كيف تكوني روتينك صباحي الخاص فيك how to create your own morning routine

السلام عليكم ورحمة الله وبركاته

بدخل على طول بموضوع هالتدوينة  وان شاء يكون مفيد لكم  وخاصه الجداول الجاهزه باخر التدوينة . وكمان في موضوع خاص للروتين المسائي وكيف تسوينوا وبرضو له جداول جاهزه لكم  قريبا رح انزله باذن الله   .

img_0262

لازم تعرفوا ان هالموضوع مو جديد علينا .. كل امهاتنا والكبار الي حولنا يسونه من زماااان ولكن اغلبهم مو مسجلينه كتابه .. ولاحظوا  هالشي فيهم خلال بداية اليوم  بعد ماتعرفوا الموضوع بهالتدوينة

اولا : ايش معنى روتين ؟؟ بدون تعريف لغوي بحت .. ولكن المفهوم العام هو أمور معينه  تتكرر بشكل دوري  \ بشكل يومي \ بشكل مستمر ولاوقات او فترات معروفه ..

ثانيا : أهمية الروتين ؟؟ ايش يفيدنا فيه ؟ … يساعدك تكوني عادة .. حابه تتعودي تسوي شي معين دايما ؟او شي حابه تحقيقية عشان يخف عنك ومايتراكم … ف  ابدي  خليه روتين في حياتك  بمعنى كرريه دايم ولفتره مستمره و بأذن الله تبدا تصير جزء من يومك وشي طبيعي وماتحسيه شغل او مهمه ..

والروتين الصباحي أهميته ؟ انه يبني بداية يوم  ممتعه ومريحه وتعطي طاقة  وترتيب لليوم كله باذن الله .. وبرضو لما تكوني بفتره ملخبطه ولا منجزة .. ويكون عندك روتين خاصة صباحي  تقدري ترجعي ترتبي يومك بشكل اسرع  ..

ثالثا : بقلد روتين أحد  ثاني بدال ما اسويلي روتين خاص ؟ اذا يناسبك والاهم يناسب طبيعة يومك ونفسيتك .. فابدي سويه ليش لا  . بيكون أسهل  لانه جاهز ومرتب وموزع خلال اليوم او الاسبوع او الشهر … تقدروا تشوفو يوتيوب – مدونات – ومشركات الناس بالبينترس

نجي للي تبغا تسوي جدول روتيني خاص فيها ويناسب وضعها ( من خلال مسوؤلوياتها – ووقتها – وشخصيتها -والاهم  هدفها) والموضوع بسيط جدا … يلا نبدا

اولا : خذي فتره لاحظي يومك كيف يصير ؟ اسبوع اقل شي 

…. بمعنى عيشي يومك عادي بكل تفاصيله بدون ماتسوين شي اضافي  بس لاحظي وقتك وين مزدحم ووين فاضي ..  متى تنامي وتصحي .. كيف مسوولياتك وغيرها  ..  وسجلي  باختصار كيف يومك وايش الي لازم كل يوم يصير والي متغير والخ … بسس تعرفي وضعك .. وبعد هالفتره التجريبية  . ركزي اهم شي عن بدايه يومك  دام اننا نتكلم عن روتين صباحي فقط …

ثانيا : حددي ايش المهام  الي تسويها  ولازم تسويها بدايه كل يوم  في كل المجالات بحياتك  ؟

يعني مثلا كطالبة اول شي لازم تسويه هو تتجهز للمدرسه – تفطر  -تروح المدرسه … للأم يكون تسوي فطور لعيلتها – تصحي العيال  للمدارس – تسوي جزء من ترتيب البيت وتنظيفه  …  كموظفة بيكون تتجهز  للدوام – تفطر  تروح الدوام

يمكن للبعض او للاخرين في أمور اكثر او أقل أو غير  لازم تتسوى اول ماتصحى … سجليها  كمان عشان ماتهمليها

وهالمهام تكون ضمن الروتين الصباحي وناخذها بعين الاعتبار .. اذا ماعندك مهام وصباحك مافي شي تسويه   النقطة الثالثه ابدي فيها

ثالثا : ابدي اكتبي مهام او اهداف حابه تسوينها بحياتك .. وحددي الي يمكن تنفيذها بالصباح او يفضل تسويها اول شي وترتاحي منها  

مثلا  حابه تسوي رياضه  واغلب الناس يخلونها الصبح  اول مايصحو عشان لا يكسلو بنص اليوم او بالاخص  يسحبوا عليها ..

