كيف أستغل الاجازة مابين الترمين how to take advantage of school break between semesters

السلام عليكم ورحمة الله وبركاته

كيفكم وكيف الاختبارات ؟؟ خلصت ولا لسا ؟ الي خلصو الحمدالله على السلامه وان شاء الله تشوفو نتايج تبسطكم والي خبصوا ان شاءلله عندكم فرصه جديده الترم الجاي تتعلموا من اغلاطكم وتصحلوها … الي ماخلصوا الله يسهلكم يارب

نجي لموضوع المدونة اليوم وهو كيف تستغلوا الاجازة القصيره مابين الترمين بشي مفيد ؟ الي اعرفوا انها تقريبا أسبوع وشي .. اذا زودوا او نقصوا مدري المهم انو في راحه بالنص ولله الحمد

عااااااااااااااااااارفه انو الي بيقراء بعضكم بيقول مافيني شده أسوي حاجه أبغا أنبسط وانام واعيش حياتي وأروق …. وهذا طبعا طبيعي وعادي وتتهنوا يارب بصحه وعافيه وأمن … وفي ناس تقول بانبسط وأروق بشي اتعلموا او يشغلني بس يفيدني بنفس الوقت .. طبعا مو كل شي مفيد ممل وهذا الي بنتكلم فيه اليوم عن امور تحبونها او تبغوا تجربوها

كيف أستغل الاجازة لصالحي ؟؟؟

اولا : أبدي سوي شي تحبيه او هوايه تحبيها او نفسك تجربيها

ثانيا : أبدي تكملي شي قد بديتي فيه من زمان وسحبتي عليه واهملتيه

ثالثا : طوري نفسك بشي يشغل وقتك ويفيدك -سوا يفد من ناحيه دراسه وشغل او يفيدك بشي تحبيه – مثلا لغة أجنبيه مو لازم بس انجليزي

رابعا : تابعي ناس ملهمه بمجالات مختلفه .. مو لازم بس ناس بالتجاره او بالفلوس او الايجابيين مثلا في ملهمين يقدروا يحمسوكم بامور كثيره مع ان مجالاتهم مختلفه ولكن لهم أثر عليك — اهم شي مايمشوا بالغلط هههه لازم ننبهكم – يعني ناس زيي أنا مثلا هههههههههه

..خامسا : اقري كتاب جديد ….. وبالمدونة شاركتكم ملخصات لكتب كثيره ملهمة

سادسا : اشوف هالنقطه مره مهمه وهي لو مالك خلق تسوي ولااااااااااااشي اهم شي أقضي وقت والوقت يكون بوعي وبحضور قلبك وعقلك مع اهلك او احبابك أو أصحابك او حتى لو ماعند احد أقضي وقت مع العالم والحياه وانتي برا طالعي الناس والحياه كيف ماشيه .. تفكروا تفكروا تفكروا بخلق الله سبحانه من اشخاص او كيف الحياه تمشي .. كيف الناس تشتغل وتتعب او الجمال الي حولك حتى لو ماكان أخضر وفخم على الاقل السماء الهواء .. جد رح يفرق معاكم هالشي عيشوا اللحظة مع الي حولكم

سابعا : سيبووووووووووووووووووا الجووووووااااااال… حاولوا لو تمسكوا بأوقات معينه على الاقل او أفضل شي احذفوا البرامج الاجتماعيه وعيشوا حياتكم بس أسبوع بتشوفوا قد أيش بتنجزوا وتتعرفوا على نفسكم اكثر

وبس هذي نصايح بسيطه لكم إن شاء الله تفيدكم وتحمسكم .. أنتوا ايش بتسوا هالاجازة ؟؟

بالنهايه

لاتنسوا تتابعوني بالمدونة وبحسابي بالانستقرام –هنا– وتشاركوا هالمدونة مع غيركم عشان يستفيدوا كمان

عيشوا بحب وإيجابية

كيف أشرب موية اكثر بالشتاء بطريقتي البسيطه ؟ وليه خففت الشرب بالشتاء عمدا!!how to drink more water in winter ? my simple method

السلام عليكم ورحمة الله وبركاته

كيفكم وكيف الاختبارات … الي لسا يختبروا لكم مواضيع موجوده بتساعدكم مرررره بالمدونة

كيف تعرفي أسئلة الاختبار بثلاث طرق بس

كيف تذاكر وتتجهزي لاختبارك

كيف تذاكري بالوقت الضيق للاختبار ؟

ونرجع لموضوع المدونة … شررررررررررررررررررررررب المووووووووووووياااااااا .. هالموضوع بالشتاء مره يخف وينعدم ويسبب مشاكل لكثير بنات لبشراتهم ولجسمهم … وطبعا انا مو مثاليه واخفف من شرب الموية وبالنسبه لموضعي لااااااااااااااااازم اخفف ولا مشكله بتصير وبشرحلكم هيا .. ولكن برضو حصلت حل يخليني ما انسى اشرب مويه خلال اليوم واشربها بشكل متكرر ولكن اكيد الكميه اقل من فتره الصيف والربيع ولكن أفضل بكثير من الي كان يصير بالشتوااات الي راحت — شتوات ؟؟؟ احد يصححها ههههههههههه

