السلامعليكم ورحمة اللهوبركاته
تدوينة اليوم تمنيتها تكون عن طرق لتعطير المنزل بطرق طبيعية وصحية .. ولكن هذي لابد من تجربتها لفتره طويلة عشان أضمنها وأثبتها بالمدونة .. ولكن الى الان نستخدم الطرق المعروفه او المتعارف عليها .. وبشاركم أفضل الطرق بالنسبة لي لتعطير المنزل والاهم تكون ماتأثر على الميزانية او لصالح ميزانيتك ..
أولا : التعطير بأستخدام الفحم – بخورولبان وغيرهم
من أفضل الطرق لي بالتعطير هو بالفحم .. لان مو بس ينشر ريحة جميله بالبيت . ولكم كمان يساعد على التخلص من الروائح …
من عاداتنا بحضرموت هو استخدام اللبان بعد الطبخ .. لان اللبان معروف انه يتخلص من الروائح … وبعدها خلال اليوم نبخر البيت بانواع البخور الي تكون مفضله عند كل وحده ….
والبخور واللبان ويجي بأنواع وأسعار متنوعه ومختلفه …. فكثير انواع سعرها حلو والاهم كميتها تكفي لمده طويلة … للاسف ماعندي نوع معين معتمدته ولا اعرف كثير عنه اخذ من الي حولي هههههه اذا عندهم اقولهم ابغا اجرب لاني جديده في هالمجال من ناحيه اني افهم واعرف الانواع .. ولكن مررره انصحكم بهالاسلوب بالتعطير وبالعكس هذا شي حلو ستمر عليه لانه شي تقليدي وتراثي ونتميز فيه كعرب
-ثانيا : العطورالزيتية -الفواحــــة
وهي الزيوت المعطرة الي نحطها بالفواحه باستخدام الشمعه .. وبالصحن نحط الزيت وبحراره الشمعه ينتشر الريحه …. مرررره احبها لو اني ابغا شي سرع وينتشر بالمكان … والحلو فيها انو تقدرو تخلطو الزيوت وتكونو ريحه جديده كمان .. وتجي هالزيوت العطرية بروايح مختلفه منها الخفيف والثقيل والعربي والفرنسي والخ … ولكن نصيحه من مجرب لو حابين ريحه بغرفه كبيره ركزوا بالزيوت الثقيله حتى لو كانت مره ثقيله وقت ماتشموها رح تخف مع كبر المساحه .. والعكس صحيح بالنسبه للغرف الصغيره ..
أكثر مكان أخذ منه هالزيوت العطرية هو محل –زهورالريف – واخذ منه فترة العروض والتخفيضات ويكون ع اوقات ثلاثين ريال الحبه واحيانا تكون عروض مجموعه بسعر حلو .. وفي تدوينة سابقه حق – منظفمنزلي متعددالاستخداموطبيعيورخيص – شاركت استخدامي لهالزيوت بالمنظفات مررره حلوه
ماعندي نوع معين احبه .. لان كل فتره اشتري شي جديد واجربه واخلطه …
ثالثا : الشمعات
اخر وحده توقعت انها تحب الشمعات وهي انا … مره ماكنت احبها ولا احب جوها ههههه مدري ليه …. ولاكنت اصدق انها تنشر ريحه بالبيت لاني كنت اجرب شموع مثلا من ايكيا ولا اشم شي الا لما اكون جنبها .. ولكن بعد ماجربت شموع –منمحلباثاندبوديوركس– مررررره تجنن تعتبر مثل الفواحه والزيوت العطرية … والحلو فيها انو حجمها كبير وقعد فتره طووووووييييييلة بالنسبه لي يعني انا دحين عندي شموعهم شريتها ليلة العيد تقريبا ولين دحين موجوده عندي …
بالنسبة لي بروائح الشموع ما احب الروائح الي تكون استوائية او ريحه فواكهه .. وولكن عندهم روائح فيها مزيج من العربي او الفرنسي او الي تكون شوي فيها رجالي على نسائي – معرف كيف اشرح – ههههه بس الصور الي تحت بعض الي احبهم دحين من عندهم
نصيحه لو عندكم ميزانية لا تشتروا شموعهم الا فترة العروض لان تكون بدال ميه تصير بخمسة واربعين واحيانا تكون ثلاث بميتين تقريبا ويعتبر مرره حلو مقارنة بسعرها الاصلي لحبه وحده واوقات يسون عروض مختلفه باسعار مختلفه … فترقبوا العروض
بالنهاية اتمنى تكون تدوينة خفيفه ومفيده لكم … وانشروا لغيركم للفايده ….. ولا تنسوا تتابعوني بمنصاتي الاجتماعية
وشاركوني أفضل انواع التعطير ومن وين بالنسبه لكم ؟؟
وعيشوابحب وإيجابية