 .. مثلا قراءة كتاب او الالتزام بقراءة القران كل يوم او الاذكار .. حلو تخليها بدايه اليوم عشان تبدي يومك بهدوء وكلام ربك …. ايضا الامهات او المتزوجات يقدرو يخلو الغسيل او تنظيف غرفة معينه او ان يخصصوا وقت الروقان والهدوء يكون بدايه يومهم بدال مايكون كله شغل البيت والعيال  وهكذا

 ايضا مثلا تخفيف استخدام الجوال … تقدري تنفذيها ببداية اليوم ويكون صباحك خالي من الجوال .. افضل من نص او خلال اليوم . وهكذا اكتبي اهدافك وشوفي الاهداف الي تقدر تخلصيها بصباحك عشان باقي يومك للامور والالتزامات الاخرى

المهم في هالفقره ان المهام والاهداف تكون لمجالات مختلفه عشان تعطي كل ذي حق حقه .. يعني  شي لدينك وشي لصحتك وشي لنفسيتك وروقانك  وشي لشغلك وشي لبيتك وهكذا  عشان هالمجالات كولها رح تخليكي اهدى واروق وانشط ويومك يكون مرتب باذن الله

رابعا : لازم يكون الروتين مهامه خفيفه  لااااااااااااااااازم خفيفه للاستمرار 

يعني مافي مشكله يكون اكثر من مهمه تسويها وتبغي تحققيقها الصباح ولكن لازم تكون خفيفه   واغلبها لصالحك ولترتيب يومك ونفسيتك وتخفيف الحمل عن باقي يومك او تجهزك ليومك المزدحم …

المسوؤليات الثانيه او الاشغال سوا متعلقه فيك او في غيرك هذي تصير بعد الروتين الصباحي حقك  مثل دراسه شغل عيال او بيتك ولها جدول وتنظيم خاص .. روتينك الصباحي والمسائي يكون لتهيئتك لليوم  او لراحتك بعد اشغال اليوم 

خامسا : اكييييد مو كل يوم تقدري تطبقيه .. فكوني مرنه واستمري قدر الامكان 

لازم تعرفي ان الحياه متخبطه ومفاجئة .. يعني تجي ايام نومنا يتلخبط … عندنا التزامات أكثر ..  مالنا نفس نسوي الروتين والخ من الاسباب .. ولكن رح تقدري تطبقيه أغلب الايام او أكثر من الايام الي ماتطبيقي فيها .. وايضا كوني مرنه لو ماسويته اليوم .. بكرا ان شالله ارجعي طبقيه .. او اوقات بتطبقي بعض من الروتين والأخر لا . هذا طبيعي .. اهم شي الاستمرار بالمحاوله !! الاستمرااار والمحاولة

اخيرا : بشاركم روتيني الصباحي اليومي  ..

بالنسبة لي حبيت اهتم بامور الصحه او المهمه لصحتي اول مااصحى او على الاقل جزء منها .. او الي تضيف لصحتي ويومي

فمثلا اول مااصحى ارتب الغرفه ترتيب سريع مره … اقراء قران واشرب مويه ومشروب الكركم وحبه سودا .. كمان احاول اقراء كتاب لو صفحه  و اسوي امور متعلقه بالبيت مثل غسيل ملابس  ولو في مجال رياضه  وبعدها اكل فطوري ..وهكذا 

هل دايم اسويه على هالترتيب او انجز كل هالامور  ؟؟ لاااا طبعاااا  كثير ايام واسابيع ماتجي على الترتيب الي ابغاه او انجز كل هالامور .. خاااصه التنظيف حق البيت والرياضه .. شي طبيعي لاننا بشر ولنا ظروف .. ولكن في امور نوعا ما اقدر اقول صارت روتين مثل ترتيب السريع والقراءن وشرب المويه والمشروب ولله الحمد ….

