كيف استغل شهر رمضان بشكل صحيح ؟ how to spend your time during ramadan ?

السلامعليكم ورحمة الله وبركاته

رمضان كريم ….. رمضان مبارك

موضوع هالتدوينة هو سلسله من مواضيع لشهر رمضان تمت بالتعاون مع مدونات عربيات جميلات … بعد تدوينتي شوفو تدويناتهم ومواضيعهم جدا رائعه

مدونة ذا روانز- روتيني بشهررمضان ومفضلاتي 

مدونة سلوى – روتيني بالعناية بالبشره بشهررمضان 

مدونة ديما جلاممشترياتيلشهررمضان 

هالتدوينة  كتبتها لي ولكم لان رمضان شهر فضيل وشهر كثير امور تلهينا عن استغلاله صح وأمور تضيع وقتنا وتلخبط يومنا ويصير الواحد مايدري كيف يسوي كل الي يبغاه ومخططله .. فرح اقولكم بعض الخطوات الي جربتها من قبل وضبطت معاي  وانشالله ابدا ارجع اسويها مره ثانيه انا كمان .. عشان نستغل باقي رمضان صح

أولا : احذفي مواقع التواصل الاجتماعي

رح تشوفين فرق كبيييييير  بس من هالخطوة  سوا كنتي مره مدمنة متابعه للتواصل الاجتماعي او لا … جدا بيفرق معاكي من ناحية كميه الساعات او الدقايق الي بتكون فاضية لك .. تقدري تستغفري \ تشتغلي بشي ما \جلسة الاهل  \قراءة قران وغيرها

ورح يفرق اكثر من ناحيه نومك ومزاجك بشكل كبييييييييييييييييير جربوها وادعولي

ثانية : حددياهداف بسيطة و يومية

مثلا بقراء باليوم جزء او بخفف اكل بالفطور او رح اصلي تراويح كل يوم او انجز شغله معينة قبل الفطور  وهكذا .. لا تحددي امور عشواية او كبيره  لان شهر رمضان  فيه تقلبات ولخطبة كثير فما في كثير ترتيب  لاغلب الناس من ناحية سير اليوم مو مثل باقي الشهور… فبدال ماتقولي بنحف هالشهر !  كل يوم ابدي بهدف بسيط اني اخفف اكل ما اكل كثير بين الفطور والسحور وهكذا .. مثلا بدال ماتقولي لازم اختم القران نهايه رمضان .. وبس قولي كل يوم رح اخلص جزء ! واواقات رح تنسي تقري او مايمديكي تقري براحتك فترتبي كيف رح يكون بكرا وضعك عشان تقدري تخلصي الجزء الي راح والي جاي …

طيب ليش؟؟؟ماهو نفس الشيسوا هدف لكل رمضان او زيما تقولي يومي !! ايش الفرق؟؟

لما تحطي هدف كبير فقط او عام وتوزعيه قبل رمضان  بدون ماتشوفي حركه كل يوم ووضعك كل يوم .. بيكون في توتر وخذلان بينك وبين نفسك … ولكن التخطيط لكل يوم بيكون مرن وبيخليكي ما تتوتري او تزعلي انك ماقدرتي تسوي الي خططتيه لانك بالعكس تقدري تنجزي بس تحتاجي تشوفي وضعك الان كيف وتبني عليه هدفك

ثالثا: عدلي نفسك موبس تزيدي عباداتك

شهر رمضان شهر خير .. وشهر روحاني ..بمعنى انه شهر اساسه مبني على انك تقعدي مع نفسك وتعدليها  وكمان تتقربي لربك أكثر .. مو شهر بس ادعي وصلي  لان دين الاسلام مبنى كمان على الاخلاق واسلوب التعامل مع الحياه كمان … يعني خلي شهر رمضان مساحه انك تبدي تعدلي امور بحياتك والاهم شخصيتك .. عشان تستثمري هالشهر صح وتطلعي منه بالشكل الصح .. والي يرضى ربك

فبدال مايكون بس صلاه وعباده ..  تعلمي كيف توقفي وتخففي من المحرمات والمكروهات  مثل ( نمص الحواجب \ لبس العاري \ سماع الاغاني \ سوء الخلق \ تعامل الحسن مع العاملات والعاملين \ هدر نعمة الله من اكل ولبس وشرب وغيره )