ايش مشكلتي مع الموية بالشتاء ؟؟؟

نكون صريحيين ولان اتوقع مو انا لحالي بهالمشكله بس انا لحالي بهالمشكله بين اهلي واقاربي !! فلازم احد منكم زيي او كذبوا علي عشان احسن اني مو وحييده ههههه

باختصار أدخل الحمام كثير هههههههههههههههههههه فبالشتاء الوضع الدبل .. تقريبا عايشه بالحمام !! فلازم اختار يا اعيش يا انام بالحمام !! فاخترت اعيش واشوف الحياه ههههه واخفف شرب المويه خلال اليوم

وترا مو معناته الي يشرب مويه كثير بيصرله زي وضعي .. يمكن بالبدايه اي بعدين لا يتعود الجسم .. ولكن انا طبيعة جسمي كذا .. ومن زمان اشرب مويه كثير وماتغير الوضع …

والي ماشاء الله تبارك الله مايعانوا من هالشي او من قلة شربهم الكثيره للموية .. بس يبغوا يشربوا كثير موية خلال اليوم في تدوينة سابقة عن شرب الموية باكثر من طريقه للي يبغا يشرب كمية كبيره.. روحوا اقروها وسيبونا لحالنا هنا مع فضايحنا ههههه

خمسة طرق بسيطة لشرب الموية أكثر خلال اليوم

بعد مافضحت نفسي نجي كيف ما أقطع الموية خلال الشتاء بس بروضو اشربها بأستمرار ؟؟

صرت أحدد فترات لشرب الموية بكل بساطة !!

صرت فقط خلال الوجبات اشرب كميه محترمه يعني كاسه كبيره كامله مرتين او مره بكل وجبه تقريبا وخلاص … وباقي اليوم شوي تقريبا نص كاسه أول ما اصحى وقبل ماانام وبعد الترويش

جربت هالوضع لفتره وارتحت يعني الوضع أفضل شوي من قبل

هالحركه تنفع للي كمان مايحبو يشربوا موية ويبغوا يزيدوا استهلاكم للموية خلال الشتاء .. فاذا تعرفوا ناس زي كذا خلوهم يقروا هالطريقه بس الكلام الي فوق كان بيني وبين المتابعين حقي بس هههههههههههههههههههههههههههههههههههه

واخيرا لا تنسوا تتابعوا انستقرامي باخر المدونة او رابط الحساب هنا .. أشارك مواضيع أكثر عن تجاربي ويومياتي الصحية

بالنهاية

اتمنى تعجبكم هالتدوينة .. وشاركوني كيف تسوا انتوا خلال الشتاء مع شربكم للموية ؟؟

وعيشوا بحب وإيجابية

ست خطوات تساعدك تدرسي بالوقت الضيق لاختباراتك

السلام عليكم ورحمة الله وبركاته 

اتمنى للجميع التوفيق والتيسير في اختباراتهم سوا بالمدارس ولا الجامعات او الاختبارات الاضافيه خارج نطاق التدريس .. طبعا هالفتره من اكثر الاوقات توتر وضغط وحوسة لكل طالبه وطالب .. ولكن بإذن الله بتعدي  وهالتدوينة لكم عشان تساعدكم لمذاكرتكم خاصه بالاوقات الضيقه مثلا يكون بس في يوم واحد للدراسه للاختبار الجاي وهكذا .. 

الطرق والنصايح من تجارب شخصية طبقتها انا وبرضو تجارب الناس الي حولي  . يلا نبدا 

اولا : اعتمدوا تصحوا بدددددددددددددري لانه بركه بركه بركه 

كيف يعني الصبح بركة ؟ سبحان الله هالوقت بالذات يكون فيه هدوء ويكون طويل  معرف كيف .. يعني كل مابديت اذاكر الصبح انجز اكثر من ناحيه كمية المذاكره والاهم ان هالوقت  تدخل المعلومة بمخي افضل من اي وقت .. مع ان الان وقت شتاء فالليل أطول .. ولكن وقت الليل أسرع فتعودوا انكم تبدوا من الصبح 

ثانيا : لااااااااااااازم تأخذون راحة كل شوي ولو لدقايق 

لان المخ كل مااخذ راحه بدا يرتب المعلومات الي أستقبلها ويرتبها ويحفظها بشكل أفض .. مثل لما ننام بدري ونشبع سبحان الله يكون وقت النوم راحه وبرضو تجديد الجسم لنفسه وأجهزته بشكل أفضل … فخذوا ِبين مثلا كل فصل وفصل راحه .. او بين كل كم درس … 

الراحه تقدر تكون وقت اكل الوجبات الريسية .. مثلا تأخذي قيلولة .. تجلسي مع الي حولك .. تتفرجي برنامج وهكذا شي يكون خارج نطاق الدراسة بشكل كبير .. ولكن لا تخلوه طويل عشان وقتكم 

وطبعا لا تنسوا تحاولوا تناموا بدري او على الاقل تناموا كم ساعه بالليل عشان تجددوا نشاطكم ومخكم يحفظ الي درستوه 