فهذي هي المجالات الي مهتمه فيها   وطبعا كل  وحده لها مجالات مختلفه او اكثر على حسب وضعها 

و لكن هالروتين جدا يخلي نفسيتي سعيده وابدي بداية هادية ليومي ولله الحمد

شاركتكم ملف جاهز بجدول روتيني الصباحي اذا حابين جدولي هذا او حابين تكتبي جدولك الخاص برضو فيه ملف جاهز بدون مهام مكتوبه  عشان تضيفيها بنفسك واتمنى تعجبكم 

morning routine (1)جدولي الخاص لروتيني الصباحي

Copy of morning routine جدولي الخاص (فقط بالمحاور) وجاهز للتعبية

Copy of morning routine (2) جدول الجاهز لك للتعبيئة للروتينك  الصباحي

بالنسبه لجدول التعبيئة اخر واحد  خلتها فاضي و(بالجهه العربيه ) مثل ماقلتلكم على حسب مجالات كل وحده  .. عشان تضيفون براحتكم وعلى  كيفكم

ولا تنسوا تشوفوا تتابعو المدونة لموضوع كيف تسوي روتينك المسائي

بالنهايه

اتمنى أستفدتوا من هالتدوينة .. وتفيدوا غيركم أكيد من خلال نشرها …  وتعابعوني بحساباتي الاجتماعية …

وانتوا ايش هوا روتينكم الصباحي ؟

عيشوا بحب وإيجابية

img_3789

ايش يعني أجندة وكيف أختار لي وحده ؟ \ how to chose and create my own planner

السلام عليكم ورحمة الله وبركاته 

بدأ مؤخرا الاهتمام بالاجندة بشكل كبير وهذي خطوه جميله جدا مع انها موجودة من زمان ولكن بشكل مختلف ولكن أهميتها نفس ماهيه من زمان وحتى الان والى المستقبل …

img_0147

ولكن الاجنده صارت  مشهوره بكونها  كتاب مخصص لازم نشتريه عشان نستفيد من فوائد الأجندة  وهذا أكبر غلط منتشر بيننا .. الموضوع كبير وواسع ومتنوع وبشاركم بشكل مختصر عنه وعن تجربتي وكيف تقدري تكوني لك أجنده خاصه فيكي او تشتري النوع الي يناسبك …

تجربتي بتكون بأذن الله بتدوينة منفصله … ولكن هالتدوينة لك  وكيف تقدري تسوي أجنده مناسبه لك ولحياتك

اولا : ايش معنى أجندة  وليش مهم؟ 

الاسم المتداول هو البلانر (المسمى الانجليزي ) .. باختصار هو مكان توثقي فيه مهامك ومسوولياتك واهدافك وكل المعلومات الي بمخك عشان تخففي الضغط عليكي وعلى عقلك .. يساعدك تتذكري الامور المهمه .. وتستمري تنفذي المهام الي عليكي وتحققي اهدافك قدر المستطاع لان كثير من الناس تنسى او تهمل مهام وواجبات بحياتها ولكن باستخدام هالاسلوب تكون اكثر ترتيبا وحرصا .. وانا منهم هههههه احتااااااااجه بحياتي

فنقدر نقول على دفتر عادي او حتى ملف فيه اوراق على  انه اجنده … او مذكره بالجوال على انه أجندة .. او دفتر فيه تخصيصات لكل مجالات الحياه على انه أجنده والخ .. المهم انه مساحه مرتبه فيها كل الي  تحتاجي تركزي عليه 

ثانيا : طيب ليش في دفاتر وملفات معينه اسمها اجنده لو حتى الدفتر العادي نقدر نقول عنه أجنده ؟؟ 

لان الكتب الي  يذكر فيها انها أجنده تكون  جاهزه بتقاسيم وتواريخ  وتفاصيل تسهل على المستخدم تعبيئة بياناته  وتكون مهتمه بالتصاميم الي تكون مريحه ومحفزة للشخص … فيميل كثير من الناس انهم يشتروا هالاجندات

وفي كثير اشكال وتصاميم وتفاصيل وأنظمة للاستخدام  لكل شركه من شركات الاجندات ..