تعودي خلال هالشهر  على كثرة الصدقه وطرقها عشان بعدين تستمري بين الحين والاخرى تتصدقي … تعودي على صله الارحام  وابدي اقعدي مع اهلك واصحابك  واجتمعوا سوا وتقربو من بعض .. تعودي انك تخففي نميمة وكلام على الناس وابدي اعرفي كيف تتغلبي وتخففي هالطباع … تعلمي كيف تستغلي وقتك ومايضيع بدون تحقيق انجازات حتى لو بسيطة بينك وبين نفسك

خليه شهر تطلعي منه شخص ثاني .. مو نفس الشخص بس دعا ربه كثير …  .. ولكن طبعا مع المحاولات بتغيير العادات كمان لا تهملي عباداتك وربك .. ولكن الاهم مو بس تدعي بدون العمل بالاسباب والله يتقبل من الجميع ان شاء الله

رابعا : النوم

هذا من الامور الي لازم تتخرب عندي  وان شاء الله بحاول اعدلها وهي لخبطة النوم لان اوقات نص النهار نايمين ويضيع علينا  مجهود الصيام والاحساس برمضان .. وباقي اليوم يكون اغلبه انجاز للامور الي تركناها بسبب النوم  ويصير لخبطة ومااتسغلينا يومنا صح … فحاولو تعدلو من نومكم عشان نحس برمضان كله سوا وقت الصيام او الافطار

خامسا : التوازن بالبرامج التلفزيونية

خلي لك كم برنامج ومسلسل تتابعيه عشان يكون عندك حماس تشوفينه وترتبي وضعك قبل لا يبدا .. فبيكون مثل التحفيز لك ان لازم اخلص كم شغله عشان اقعد مروقه للمسلسل ..  وحاولي توازني مابين برامج دينية تفيدك دنيا واخره ومابين برامج تبسطك وتغير جوك .. واكيد الكل عارف ان كل الي برمضان بينعاااااااااااااااااااااااااااد بعد رمضان فلا تجروا وراها كثير

سادسا : التنويع بالاكل بشكل يومي مونفسة دايما

أكيد كلنا يضيع يومنا على الطبخ .. وفي اغلبنا مفرزن اكله (وتعتبر حركه ذكية عشان مايضيع الواحد وقته كثير بالمطبخ ) ولكن برضو لازم يكون اغلب الوقت بالمطبخ ….  فجاتني فكره ان كل يوم يكون اكل غير واطباق غير

فخلي الاصناف محدوده مثلا ثلاث اصناف كل يوم … وكل يوم اصناف جديده !!  فمارح تروح اجواء رمضان ان يكون اكلات مختلفه وابتكارات وبنفس الوقت   وحماس لكل يوم . مثلا اليوم بنوي لقيمات وسمبوسه وشوربة وحلى .. بكرا بنسوي كبسة  وسلطة وورق عنب … فبيكون في حماس لاهل البيت على الفطور وبرضو يخفف الحمل على الحرمه ان لازم كل يوم نفسسسس الاصناف وزياده اصناف  ..

طيب كذا ميزانية ياهبه؟؟لا

حددي اصناف اسبوعيه مختلفه تتشارك باغلب المقادير ومليااااان وصفات تتشابه بنفس المقادير والمكونات …

اهم شي مو عشان تستغلو رمضان تحرموا نفسكم حاوة اجواء الفطور وأكلاته  وبنفس الوقت لا تبذروا اكلكم ووقتكم وراحتكم

 بالنهايه

.. اتمنى هالتدوينة عجبتكم .. واذا استفدتوا لا تنسوا تشاركوها غيركم عشان يستفيدوا هم كمان

ولاتنسواتقرواتدوينات صديقاتي المدونات الي ذكرتهم فوق  وتتابعوني على السناب والانستقرام

img_3789

وصفة رمضانية : مكرونة باللحم وبيتزا بوصفة وحده سريعه ولذيذة Ramadan dish

السلام عليكم ورحمة الله وبركاته 

رمضان كــــريم …. رمضان مبارك

وصفة اليوم سريعه ولذيذه وخفيفه |(من البيتزا المأكوله هههههه بالصوره )  …  اخذت مني نص ساعه لهالطبقين اللهم بارك  ….

