وانا اقعد اشرح  واتكلم وكاني .. احاول اقنع احد يحفظ او يفهم ههههه .. بس مررره تدخل المعلومه بسرررعه اكثر من  بدون مااتكلم بصوت واضح .. جربوها وادعولي ههه وعذرا عن   الي بنزعجهم هههه

سادسا : وقت المراجعه ركزي عالتحديدات المهمه مو التفاصيل كلها 

وقت المراجعه غالبا مايكون وقت ضيقققققق اوقات يكون بس ساعه قبل الاختبار نفسه .. انا اقصد وقت المراجعه النهائيه مو المراجعه الدقيقه بعد كل فصل خلصتيه وتراجعينه …. هالمراجعه لاتخليها نفس الدراسه والمراجعه العاديه .. لازم تكون مختصره للامور المهمه نفس اول فقره .. المعلومات الي مركزين عليها كانوا مدرساتكم او دكاترتكم … اضافة على هالشي الامور الي لسا  تحتاجي تعيدي عليها مثلا نصوص تحفظينها او قاعدات او امور تلخبط ,. فقط

 ..بالنهاية …. أخرررر  وأساس كلهالخطوات : ربك ربك ربك اول 

لااااااااازم تدعون وتتوكلون على الله …. ولازم تطلبون منه التيسير والبركه .. وحاولو تتحسنوا بعبادته ( تصدقوا – احسنوا مع الناس – بروا باهلكم – خففو معاصي ) طبعا مو بس وقت الحاجه … حاولو تستمروا على حسن العباده دايم لانه أساس كل خير ورزق

اوقات كثيره تصدف مانقدر نذاكر او نكمل ونروح نختبر بس ربنا يسهلها ويعديها على خير …. واوقات تجينا ظروف غصب عننا تمنعنا من ان نكون بافضل جاهزيه للاختبار .. بس ربنا فوق وهو رح يساعدنا دامنا حاولنا قد مانقدر نعطي من مجهود … وكثير قصص  سمعناها ناس  جاتهم ظروف غصب عنهم ماقدروا يذاكرو صح وربي ساعدهم وسهلهم بطرق كثيره مثلا اتلغى الاختبار او فجاه تذكرت الشرح ..

وربنا أمر بالعمل بالاسباب … مو نطلع ونتمشى او نهمل ونقعد بالجوال وندعي بس يارب سهلنا !! لازم نحاول بكل مانقدر وبعدها نترك الأمر لله ….

الله يوفقكم والله يسهلأمركموانشرواهالتدوينه لكلالطالبات والطلاب  عشان يستفيدوا من هالخطوات 

عيشوابكلحب وإيجابية

img_3789

Advertisements

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.

%d bloggers like this: