قوة العقل الباطني (اللاوعي ) ؟ وكيف أستخدم عقلي الباطني ؟ ملخص كتاب قوة عقلك الباطني \ the power of your unconscious mind book review

السلام عليكم ورحمة الله وبركاته 

تدوينة اليوم عن كتاب كان معطيني انطباعين متضادين (مابين اعجاب واستنكار ) ولكن بالاخير النتيجه فجاه صارت اني فخوووووررررره كوني مسلمه ومؤمنه بكتاب الله وعجائب صنعه  .. لان مع القراءه للكتاب  صار يبين لي قد ايش ربي أمرنا ووجهنا لامور وتصرفات لصالحنا بالحياه قبل لا تكون للاجر والحسنات ودخول الجنه

الكتاب أسمه : قوة عقلك الباطني

المكان : مكتبة جرير

img_0476

هدف او محتوى الكتاب الاساسي ؟؟ 

يوضح ان اغلب المشاعر والتصرفات والعقبات مبنيه على اساس ايش مخزن عقلك الباطني وهذا الجزء صعب الواحد يتعرف عليه بسرعه .. لانه مومحسوس فقط واضح بنتايجه في حياتنا

فيعرفك عن الفرق بين عقلك الواعي وعقلك الباطني … وكيف تستخدمي عقلك الباطني عشان تغيري شخصيتك ومشاعرك والاهم تنجزي لمستقبلك واهدافك …. وتجارب كثيره لأشخاص من مختلف الظروف والاعمار ووضعهم قبل وبعد استخدامهم للعقل الباطني

اسلوب الكاتب ؟؟ 

مفصل ولكن مو ممل وهذا اللي عجبني مررره في الكتاب .. لان الموضوع واسع جدا ولكن الكاتب بسطه وفصله باسلوب سهل وواضح وبعيد عن العبارات العلميه والتخصصيصات بالمفردات .. فالكل رح يفهم عن العقل الباطني مهما كانت خليفتك وثقافتك

معتد كثير على ربط تصرفاتنا مع العقل الباطني بالعبادات والاوامر الربانيه  …. مع ان في لحظات حسيت ان امثلته كات بعيده عن  تقديرات الله  لحياتنا ورابط ان كل شي تبغيه بيصير بيصير بشكل شوي ازعجنبي ولكن مع تكملة الكتاب وضح الامور اكثر وربط بتقدرات الله لكل شخص وكيف يتعامل مع وضعه باستخدام عقله عشان يكمل حياته وهو راضي ويشوف منافذ مختلفه ايجابيه عشان ينجز اهدافه وطموحاته مع التوكل بالله

هل عجبني او لا ؟؟

مره حبيت زي ماذكرت سابقا انه زرع أكثر فيني حب لديني الاسلامي .. لان كل عمل او تصرف لازم نسويه عشان نستخدم عقلنا الباطني أصلن تم ذكره بالقران والاحاديث  (مع ان الكاتب ماهو مسلم !!!!!!) وهذا الي تعجبت منه أكثر .سبحان الله

حبيت كثرت الامثله عشان يعطي فكره اوضح كيف نستخدم العقل الباطني بمختلف المجالات والمواقف …

وان الاساليب المذكورة لاستخدام العقل الباطني  جدا سهله وخفيف وتحتاج فقط للراحه والاسترخاء والاستمراريه.. فمره متحمسه أني اجرب واشوف النتايج بحياتي

هل أنصح فيه ؟؟ 

طبعااااااااااااااااااا  لازم تقرونه

بالنهايه 

اتمنى هالتدوينة السريعه نالت اعجابكم .. واتمنى تشاركوا غيركم هالتدوينة عشان يستفيدوا

عيشوا بحب وإيجابية 

img_3789

مشروب الكركم لألام المفـــاصل تجربي ؟؟؟ turmeric drink for joints pain my experience ?

السلام عليكم ورحمة الله وبركاته

تدوينة اليوم تعتبر جداااا مهمه بالنسبة لي واتمنى انها تفيدكم زي مافادتني

واذا تتابعوني بالانستقرام  اشارك عن هالموضوع وكمان في تدوينة سابقه – كيف تكوني روتين صباحي خاص فيك – ذكرت عنه وانه مهم في كل صباح

شخصيا اعاني من التهاب في المفاصل او وجع بالمفاصل دايم يجيني بعد ما اقعد فتره بسيطه لافه المفاصل .. مثلا زي لما اتربع\ او احط رجل على رجل \ اواتمرن\ اصلي  \ اعطف يدي \ اوطي ظهري او احركه والخ

المشكله ان الوجع والالم يجي بعد فتره بسييييطه جداا لدرجه في اموربسيطه مااقدر اسويها … ولكن أكيد دايم نحمد الله دايما وابدا مهما كان لان كل ابتلاء أهون  من غيره ..

 هل شفتي دكاتره ؟؟ فحصتي ؟

اي فحصت  ( الركبه خاصه ) والاغلب  قال مافي مشكله  من ناحيه المفصل والعظم والتكوين .. فيمكن ضعف العضلات الي حول المفصل او التهاب  ..

فنصحوني اسوي رياضه تبني وتقوي العضله الي حول المفصل (الركبه ) ولكن مااستمريت اسويه للاسف لان كان يعورني … فمدري شكلو لازم برضو ارجع اسويها وانتبه من ناحيه تقوية العضلات

نجي لمشروب الكركم ؟؟  كيف تسوينه؟ ومتى تشربينه ؟  وكم استمريتي ؟ والنتيجة ؟

هو عباره انك تستخدمي الكركم وتحيطه  في مويه ( انا اسستخدم كركم بودره حق الطبخ ) وتشربيه … من ناحيه الكميه  اقيس بالنظر  يعني شوي مويه بالكاسه  بس عشان يساعد ابلع الكركم لانه بهار  وارش كميه تقريبا نفسس ملعقه صغييييره او تقريبا رشتين ثلاث ..

جربته سابقا بدون مايكون في استمرار بشكل يومي او بوقت معين .. ماشفت نتيجه فوقفت … بعدين رجعتله لان سمعت كثير عن فوائده للمفاصل  وفوايده للجسم بشكل عام تقدرو تقرو عنه رح يبهركم من كثر الفوائد ….

ولكن هالمره جربته مع فلفل أسود .. برضو ارش مع الكركم رشه بسيطه او اقل من كميه الكركم .. واشربهم  — هالمعلومه قريتها او قالتها اخصائيه تغذيه ( شيماء ) تكلمت عنها بحسابي بالانستقرام وجدا اثق فيها

اشرب هالوصفه على الريق  …  وللمعلومية انا شخصيا اخذ حبه سوداء اصلن بشكل يومي…  فاخذه مع الوصفه (الكركم والفلفل الاسود) بنفس الوقت

المدة استمريت شهر كامل ولله الحمد كل يوم على الريق

النتيجة ؟؟؟ 

بنهايه ثالث اسبوع او بدايه رابع اسبوع – نهايه الشهر – لاحظت ان الوجع او الالتهاب بدا يجي بعد فتره اطوووول عن الوقت المعتاد يعني مثلا دحين اقدر اتربع واكل وجبتي ومايجي الوجع الا بعد نهايه الوجبه.. سابقا كنت يمكن مااكمل نص الوجبه او بالبدايه يبدا يجي الالم ولازم امد رجلي … او دحين صار اقدر ارتب المكان واوطي ظهري وارفعه بشكل اكثر ومتكرر وبعدين  لين مايجي الوجع .. مررررررررررررررره  مرررررررررررره انبسسسسطت بشكل مو طبيعي- اللهم لك الحمد اللهم لك الحمد –  مع ان لسا في الوجع ماراح  ولكن الوقت صار ابعد وصار اطول لين مايجي  ويعتبر تحسن بالنسبه لي مرررره جميل الحمد الله

هل رح تستمري عليه دايماااا ؟؟ 

صحيا  المفروض ولا شي استمر عليه على طوول لازم اعطي فتره لجسمي يرتاح من التراكمات … فاتوقع اني رح اخف او اقطع استخدامه لفتره بيسيطه بعدين ارجع استمر لفتره   وهكذا ..

بالنهـــاية 

اتمنى فادتكم هالتدوينة .. وفادتكم تجربتي .. واذا تعرفوا احد بيحتاج هالمعلومه لا تبخلو عليه وانشروه لهم

عيشوا بحب وايجابية 

img_3789