مثل ماقريتو بالعنوان يعتمد على طبق واحد ! عشان تسونهم .. يلا نبدا

صلصة الطماطم السريعه  (مقاديرها ) هي : 

صلصه طماطم

بصل  مقطع شرايح كبيره شوي

ثوم مهروس

موية

بهارات مشكله  ( استخدمت انا ريحان – فلفل اسود- ملح – بهار دجاج – كمون ) وبس

صلصة الطماطم السريعه (طريقتها) هي : 

بصاج حطي شوي زيت عشان يمنع الالتصاق ..  واضيفي البصل والثوم والصلصه والبهارات وخليهم يطبخو .. وضيفي مويه عشان

يكون صوص بس لا تكثري لان نبغاه يكون ثقيل مو مره خفيف  . وخليه شوي يطبخ  وبالعافيه

 ..وشيلي شوي من الصلصه بطبق على جنب  لطبق البيتزا   والباقي خليه بالصاج لطبق المكرونة

الطبق الأول : المكرونة بالحم والصلصة الحمراء 

جدااااا لذيذة جدااااا …

تحتاجي بس :  مكرونة …. ولحم مفروف  وتبليهم ب (ملح وفلفل اسود ) وكوريهم لكور مفرقه

طريقتها : ضيفي اللحم على الصلصه الحمراء وغطي الصاج لين ماتنضج اللحم .. وغطي اللحم بالصلصه

 والمكرونه على جنب اطبخيها بقدر فيه مويه ..-اطبخي المكرونه وقت ماتسوين الصلصه عشان الوقت

ولما تنضج ضيفي بالطبق المكرونه وعليها صلصه اللحم  وبالعافيه

 الطبق الثـــاني :البيتـــــزا

تحتاجي: عجينة  بيف باستري  مربعات … وجبنة مبشوره (انا استخدمت جبنة شدر ) وبس

طريقتها :  خذي قطعة بيف باستري  وطبقيها  عشان تكون مستطيله او  خليها شوي تلين وخليها  دائرية  .. ضيفي عليها طبقة من صلصة الطماطم  و رشي جبنة الشدر … وهكذا سوي على باقي القطع .. وحطيهم بصينية وعلى الفرن خليهم يطبخوا …. بتعرفي انهم نضجوا اذا انتفخت العجينة وتحمرت من فوق

ه

وصفة رمضانيه :صينية رولات تونا صحية سريعه ولذيذة /RAMADAN dish

السلام عليكم ورحمة الله وبركاته 

رمضان كـــــريم .. رمضان مبـــــارك

هالوصفة مزيج مابين وصفتين تعلمتهم وعرفتهم من كتاب وموقع ووصفة متعارفه ومتداوله بين حريم وبنات العيله

مزجتهم لان كانو زايدين بكمية قليله من اليوم الي قبله فحبيت استغلهم بدري قبل لا يقعدو ويخربو علي

1526662409447-1

 

صينية التونا بتوست النخاله 

كالعاده بوصفاتي مااعتمد كميه معينة في المقادير .. على حسب الموجود والكميه الي ودي فيها

تتكون من صلصه تونا وتوست نخاله وصلصة تزيين من فوق 

طريقة صلصه التونا  ( المقادير ) هي : 

تونا

زيت

طماطم مقطع قطع

صلصه طماطم

ملح – فلفل اسود – ريحان..ضيفي بهارات ثانيه اذا حابه

ثوم مهروس

بصل مقطع  وصل كبيره شوي

بقدونس

صلصة التونا (طريقة الطبخ ) هي : 

بصاج حطي شوي زيت عشان يمنع الالتصاق .. واضيفي البصل والثوم والطماطم والصلصه والتونا والبهارات بالتدريج وحركي لين يتجانسو ويطبخو .. ضيفي شوي مويه اذا حابه شوي يكون صلصه شوي سائله بدال ماتكون ناشفه . واخر شي حطي البقدونس وحركيه لين مايطبخ مع الصلصه ..

صلصه التزيين (مقاديرها )هي : 

لبنة

زبادي

بابريكا  -ملح – فافل اسود

ثوم مهروس وليمون

صلصة التزيين (طريقتها ) هي :

كل المكونات اخلطيها سوا بصحن  وخليها على جنب

طريقة الحين صينية رولات التونا الصحية  : 

خذي توست بر وافرديه بفراده  لين مايكون رفيع عشان تقدري تلفيه … بعد ماتفرديه ضيفي صلصة التونا  شوي .. ولفي التوست وحطي الحبه بصينيه فرن .. وهكذا  خذي توست مفرود وضيفي الصلصه ولفي وحطيها جنب التوست السابقة وصفيها جنب بعض .. وبعد ماتخلصي  من لف التوستات الي تحتاجيها  وعبت الصينيه  ( انا سويت بس صف واحد لان صينيتي صغيره ) بعدها ضيفي صلصة التزيين من فوق  .. مدديها على كل الصينيه … وحمريها بالفرن شوي قبل التقديم …

وبالعافيه 

لاتنسوا تتابعوا المدونة لمزيد من الوصفات والموضيع الصحيه 

المصادر الي تعلمت منهم الوصفات .. مع العلم ماتقيد بالوصفات كامله الا بعض  منها وبعض من مقاديرها ولكن الالهام منهم بشكل كبير ..

موقع 15 ثانيه

easy comfort food book

 

 

ثلاث خطوات تعرفي فيها أسئلة الأختبار / three steps to predict your exam`s questions

السلام عليكم ورحمة الله وبركاته  

تدوينة اليوم الفضل لها  يرجع لماما الله يحميها لي …. بثلاث خطوات بسيطة بس تقدري تخمني أسئلة اختبارك و  تكوني مستعده و اقل توتر  لاسئلة اختبارك

أولا: انتبهي لتنبيهات المدرسه  

المدرسه قبل اي اختبار او خلال فتره قبل الاختبارات النهائية .. تكون نبهت  الطالبات على امور لازم يركزوا عليها او ارواق لازم تدرسو منها او تكون عندكم او فقرات  مهم تتدربوا عليها .. واوقات في مدرسات ينبهوا كل درس بدرسه … فااذا ماحالفك الحظ تعرفي ايش المهم في الدروس أسالي صحباتك اوالمدرسه نفسها …

لان الامور الي ينبهوا عليها احتمالية وجودها بالاختبار عالي جدا او اكيده !! فلا تضيعي وقتك بالتركيز بامورثانيه يمكن مو مهمه للمدرسه

ثانياأكتبي الاختبار بنفسك  

بمعنى ان كل فقره او كل درس او فصل .. ابدي شوفي المعلومات وحاولي تسوي لها اسئله ( مولازمورقةوقلمبمخكاوبتحديداتبسيطهبالكتاب ) .. مثلا عللي \ خيارات\ صح او خطاء \ ارسمي  والخ …. وكل الفقرات طبقي عليها كل الاسئله عشان تقدري تعرفي كل المعلومات كيف ممكن تجي بكل طريقة سؤال …. هالطريقة مو مضيعة وقت ولكن تعتبر بمثابةمراجعهلككمان .. بدال ماتراجعي بشكل عشوائي   رح تكون مراجعتك أكثر فعاليه

ثالثا : كوني مدرسة شريره  

هي نفس النقطة الثانيه ..ولكن بأسلوب مختلف  .. وهو انك تحاولي تطلعي سؤال صعب \ معقد \ دقيق  باختصار ( جوابالسؤاليكونمابينالسطور ) للفقره الي تدرسينها .. ..   رح يخليكي تركزي على أمور  يمكن تكون مو ثابته عندك مثل أسماء او تواريخ او مقارنات  وغيرها .. وأمور يمكن غابت عنك وماانتبهتي لها  غير انها مراجعه لك

هذي الطرق شخصيا اسويها من زمان  … وكانت لما اطبقها تخليني اوقات كثيره  أروح الاختبار بروح أقل توتر واكثر جهازيه .. لاني عارفه احتمال ايش بيجني …  والباقي أكيد بيد الله

 لاتنسواتزوروا …. التدوينة سابقة  (أضغطوا على العنوان ) تكلمت فيها عن ستخطواتتساعدك  تذاكريللاختباربشكلأفضل

بالنهايه 

التوفيق من الله اولا ثم مجهودك . والاكيد تقدير الله لك .. فاعملي الي عليك وشدي حيلك والباقي اتركيه بيد الرحمن

الله يوفق الجميع  .. وشاركوا هالتدوينه لغيركم

عيشوا بحب وايجابية  

img_3789

كيف اكتب قائمة مهام تخليني انجز صح \how to write the perfect TO DO LIST

السلامعليكم ورحمة الله وبركاته

كيفكم .. ان شالله بخير .. تدوينة اليوم تناسب الكل سوا احد يشتغل او قاعده بالبيت اويومه فاضي او يومه مليان أشغال .. الاهم انك شخصيه حابه تسوي شي بيومك او ترتبي اولوياتك وماتنسي جانب معين بحياتك … طبعا عارفين تديوناتي كثير تكون من تجارب شخصيه عشان اوصلكم  حقيقة وفعالية الشي الي اتكلم عنه او الشي الي يمدحونه غيري …

1525347860827

فبهالتدوينة بقولكم كيف  اقدر انجز اكثر خلال يومي .. واكون راضيه عن نفسي ان هاليوم مارح عبث .. والطريقة الي ساعدتني ماتكلف شي باذن الله

 قبل لا نعرف كيف نسويها  لتحفيزكم اعرفوا ايش فايدتها…(أضغطوا على العنوان ).

  ليش احتاج (قائمة مهام ) عشانانجزاكثراوافضل  ؟

دحيننجيلفقرةكيفأكتب قائمه مهام  بطريقة صحيحه وفعاله؟

أولا :لازمتكونمتنوعهلانهاقائمهلليومكاملمولشيمعين … فلازم تكون فيها هالمجالات . (مجال ديني \ شخصي \ إجتماعي \ مهني\ مسووليات \تعليم) لانها شامله كل شي باليوم ..هذي المجالات مو لازم تكون موجوده كل يوم ولكن مهمه في اغلب الاوقات على حسب وضعك ويومك ومسسولياتك

ثانيا :فيمجالات  اومهامثابتهومتغيره !!!  .. شخصيا قدر الامكان المجال الديني والشخصي والمسووليات هذي لازم تكون ضمن قائمتي …. باقي المجالات تعتمد على وضع اليوم وترتيبي  وظروفي … عشان تعرفي ايش المجالات الثابته !! لازم تعرفي ايش الي يتكرر دايم او لازم يتكرر …. يعني كلكم بيكون الجانب الديني موجود كل يوم .. ولكن المجال المهني للي يشتغلو لان في امور متعلقه بشغلهم لازم تكون تنجز .. فمارح يكون هالمجال موجود بالي تكون ربة منزل او تدرس .. وجانب الشخصي مثلا قد يكون عنايه او قراءة كتاب وغيره . فوحده غيري تقول ماابغا كل يوم اسوي شي شخصي .. ولكن عندها امور اجتماعيه كل يوم تحتاج تسويها مو مثلي وهكذا ..

على حسب رغبتك ثم اولوياتك رح تعرفي اي مجال مهم او اي مجال متغير …. … او بالاخص اي مجال تركزي وتنجزي فيه أكثر

ثالثا :لكلمجالمهامولكنلاتكثري .. يعني مثلا المجال الديني .. انا اخليه اقرا صفحه قران قدر الامكان يوميا مع اذاكار متنوعه خلال اليوم … وبس هذا الاساس لو حابه ازيد بيكون باوقات معينه او بعد مااتمكن من المهام الاساسيه الي معتمدتها

او مثلا الشخصي قد يكون اخذ راحه او مشاهده برنامج كل يوم وايام معينه يكون زياده عليه  عنايه بشعر .. فتقدري كل مجال يكون مهامه مختلفه خلال ايام معينه او ثابته يوميا ولكن لازم تكون شوي !! مو مليان امور عشان ماتزهقي ويصير شغل اكثر من انه اسلوب حياه

رابعا :وثقيانجازاتكوفشلك ... لازم نهايه اليوم تشوفي الورقة وتشطبي على الي انجزتيه  وتحطي خطاء على الي ماسويتيه … بعد التكرار  بتفهمي نفسك … رح تشوفي ان في امور مستمره على انجازها  وفي امور كل مره ماتسويها وفي امور اوقات تستمري واواقات لا …. ومع نفسك بتفهمي وضعك ونشاط واسلوب حياتك

مثلا::: بتشوفي انك ماتشربي مويه وتحطي خطاء على شرب المويه .. لما يكون هالقائمه مليانه مهام .. فبتلاحظي لما تنشغلي تنسي المويه .. او انك صايره ماتقري قران كل يوم … فبتحاولي تشوفي اسلوب او تنظيم وقت ثاني عشان تنجزي هالشي .. او مثلاا لو دايم تحطي مهمة قراءه كتاب … في اوقات تنجزيه لما تكوني تقري قبل النوم  عكس لما تحاولي تقري خلال اليوم .. وهكذا بتعرفي عن نفسك اكثر وعن طبعك والامور الي تحبيها او الاوقات الصحيحه عشان تنجزي الامور

 مثالعلىكتابة مهام ليومين مختلفين .. ولكنلاحظوا فيه ثبات وفيه مرونه بنفس الوقتومجالاتمتعدده 

 

*****ملاحظة : اكييييد في أيام مااكتب فيها قامة مهام .. وايام مافيها انجاز … وايام ملخبطه ..  طبيعي جدا هو اسلوب حياه  لترتيب يومك فيكون في فشل في توقف  وغيره …. المهم المحاوله على الاستمراريه عشان تكون عاده قدر الامكان

بالنهايه 

اتمنى تشاركون هالتدوينه مع غيركم عشان يساعدهم

عيشوابحب وإيجابية 

img_3789

خمس أسباب تخليك تبدي تكتبي (قائمة مهام ) لحياتك \ 5 reasons to start TO DO LIST

السلامعليكم ورحمة الله بركاته 

تدوينة اليوم  موضوعها جدا قريب على قلبي … لان هالموضوع سوا نقله كبيره في حياتي (مو كبيره مره ههههه بس بيني وبين نفسي كبيره وفخوره فيها ) … ساعدني هالشي باني ابدا انجز أكثر من اول وافضل .. والاهم ارتب اموري أحسن من اول

وطبعا لاني اشارك هالشي بشكل دوري بالنساب – الكود باخر الصفحه – حبيت اوثقه ليوصل لأكثر عدد ممكن من الناس للفائده

(اذا تعرفو اهميتها وحابين تعرفو كيف تطبقونها  روحوا التدوينة الثانيه (أضغطوا على العنوان

كيف اكتب  قائمة مهام بشكل صحيح وأكثر فعالية ..

1525347860827-1

ايش هي قائمة المهام ؟؟؟

بورقة  تكتبي  امور معينه حابه تسوينها .. مهام حابه تنجزينها . .. مو اهداف او جدول لامور روتينيه اسبوعيه تسوينها او مواعيد شهريه ..لا!!! هذا شي ثاني  …  قائمة المهام تكون لأمور اليوم لازم او حابه تحققينها …  فهي قائمة تساعدك ترتبي  كل الي لازم ينجز اليوم بشكل واضح قدامك

البعض يحب يستخدم الورقه والقلم .. البعض الاخر يحب يستخدم تطبيقات الجوال بكتابة المهام ..  لكي القرار.. شخصيا افضل الورقة والقلم

ليشمهم نسوي قائمة مهام؟ 

اولا : يحفزك تنجزي !! انا شخصية جربت اني ارتب الامور الي حابه اسويها بمخي ولكن فشلت لاني كثيره النسيان وتلهيني امور كثير وازهق … فناسبني بعد تجربة اني اكتب الامور الي ابغاها… عشان تشجعني قبل لا يجي موعد النوم انجز كل هالامور الي بالورقه وطبعا عشان ماانسى باذن الله …