ثالثا : ابدوا بالأصعب اولا 

هل النقطة بالنسبه لي صعبة اطبقها دايما لاني من النوع الي احب ابدا من الاول لين الاخير مااحب اللخبطه ولكن بوقت ضيق تحتاجوا تسوا هالشي  عشان لما تبدوا فيه يكون مخكم وطاقتكم ببدايتها فستستوعبوا المعلومات أفضل والاهم يأخذ من ساعاتكم الاولى بدل ما تتوهقوا باخر يومكم ومافيكم طاقه تستوعبوا شي وتندموا 

رابعا : المراجعة خلوها اكثر شي من المسائل والأسئله الي ركزت عليها المدرسة او المدرس 

في كل درس او فصل في أوراق او مسائل او نقاط ركزت عليها المدرسه او المدرس هذي الامور هي الي تراجعونا كم مره وقت المراجعة – طبعا مو قصدي ماتذاكروها الا وقت المراجعة !!  قصدي تركزوا عليها من جديد بشكل كبير وقت المراجعة – لان هالامور هي الي تبغاكم المدرسة تنتبهولها 

وللجامعيات تقريبا هالطريقه اغلب الدكاتره يسونها وهي اخر الدروس والفصول من اي ماده تكون اكثر مايجي منها وقت الاختبار ..لان يكون هالجزئيه ماسولها اختبارات قصيره او أختبارات نصفية فيركزوا يحطوا منها كثير بالنهائي 

نقطة إضافية … شاركتكم بتدوينة سابقه : ثلاث خطوات تساعدك  كيف تعرفي وتتوقعي أسئلة الأختبارات .. بتساعدكم كثير فلا تنسوا تقروها بعد هالتدوينة 

خامسا: لااااااااااااازم تتوكلي وتوكلي ربك 

اول ماتبدي مذاكرة ادعي ربك وأستودعي نفسك ومذاكرتك له . وبعد كل درس او فصل خلصتيه برضو أدعي ربك واستودعيه كل ماحفظتي … سبحان الله كثير مواقف تمر بالاختبارات عن بنات وقت الدعاء تذكروا المعلومة او لانهم مامداهم يذاكروا كويس لظروف مروا فيها يدعوا ربهم   ويفرجها لهم سبحان الله .. فأعملي بالاسباب من ناحية الاجتهاد وتوكلي على ربك بأن يسهل امرك 

سادسا : وقت الاختبار أصحي أبكر على وقت الفجر 

سبحان الله وقت الفجر فيه سكون فضييييع وبرضو يعطيكي وقت للمراجعة لفتره أطول مع المراجعة الي تكون بالطريق او الي بالمدرسة والجامعة . لا تستهينوا بهالوقت ترا مجربة كثير 

نقطة إضافيه .. للي عنهم وقت أطول للمذاكرة .. راجعوا التدوينة  وموضوع – كيف تذاكري بشكل فعال للاختبارات بست خطوات فقط – بعد  ماتخلصوا هالتدوينة 

بالنهاية 

هذي طبعا بعض من النصايح الي ساعدتني كثير وقت الاختبارات واتمنى انها تساعدكم وتحمسكم .  شاركونا تجاربكم ونصايحكم  لفتره الاختبارات بالتعليقات 

عيشوا بحب وإيجابية 

ملخص كتاب الرقص مع الحياة

السلام عليكم ورحمة الله وبركاته 

كتاب اليوم ماشاء الله يعتبر من الكتب الي اخذت أنتشار وصيت عالي جدا  … بالبدايه ماكنت متحمسة أقراءه لان شخصيا أقراء الكتب الي لها جواب لسؤالي او لغرض معين احتاجه .. ولكن بسبب كثرت المدح لهالكتاب وأسلوبه قررت اقراء الكتاب ولكن ماشريتوا الحمد الله حصلتو عند اختي ههههه

أسم الكتاب : الرقص مع الحياة                أسم الكاتب : مهدي الموسوي    السعر والمكان : مكتبة جرير ب27ريال 

فكرة ومحتوى الكتاب ؟ 

المحتوى  عباره عن قواعد متنوعة ومختلفه من ناحية كيف تقدري تعيشي الحياه باكبر قدر ممكن وانتي مبسوطه و مرتاحه والاهم كيف تستغليها لصالحك وأكيد كيف تتعاملي مع الناس  … القواعد 56 قاعدة   ..  فالكتاب حجمة متوسط ماهو كبير مرره ولا صغير .. 

كيف أسلوب الكاتب  ؟ 

الجميل فيه ان كل قاعده لها ثلاث او اربع صفحات .. والكاتب معتمد على شرح كل قاعده بشكل خفيف وذكر أمثله وتطبيقات لهالقاعده .. فمو بس توصيات كمان كيف تطبيقها وايش الفائده الي بترجعلك منها 

والحلو ان مخلي بين كل مجموعة جمل فراغ ومعطي وسع في الصفحه عشان ماتحسي انو كولو كلام ورا بعض .  وكمان في صفحات فيها عباره او كم جمله بس

أيش رائي بالكتاب ؟ 

جدا جميل وحبيت القواعد ولما تقري بتركيز .. تراجعي حساباتك فالحياه .. وهذا الي انبسط منو لما الكاتب بأسلوبه يخليكي تتمعني بحياتك وأسلوبك عشان تعدلي .. فبارك الله فيه والي ساعدوه بهالكتاب  

برضو جميل بالكتاب أسلوب طرحه للقاعدات .. تكون أوقات عباره عن شعر او كلام مع نفسه  أو تفكر باللحظة  ولما تقري كانك تكلمي نفسك .. فكثير يعطيك مساحه انك تنتبهي لتصرفاتك وحياتك زي ماقلت … والكلمات والمفردات خفيفه ماهي معقده ولا حتى القواعد  صعبه تطبيقها وهذا الحلو .. بالعكس كلها قواعد للاسف نسيناها وهي بشكل كبير موجوده بالقران والسنه  وربنا امرنا فيها  .. وأكيد زاد فيني حبي لديني كثيير  وعطاني فخر  أكبر ان هذا موجود عندنا … فيستحق الكتاب انك تقريه وتعطيه من وقتك كل يوم 

في فقط شي واحد تمنيت يكون فيه وهو أن يستشهد بقصص عربيه اكثر .. لان أغلب او كميه كبيره من القصص والاستشهادات تكون لأجانب وقصص عامه .. مع اني مااعرف كثير عن المحتوى العربي بشكل يخليني اقول هالنقد ولكن من معرفه سطحيه في قصص كثير تأكد كلامه سوا كانت من قصص الانبياء والصحابه او من المحتوى العربي 

ولكن هذا ماياخذ من الكاتب والكتاب جودته  ونجاحه وقدرته على انه من جد يضيف لحياتك .. 

بالنهاية 

أتمنى عجبكم هالملخص السريع للكتاب .. وحمسكم اكيد تشتروه

عيشوا بحب وإيجابية 

الإستحمام لمدة أسبوع بموية باردة ! تجربتي i tried showering with cold water for a week !

السلام عليكم ورحمة الله وبركاتة 

توضيح قبل لا أبدا الكلام عن هالتجربة .. سويت هالتجربة مع تجربة الصحيان الساعه سته كل يوم  .. سويت كولو سوا دام الموضوع تحدي ههههه اخلصوا مع بعض

فكرة التحدي  جات من وين ؟ 

اولا اعرف وحده قريبه مني تتروش بموية بارده واللهم بارك بشرتها مشدوده مع أنها مو نحيفه .. ثانيا شفت كم فيديو أجنبي عن أشخاص يجربوا هالشي .. فتحمست اجربوا مو بس اخذ رشه قبل لا أخلص الترويش  ههههه العكس ترويش كامل بمويه بارده 

كيف الاسبوع كان ؟؟ وكيف سويتيه ؟ 

زي ماذكرت بالبدايه اني جربتو مع فتره تجربتي تحدي النوم .. فكنت استحم الصبح بالبداية شلت هم لان صبح وبرد ومويه بارده كمان   مصيييبه ههههه 

الي صرت أسويه اول مااشغل المويه اخلي حرارتها معتدله مو دافيه شوي مايله للبروده بس دافيه – فهمتوا ؟؟ ههههههه شرحي مره واو صراحه بس أكيد فهمتوا ههههه  … المهم بعدها على طول اخليها بارده وابدا اتروش عادي 

وهكذا كان الوضع خلال الاسبوع كامل .

النتيجة ؟ هل في فرق مابين الموية البارده والحاره ؟؟ 

الشي الي انصدمت منو … اني بعد الترويش ماأحس ببروده … توقعت ان بعد ما اطلع من الحمام بكون ثلج لان الجو بارد وانا بارده وكذا … بس العكس تماما 

طبعا اكييييييد النشاط والصحصحه  لاحظتها … ويكون باقي اليوم في نشاط   وحبيت هالشي مره 

وبما اني أسوي رياضه .. طبعا اوقات كثيره يكون في شد عضلي .. هالاسبوع احس بالشد ولكن مايكون وجع او شد مره قوي زي اول … وقريت ان المويه البارده كويسه للي يسون رياضه للشد العضلي .. فحسيت بصحة هالكلام ومره انبسطت بهالفائده لان اول كنت اتعب من الشد العضلي ويطول لايام .. هالاسبوع كان اخف ويروح اسرع 

من ناحية البشرة .. شوي حسيت بنظاره والبشره أصفى .. ولكن مو بشكل كبير ولكن في أثر أكيد 

بتكملي وتخلي الموضوع عادة ؟ ولا بتوقفي ؟؟

الى الان مستمرة عليه ومبسوطة … فاتوقع بنسبة كبيرة بستمر ولكن نشوف لما يبرد الجو اكثر كيف الوضع بيصير 

بالنهاية 

أتمنى أستفدتوا وتحمستوا تجربوا هالتحدي … وأكيد شاركوه مع غيركم 

عيشوا بحب وايجابية 

جربت أصحى كل يوم سته الصبح لمدة أسبوع والنتيجة…؟ i tried waking up everyday at 6 am for a week

السلام عليكم ورحمة الله وبركاته

كيفكم ؟ اتمنى لكم يوم سعيد وكله أمن وخير وحب بأذن الله … تدوينة اليوم تحدي او قرار تمنيت اسويه من  بدايه السنه ولكن مافي شي اسمه متأخر ولله الحمد دام ربنا رزقنا يوم جديد  وسويته الحين..

التحدي هو أصحى كل يوم من سته الصبح – بدون قيلوله قدر المستطاع  

الهدف من هالتحدي ؟؟وليش أخترته ؟

اولا لان  من وقت الفجر هو الوقت الي مفروض نصحى وبعد صلاه العشا الوقت الي مفروض ننام لان الفجر وقت بدايه الصبح وربنا ذكر بركه هالوقت ووقت الليل وفوائدهم  للجسم وليوم الشخص ومؤمنه بهالشي وتمنيت أتمثل فيه وأطبقه 

ودايم يعجبني لما أشوف الاشخاص الكبار خاصه جدي الله يحميه لي يارب .. يبدايومه من الفجر وينهيه عالساعه عشره بالليل  او اوقات أبكر -وياخذ قيلولات خلال اليوم اكيد 

وطبعا دايم احب اقراء واتفرج عن الناجحين وروتينهم اليومي وكثير منهم أساس أنجازهم يكون لانهم يصحوا بدري وينجزوا أكثر خلال اليوم …. فتحمست أني اجرب هالشي خلال هالسنه والحمد الله بديت هالتحدي الاسبوع الي راح 

كيف كان التغيير المفاجئي لنومي وتأثره علي ؟ 

بديت التحدي فجاه ! يعني ما رتبت يومي قبل بايام ولا شي ..  قبل لا انام – وكان متاخر الوقت – حطيت المنبه على سته ونمت  واستودعت الله نفسي ومخي على بكرا هههههه وقمت الحمدالله 

كيف أيامي كانت خلال هالاسبوع بإختصار ؟

اول يوم  ::::كان بالبداية حماس لاني متحمسه للفكره بس طبعا على الظهر بدا الكسسسسسل والخموووول والتتنيح .. وقررت انو مايكون فيه قيلوله قدر الامكان  والحمدالله قعدت الهي نفسي وامسك جوالي كثير عشان ماانام

من ناحيه شغلي ومسوولياتي كثيررر انجزت او خلصت الامور الي ابغاها قبل لا يجي الظهر ومره كنت مبسوطه من هالشي واكيد يرجع لكون الصبح بركة  من ربي والاهم تساهيل رب العالمين 

ثاني يوم وثالث يوم ::: كمان ولله الحمد قدرت اصحى سته وشوي  قبل سبعه يعني … وبرضو أنجزت أمور أغلبها ولكن اتوقع ثالث يوم اذا مو غلطانه الي فجاه نمت ههههه بعد ماكنت مسدوحه ونمتها ثلاث ساعات ههههههه ماامزح لما يجي الموضوع للنوم هههههه 

رابع يوم :: كان الصحيان متأخر شوي  على سبعه وشي لان تأخرت بالنوم عشان الثلاث ساعات ههههه … والحمدالله مافي قيلوله وكان افضل بكثير من ناحيه التعب الي يجي خلال اليوم و الخمول كان أخف

خامس يوم  :: هو الي قمت فيه متأخر مررره  تقريبا عشره او احدعشر .. لان كان نهاية أسبوع والليله الي قبلها كانت سهره طويله مع الاهل والاقارب …. بس برضو أنبسطت انو صحيت خلال فتره الصبح – لازم نشوف الجانب الايجابي للامور  

سادس وسابع يوم والى الان ::: أقوم تقريبا على قبل التسعه او حول التسعه وشي …. برضو بسبب أن أنام متاخر للاسف – المقصد ان الوقت الي أنام فيه مايخليني أشبع نوم عشان أصحى مضبوط على الساعه سته ….  ولكن أرجع أقول أفضل من لا شي … ولله الحمد الخمول خف كثيررر الي يجي خلال اليوم .. واموري ومسوولياتي أنجزها أغلبها خلال الصبح والظهر … ربي لك الحمد 

أيش أستفدت من هالتجربة ؟؟ 

أولا : زي ماذكرت أن أمور كثيره أقدر اسويها خلال اليوم وباقي اليوم يكون لاي شي ثاني او يكون فاضي … وهذا شي أشوفه مررره يفيد الي عنده مسوؤليات كثيره او يبغا ينجز هواياته بوعي أكبر وبركة 

ثانيا : نفسيتي وجسمي لاحظتهم أفضل  بكثيررر مثلا من ناحية النشاط  والحيويه وحتى الجوع ولخبطت الاكل صايره أخف كثيير سبحان الله  .. ودايم اتحمس لثاني يوم عشان أنجز الي أبغاه وكمان مااحس بضغط لان اليوم طويل ويمدي أسوي امور كثيره 

ثالثا : صار أرق النوم أخف كثييييير وصرت  الاحظ ان فتره النوم أعمق يعني أول كنت انام لساعات كثييره بس لما أصحى ماأحس اني شبعت .. الان العكس   .. سبحان الله ربي ذكر بركه نومة الليل بالقران وفعلا حسيت فيه لان لي فتره طويله ونومي ملخبط مرررررررره …

فبنات ثقوا في كلامي لكل وحده يجيها أرق او ماتشبع نوم  خلي اغلب ساعات نومك بالليل مو تبدي النوم بالليل بس كم ساعه جا الفجر سبحان الله لو تنامي لين العصر  مابتشبعي – وفي دلائل علميه على موضوع النوم ونور وظلمة  الليل ونور الصبح  سبحان الله 

رابعا : مو شرط أصحى سته لو مايمديني اهم شي خلال وقت الصبح أكون صاحيه  .. واتمنى بعد فتره أصحى دايم وقت الفجر لان هالوقت فيه هرمونات النشاط تكون فعاله عشان كذا من وقت الفجر  الي هو الصبح لما تتوضى له فجاه تحس بنشاط أكثر من طول الليل  سبحانك ربي .. فاتمنى هالشي وأن شالله احققه

بعد هالاسبوع أيش بيتسوي ؟؟

اكتبلكم هالتدوينة وانا خلال الاسبوع الثاني ولسا مستمرة  وبإذن الله بستمر  مع ان أكيد بتجي أيام سهر ولخبطه ولكن أتمنى ماتكون زي أول .. تكون لخبطه لايام وفترات متباعده والعاده يكون الصحيان الصبح … جدا الشعور والانجار والرضا –  جميل جدا …

بالنهاية 

اتمنى هالتدوينة فادتكم وتتحمسوا تجربوها … شاركوها مع غيركم عشان يستفيدوا هم كمان 

عيشوا بحب وإيجابية 

أسهل ترتيب للمكياج – بنظام البساطه المينيمليزم -minimalism makeup organization – my way

   السلام عليكم ورحمة الله وبركاته

تدوينة اليوم تكملة لسلسله تدوينة البساطه او المنيمليزم … وتكلمت عن هالنظام بتدوينة سابقه   – نظام البساطة او المينيمليزم – والان بتكلم عن اول تجربة لي بهالنظام  عن طريق ترتيب مكياجي

ولكن لازم اوضح اني مو من مهوسييين المكياج !! فما اشتري كثير او كل شوي الا اذا احتاج  … فالصور بعد ماجردت بعض الي مااحتاجو   وفي بعض الاغراض الناقصه – وفي اغراض ماابغاها بس بعطيها لاحد .. وقلت دا الشي قبل طريقتي (بالترتيب )  لان ماتناسب الي مررره عندهم  مكياج كثير ولكن تقدرو تطبقو نظام البساطه ولكن بشكل وادوات ثانيه تناسب احتياجكم

ايش يعني البساطه بالمكياج ؟ 

باختصار ان يكون عندك فقط الي تحتاجينو  وتستخدميه حاليا ! اي زياده تتخلصي منها او تعطيها لاحد ثاني .. وترتيبك للمكياج يكون بانظف شكل ممكن يعني الترتيب يكون مريح للعين واضح وسهل .

بعد ماوضحنا نجي لكيف  رتبت مكياجي  وطريقتي المانيمليزم الي معتمدتها

اولا :  لازم الجرد.. رميت الي خرب او ماناسبني  … او عطيتو لاحد يبغاه

ثانيا : زي ماقريتو من التدوينة السابقه – نظام البساطة او المينيمليزملازم لكل شي مكان ومساحه مخصصه له .. فبعد الجرد بتعرفي كم مكان  او تقسيم تحتاجي لمكياجك يعني تبغي في مكان مخصص للارواج او كريمات الاساس والوجه والخ  ..

ثالثا : ابحثي عن طريقة الترتيب الخاص فيك … انا حصلت هالعلبه في ايكيا .. وجدا ناسبتي لان في مكان لكل شي استخدمه  …. فلو عندك كميات كبيره اواغراض مختلفه كثيره  يمكن يناسبك صناديق او تقاسيم مختلفه . في ناس تستخدم صناديق الجزم والهدايا او الفواصل بدال سلل او حتى اكواب وغيره .. اخر التدوينة فيها صور للالهام لترتيبات مختلفه للمكياج

رابعا : اسألي نفسك  هل ناسبك او لا  كل فتره؟؟  واقصد اسلوب الترتيب  ونظام البساطه .لان يمكن تتغير اغراضك او المكان الي تحطي فيه مكياجك.. فيمكن الصندوق او اسلوب الي اعتمدتيه مايناسبك بعدين . عشان تستمري عليه او تغيري

او مثلا اذا انتي من النوع الي تحبي تشتري كثير مكياج  ونظام البساطه يعتمد على الاحتياج فقط .. فيمكن مايناسبك  النظام كله