 ولكن عشان  تختاري أفضل نظام لازم تعرفي ايش المناسب لك ؟؟

ثالثا : نظام ؟.؟؟ كيف يعني أسلوب مختلف للاجنده موجود لكل شركه ؟؟ 

في اسلوب مشترك بين كل شركات الاجندات ودفاترهم وهي في مساحه لتوثيق البيانات بشكل عام وبشكل أدق .. يعني في صفحه للسنه او  للشهر بشكل كامل وتعبي فيه بيانات ومعلوماتك وبعدها في مساحه لتعبيئة البيانات بشكل أسبوعي او يومي او لمجال معين سوا لرياضه او لعادات او للميزانيه والخ

بعدها يبدا الاختلافات .. في أجندات تضيف مساحه لكتابة مذكرات جانبية لكل يوم او للمشتريات خلال هالاسبوع او للرياضه او للاهداف الشخصيه الشهريه او للمواعيد او للارقام والاتصالات والخ

وايضا اختلاف بالمساحات المخصصه للكتابه في شركات تكون أجندتهم مخليه مساحه كبيره لكل يوم تكتبي فيها مهامك او مساحه صغيره او بالطول او بالعرض والخ …

رابعا : لا تغرك الابداعات من ناحيه التزيين الي يسوها الناس .. ركزي على المنتج بدون زينة 

في صور كثير للاجندات تكون بشكل مررررررررره يحمس  بسبب تصاميم الناس وتزيينهم للاجنده ويمكن هو الاساس الي يخليكي تختاري شركه معينه عشان تشتريها .. وبالاخير مايطلع زي ماتبغي .. فلما تشتري اجنده شوفي كيف الاجنده شكلها بشكل خام يعني الشكل الحقيقي بدون اضافات نفس مارح يجيكي .. لان التزيين هو اسلوب شخصي مو عام

وبعض الناس تفضل التزيين لانه يرتب أكثر ويحمسهم أكثر للانجاز او لانهم بصريين فيحتاجو امور تكون بارزة بالالوان او الملصقات وغيره .. والبعض مايحب هالشي او ماعنده الحس الابداعي بالتزيين

 خامسا : مو كل أجنده تحتوي على كل شي

في كثير من الاشخاص الي يحبوا يكون لكل شي أجنده خاص فيه … مثلا أجنده لنفسه وأجنده لشغله  واجنده لاهدافه الاخرى او هواياته .. عشان يكون منفصل واهدى على مخه  .. والبعض يحب كل شي بحياته  من شغله لين  شغل ومواعيد امور عياله لين هواياته  تكون بمكان واحد …..

هنا بعض الصور والافكار للاجندات واختلافاتهم بالتصاميم والانظمة   بشاركم لثلاث شركات مختلفه وفيهم تزيين العملاء – التزيين مو من نفس الاجنده للعلم –   واخر التدوينه صور لمنظمات واجنده من ناس عاديه مو شركات لااازم تشوفوه كمان

نجي لأهم سؤال كيف أعرف ايش الي يناسبني ؟؟؟ 

جربي بالبيت بدفتر عاااااااااااااادي … انتي حوليه لاجندة خاصه فيكي …

كيف ؟؟

سوي صفحه فيها جدول للشهر كامل ولكل يوم في مساحه للكتابه – عشان لو بتسجلي مواعيد او اي شي – .. وبعدها صفحه او صفحات مقسمه لكل يوم لحاله ولكل يوم مساحه عشان تكتبي مهامك الخاصه لهاليوم … وبعدين خصصي صفحات لامور مختلفه  لحياتك  لمتابعته وتحقيقه او لتسجيل معلومات لشي معين .. مثلا صفحه لمتابعه عادات معينه مثلا رياضه او قراءة كتب او صيام اومثلا صفحات لتسجيل معلومات حق الدورةالشهريه او تطعيمات او جلسات او مقاضي البيت   والخ

رح تعرفي ايش تحطي في هالدفتر او ايش تسجلي بالهدفتر اذا اولا  كتبتي بورقه خارجيه ايش حابه تركزي عليه بحياتك وماتهميه وتتذكريه وتتابعيه ؟؟

اذ كنتي جامعه اومدرسه  فبيكون عندك خانه تسجلي فيها الواجبات والتسليمات وغيره … او ام رح يكون فيه للبيت ومهامه وللعيال او اذا موظفة لشغلك وامور الخاصه والخ  او بالبيت قاعده لكي مسووليات بالبيت ولنفسك وغيره..  …. فحددي ايش حابه تتابعي وتنجزي عشان تقسمي هالدفتر مضبوط

لو ماعرفتي كيف  تسوي ؟؟ ابحثي بالنت عن طرق لاستخدام الاجنده.. كثير كثيير طرق .. لان بالنهايه هو اسلوب شخصي فكثير مساحات ومجالات يمكن ماتناسب انك توثقيها بحكم ميولك الشخصي واهدافك ولكن تناسب غيرك ..

لشهر او اكثر استمري على ترتيب لاجندتك الي وسويته .. وشوفي وضعك هل استخدمتي كل الخانات ؟؟ هل تصميم الاجنده نابك وحفزك ؟؟ هل في امور لانها بصفحه بعيده لحالها ماركزتي عليها فماناسبك هالحركه ؟؟ هل تحتاجي مساحه اكبر في مكان معين ؟؟ هل في امور مالمستيها فمو مهمه عندك ؟؟ والخ

 وكل شهر جربي حركه وترتيب مختلف  سوا شفتيه من أحد او انتي حاولي تفكري ترتبي على حسب اهميه كل مجال  عندك ..

زي ماذكرت سابقا في ناس ماتقدر تخلي دفتر فيه كل المعلومات  فتحب تخصص امور معينه فقط وتشيل امور معينه … فجربي عشان تعرفي الي يناسب ..  مثلا انا احب لكل شي جدول خاص فيه واجندتي تكون اكثر لمهام اليوميه وللمواعيد او انو اضيف الجداول او جزء منها  بالاجنده .وبشرح اكثر بتدوينة ثانيه ان شاءالله

وبالنسبه للشراء في ناس تحب  تستمر تكون هي الاجنده وترسمها بنفسها وتفصل على كيفها … وفي ناس لا يحبو يشتروا وهذا  تفضيل شخصي ..

هنا أمثله للاجندات  شخصيا مسوينها الناس بدفاتر عاديه

اتمنى شرحي سهل عليكم فهم الاجندة وكيف تستخدم  وكيف تكوني الاجنده الخاصه فيكي او تشتري الاجنده المناسبه لكي ..

بالنهايه 

لا تنسوا تشاركوا هالتدوينة بينكم وبين نفسكم .. وقريبا اشاركم اسلوب أجندتي واسلوبي وتجربتي الخاصه

وعيشوا بحب وإيجابية

img_3789

أسهل خبز زعتر بالبيت وصحي ونفس الي برا #مالي_نفس_أطبخ

السلام عليكم ورحمة الله وبركاته 

فقره سميتها #مالي_نفس_أطبخ لان لاحظت اغلب وصفاتي سريعه وسهله وماتحتاج كثير مقادير .. فعشان احمسكم سميتها بهالاسم

وصفة اليوم مرررررررررره لذيذه وبتذكركم بزعتر المدرسه او المخابز القديمه اللذيذه … وجدااا سهله وسريعه

مالها مقادير هي على حسب الكميه ورغبتكم  .. وتنفع فطور وعشاء وللصغار لذيذه  كمان لانها لينه  وخفيفه

خبز الزعـــــــــــــتر 

img_0141

المكونات : زعتر  – زيت زيتون – ملح وفلفل أسود  وبس 

الطريقه  : أخلطي كل هالمكونات سوا .. وافردي الخليط على توست … وبالحماصه حطي التوست او بالفرن او على صينيه بالنهار وحمصي التوست  خليه يكون مابين المقرمش والطري …

وبالعاااااااااااااااااافيه 

بالنهايه 

اتمنى عجبتكم وشاركوها مع الي مالهم نفس يطبخوا

عيشوا بحب وايجابية