فاذا كنتي مثلي…جدا تناسبك هالطريقة لانها بمثابة تحدي يحمسك عشان تثبتي لنفسك انك قادره

ثانيا: يساعد تنجزي اكثر من مجال !! بحياتنا في اكثر من مجال نسويه مثلا طبخ \دراسه\تربية\وظيفة \عنايه شخصيه\واجبات اجتماعية \ امور دينية وغيرها  … فلما تسوي قائمه بالمهام الي عليكي اليوم يساعدك تعرفي ايش عليكي من امور بمختلف المجالات وتتذكرينه وبرضو يساعدك تضيفي امور اهملتيها  اذا شفتي امورك اليوم اخف

ثالثا: يرتب اولوياتك   !! مع كتابة المهام بشكل يومي .. بتعرفي ايش مهم عندك مثلا -(ماانسى قراءة القران او اراجع الدروس الي اخذناها اليوم والخ ) فكل يوم بتكتبي هالمهام .. فبيبدا عندك معرفة بأمور مهم تنجز عندك خلال اليوم وهي أولويه لك و امور ماهي مهمه لو لغيتيها اليوم ….

رابعا: يكون روتين بيومك  !! بيساعدك تعرفي يومك اغلبه كيف يكون .. مثلا انا اعرف او بالاخص لما اصحى احاول دايم اكل تمر او عسل ع الريق \ ارتب سريري \ افطر ….. قبل النوم ارتب البيت ع السريع \ اطلع الزباله … لان هالمهام كنت غالبا اكتبها .. فصار الوضع روتيني وماهو شي متعب اوازهق منو بالعكس احب اسويه لان بيخلي يومي مرتب  وانجز فيه شي

خامسا : نفسيا مبسوطه !! سبحان الله الانجاز دايم يعطي شعور فخر للشخص سوا كان شي صغير او كبير … فلما تكتبي مهام حتى لو بسيطه .. وشفتي انك شطبتي عليهم قبل لا تنامي او من بدري قبل لا ينتهي اليوم .. رح تنبسطي من نفسك وتنبسطي بان هاليوم صار في شي .. وتتحمسي ترجعي تعيدي هالتجربه ثاني يوم .. او تضيفي امور جديده …

جدا قوي هالشعور …. ورح يخليكي تنجزي اكثر واكثر

ايش الفرق بين جدول الاهداف وقائمة المهام ؟؟؟ 

جدول الاهداف . او جدول لتنظيم مهام لتحقيق هدف معين . يكون مخصص لشي واحد  وانتي تحاولي توزعي خلال فتره (ايام ساعات اسابيع او شهور ) خطوات  ومهام عشان تحققي هالهدف.. مثال بسيط – الصورة الي تحت – كاتبه جدولين لمهمتين حابه انجزهم واوزعهم خلال فتره معينه .. وتكون بمثابة جدول تعقب وتنظيم بنفس الوقت

اما قائمة المهام .. تكون عن كل شي تبغي تسويه اليوم فبيكون من ضمنها (المهمه المحدده  لهاليوم لكل هدف ) فمثلا اذا كان يوم اثنين … رح تسجلي مهام متعدده ومن ضمنها (مراجعه عامه للرياضيات )  ومابتسجلي غسيل لان هاليوم ماعندك غسيل للملابس ( حسب جدول التنظيم حق الغسيل ) …

بالنهاية

هذي بعض الاسباب الي شخصيا لاحظتها  بيومي بعد مااعتمدت هالاسلوب بالتنظيم  ….

ملاحظة : أكيد تجي أيام مااسوي هالقائمه  \ ماأنجز شي \ يوم ملخبط \ يوم بدون اي هدف او ملل …. تصير ولكن نحاول نكثر من الايام الايجابية قدر المستطاع .. فماهو غلط لو وقفتي كم يوم ورجعتي كم يوم … اسلوب حياه هوا بالنهايه

عشان تعرفوا كيف تكتبو قائمة مهام … شوفو هالتدوينه – كيف تكتبي قائمة مهام فعالة وصحيحه  ….

اتمنى عجبتكم هالتدوينة وشاركوها مع غيركم عشان يستفيدوا

عيشوا بحب وإيجابية 

img_3789