 ملاحـــظـــــة : فرش المكياج حاطتها بعلبه من احد العلب المخصص لترتيب اغراض الشعر  (اذا تبغوا تعرفوا كيف ارتب غراض شعري اكتبولي بالتعليقات ) وعلب ظل العيون اخليهم برا جنب علبه المكياج بالدرج يعني  مو داخل العلبه لان مايكفي ههههه وحجمهم اكبر

بالنسبة لي النتيجة كانت  :

بعد ماجربت العلبه والجرد المستمر ونظام البساطة لقرابة سنه !.. جدا ريحني لاني مو من النوع الي يحب كل شوي ينظف ويرتب فريحني  وقت المكياج اني ارجع بسرعه كل شي او وقت ماابغا ارتب بسرررعه ماياخذ وقت  وكمان ناسبني نظام البساطه لان يساعدني اخفف الاغراض الي حولي لاني من النوع الي مايشتري كثير بس يخزن اشيا كثييره تكون من زمان .. فالجرد المستمر سهل مشكله التخزين

ومره متحمسه اجرب نظام المنيمليزم او البساطه  بمجالات ثانيه بحياتي

الان استمتعوا بالصور لمختلف الترتيبات للمكياج للالهام

2a52c4d0a2d483ebef015e8f1f4a60bd3ee0de3a644a6142a9f992c940c432a596e6484ef7d51d9260d638d741e44183

327bb86471c67b82b27073ab5a8b7d963128e9f0d5a5dde0faaf7bcd6c58768b70607af1d5c394539068bb8e0af1b1244264035b6d54adb419f8a983209473b542720112f1610c45ef3bdc107d7c9471be841d605b382122d8346e7956a56dfd

نتايج تحدي ديسمبر December challenge results

السلام عليكم ورحمة الله وبركاته

كيفكم ؟ ان شالله تكون يارب إجازة خير وامن وعافيه للجميع .. وأن شالله يكون الترم الثاني لطالبات والطلاب فصل خير ونجاح يارب … اذا ماتعرفوا ايش تسوا بالاجازة ترا شاركتكم بعض الافكار والمقترحات – هنا  كيف أستغل الاجازة مابين الترمين – شوفوا التدوينة عشان تلهمكم إن شاء الله

نجي لموضوع المدونة اليوم وهو نتــــــــــــــــــــــــــــــايج تحدي ديسمبر .. الي مايعرف ايش هالتحدي ….أولا ليش مو متابعني بالانستقرام ؟؟؟؟؟؟؟ هااا؟؟؟؟ ههههه  يلا اشوفكم هناك كمان هههه  حسابي بالانستقرام –هنا– 

1516056514113قبل لا ابدا هالمدونة حاطه هالموضوع بتاريخ بداية شهر ديسمبر لان هالتدوينة بديت اكتب واسجل فيها كنوت مع بداية التحدي .. فسجلتها بتاريخ  الاول مو تاريخ النشر ***

في الانستقرام شاركتلكم هالتحدي البسيط .. وهو بإختصار ألتزم أكثر بأكل صحي  واتحكم بشكل أكبر بكمية الاكل  ورياضه بشكل يومي ..وكمان نستفيد ان هالشهر يكون في نقله بالشخصيه بشكل إيجابي

أكل صحي ؟؟ كيف يعني يا هبه ؟ .. بدون أي تعقيدات هو بس يكون قدر الامكان خالي من السكر الابيض و المقالي والوجبات السريعه .. وبس يعني أكل كبسات وطبخات الاهل والعزايم بس اركز أني مايكون مقلي او أكل فيه سكريات وبس   والكمية احاول تكون اقل من المعتاد  عشان اتعلم اتحكم بنفسي اكثر

رياضه كيف سويتي فيها ؟؟ تابعت جدول شهر ديسمبر مع المدربه كاسي هو . هي مدربه اجنبية باليوتيوب وعندها كل شهر تنزل جدول مجاني بالتمارين بموقعها وبس تابعت التمارين . وكلها تحتاج بس جسمك بدون أثقال او أجهزة

هذا حسابها عاليوتيوب 

ودا موقعها 

النقله بالشخصيه بشكل إيجابي  كيف ؟ يعني أحاول أشتغل على شخصيتي وعيوبها أكثر وأحاول احسنها وأعدلها ولو بشكل بسيط

كيف التحدي ؟ والنتايج صارت ؟

النتايج بنهاية التدوينة  اذا ماتبغوا تسمعوا السالفه وتجربتي وكيف سويتها هههههههههه  << اذا نزلتو لتحت ع طول بزعل ترا ههههههه

التحدي كان بالنسبة لي اكثر فتره كان فيها تحكم كبير وجدا فخورة بنفسي لان دايم اخبص على طول او اترك بسرعه وأرجع ولكن هالمره مسكت نفسي طووويل .. يمكن لان كل شوي أذكر نفسي انو نهاية السنه ولازم اطلع منها بشي شوي غير وكمان عندي زواج قريبتي  عشان الفستان هههه

طبعا في مرات خبصت فيها ولكن ماكان بسبب انو وقفت او زهقت .. كانت يا بالغلط او غصبا عني .. مثلا لما اكل شاورما انسى انو فيها بطاطس مقلي . المره الي بعدها صرت لو أكل شاورما اشيل البطاطس …. او مرات مافي الا اندومي واضيف عليه بيض وخضار … وقت الدورة الشهريه شخصيا أفضل حليب شوكلاته حار … فأشتري من برا فيكون فيه سكر أكيد وأنسى أقولهم بدون للاسف .. أو لما أحد يقولي ذوقي الي سويته بس أذوق وخلاص او أشرب شاهي مع ان في سكر بس ماارد الكبير لو عطاني والشاهي يكون بالاسبوع تقريبا مره او مرتين مو كثير … وباقي الجلسة والجمعات مع الاهل والاقارب انتبه ايش أكل او حتى أسويلي اكل لي وأجلس معاهم << مو عشان رجيم أقوم مع أهلي وأحبابي .. بس الحمدالله نحب الفشار كثير فدايم اكل فشار وهي يتقهون هههههه الحمد الله

بالنسبه للمشروبات اغلب وقتي أشرب موية .. او حليب ولبن … او عصير بس مو كثير … بالنسبه للغازيات اللهم لك الحمد  والمنه من شعبان العام 1439 موقفتهم اللهم لك الحمد فماحصلت مشكله لما اطلع او لما يجيبوا أكل من برا .. شخصيا أحب أشرب موية الحمد الله

كمان اعتنيت بشعري  بهالفتره .. بس بشاركم هي بتدوينة ثانيه لان لسا لازم اكمل .. 

بالنسبه لالتزامي بالرياضه .. التزمت بشكل كبير الا كم يوم للاسف بسبب لخبطة نوم وظروف لفتره معينه بس باقي الشهر ملتزمه وحاولت ان أعوض الي فات باني أسوي حق اليومين بيوم واحد بس أوقات مايمديني بس احاول يكون يومي فيه حركه دايما

حبيت ان تمارينها من جد تخليكي تتحدي جسمك وحركات تشوفينها بسيطه بس بالتطبيق جدااااا قويه وترفع دقات قلبك ولكن مو صعبه لانها تعطيكي طرق للمبتدئين لو ماقدرتي تسوي زيها ولكن كلها مفعولها جبار

حسيت ان مرونتي زادت عن اول وصرت اقوى من اول .. وكل مره أقدر اسوي حركه جديد بجهد أقل انبسط ان جسمي يتحسن ولله الحمد

بالنسبه لشخصيتي … في شي حبيته اني بديت أسوي وهو اعتذر و اوضح بسرعه لو في سوء تفاهم او غلط مني او حتى لو ماكنت غلطانه بس حسيت الشخص الي قدامي إنزعج .. هالشي مره مبسوطه اني بديت أسويه لان عادة أنا أكره إني احتك مع مشاعر  الحزن او الزعل

,, جدا توترني وأخاف وابتعد لدرجه أسحب على الموضوع . او اصبر لدرجه توصل لسنين .. او انو اتفادى اي كلام يدخلني ولو بنسبه بسيطه في زعل او مضايقه مع الي قدامي .. بس الحين صرت أحسن او اشارك رائي ولو كان معاكس للاخر ولكن لو أسلوبي كان غلط على طول اكلم الشخص واوضح او اعتذر ..

لان الحياه ماتسوى تزعلي أحد او أحد يزعل منك .. على الاقل حتى لو زعل بس من جهتك فهمتيه نيتك الكويسة .. لو نيتك مو كويسه هذا موضوع ثاني مالي دخل فيه ترا ههههه انا اتكلم عن المواقف الطيبه هههه وبس

ادري انكم تبغوا تعرفوا الوزن والمقاسات أكثر 

ماحصلت مقاسات لي الا من قبل شهرين او ثلاث … وهذي هي  >>> وعلى فكره  احب نفسي ومتقبلتها فماعندي مشكله اشارك من باب الدعم لبعض والاهم دعمي انا عشان اتحسن بس برضو حامده ربي على صحتي مهما كان وزني ولله الحمد

وهذي مقاسات هالقديمة 

حول الخصر: 35 انس  — الذراع :12.5 انش  —-  فخذ:32 انش  —-  حول الصدر : 40 انش 

المقاسات الجديده 

حول الخصر : 33 انش   — الذراع :  12 انش  —-  فخذ : 23.5  انش — حول الصدر :38.انش 

شخصيا بدون قياسات او ميزان .. دايما لما ازيد وزن او انقص  على طول ألاحظه برجولي ومنطقة الصدر فما استغربت ان هالاماكن تغيرت بسرعه عكس باقي  الاماكن ..

بالنسبه للوزن بالميزان للاسف خرب ميزاني فجاه. فماقدرت اوزن صح ..

ولكن بالنسبه لرائي الي حولي قالولي اني فرقت عن اول وفيه نزول واضح ولله الحمد

بالنهاية 

اتمنى حمستكم تبدوا تتحدوا نفسكم وتطورها أكثر … وشاركوا غيركم هالتدوينة عشان يتحمسوا يكونوا نسختهم الافضل

وتابعوني بالانستقرام عشان نتحمس سوا ونشارك رحلة بعض للصحة

عيشوا بحب وإيجابية