أسهل ترتيب للمكياج – بنظام البساطه المينيمليزم -minimalism makeup organization – my way

   السلام عليكم ورحمة الله وبركاته

تدوينة اليوم تكملة لسلسله تدوينة البساطه او المنيمليزم … وتكلمت عن هالنظام بتدوينة سابقه   – نظام البساطة او المينيمليزم – والان بتكلم عن اول تجربة لي بهالنظام  عن طريق ترتيب مكياجي

ولكن لازم اوضح اني مو من مهوسييين المكياج !! فما اشتري كثير او كل شوي الا اذا احتاج  … فالصور بعد ماجردت بعض الي مااحتاجو   وفي بعض الاغراض الناقصه – وفي اغراض ماابغاها بس بعطيها لاحد .. وقلت دا الشي قبل طريقتي (بالترتيب )  لان ماتناسب الي مررره عندهم  مكياج كثير ولكن تقدرو تطبقو نظام البساطه ولكن بشكل وادوات ثانيه تناسب احتياجكم

ايش يعني البساطه بالمكياج ؟ 

باختصار ان يكون عندك فقط الي تحتاجينو  وتستخدميه حاليا ! اي زياده تتخلصي منها او تعطيها لاحد ثاني .. وترتيبك للمكياج يكون بانظف شكل ممكن يعني الترتيب يكون مريح للعين واضح وسهل .

بعد ماوضحنا نجي لكيف  رتبت مكياجي  وطريقتي المانيمليزم الي معتمدتها

اولا :  لازم الجرد.. رميت الي خرب او ماناسبني  … او عطيتو لاحد يبغاه

ثانيا : زي ماقريتو من التدوينة السابقه – نظام البساطة او المينيمليزملازم لكل شي مكان ومساحه مخصصه له .. فبعد الجرد بتعرفي كم مكان  او تقسيم تحتاجي لمكياجك يعني تبغي في مكان مخصص للارواج او كريمات الاساس والوجه والخ  ..

ثالثا : ابحثي عن طريقة الترتيب الخاص فيك … انا حصلت هالعلبه في ايكيا .. وجدا ناسبتي لان في مكان لكل شي استخدمه  …. فلو عندك كميات كبيره اواغراض مختلفه كثيره  يمكن يناسبك صناديق او تقاسيم مختلفه . في ناس تستخدم صناديق الجزم والهدايا او الفواصل بدال سلل او حتى اكواب وغيره .. اخر التدوينة فيها صور للالهام لترتيبات مختلفه للمكياج

رابعا : اسألي نفسك  هل ناسبك او لا  كل فتره؟؟  واقصد اسلوب الترتيب  ونظام البساطه .لان يمكن تتغير اغراضك او المكان الي تحطي فيه مكياجك.. فيمكن الصندوق او اسلوب الي اعتمدتيه مايناسبك بعدين . عشان تستمري عليه او تغيري

او مثلا اذا انتي من النوع الي تحبي تشتري كثير مكياج  ونظام البساطه يعتمد على الاحتياج فقط .. فيمكن مايناسبك  النظام كله

 ملاحـــظـــــة : فرش المكياج حاطتها بعلبه من احد العلب المخصص لترتيب اغراض الشعر  (اذا تبغوا تعرفوا كيف ارتب غراض شعري اكتبولي بالتعليقات ) وعلب ظل العيون اخليهم برا جنب علبه المكياج بالدرج يعني  مو داخل العلبه لان مايكفي ههههه وحجمهم اكبر

بالنسبة لي النتيجة كانت  :

بعد ماجربت العلبه والجرد المستمر ونظام البساطة لقرابة سنه !.. جدا ريحني لاني مو من النوع الي يحب كل شوي ينظف ويرتب فريحني  وقت المكياج اني ارجع بسرعه كل شي او وقت ماابغا ارتب بسرررعه ماياخذ وقت  وكمان ناسبني نظام البساطه لان يساعدني اخفف الاغراض الي حولي لاني من النوع الي مايشتري كثير بس يخزن اشيا كثييره تكون من زمان .. فالجرد المستمر سهل مشكله التخزين

ومره متحمسه اجرب نظام المنيمليزم او البساطه  بمجالات ثانيه بحياتي

الان استمتعوا بالصور لمختلف الترتيبات للمكياج للالهام

2a52c4d0a2d483ebef015e8f1f4a60bd3ee0de3a644a6142a9f992c940c432a596e6484ef7d51d9260d638d741e44183

327bb86471c67b82b27073ab5a8b7d963128e9f0d5a5dde0faaf7bcd6c58768b70607af1d5c394539068bb8e0af1b1244264035b6d54adb419f8a983209473b542720112f1610c45ef3bdc107d7c9471be841d605b382122d8346e7956a56dfd

Advertisements

4 Comments »

  1. حبيت كثير موضوعك كثير كنت اشوفه على اليوتيوب بس كتدوين شي ثاني .. يعطيك العافية استمري ..
    وشكلي بعتمد طريقتك لاني مثلك مو كثير من محبي المكياج مايله اكثر للعناية بالبشرة ..

    Like

    • شكرا لك ولوقتك وكلامك الجميل .. اذا سويتيه شاركيني بصوره على حسابي بالانستقرام 😍 وان شالله تناسبك الطريقه وتنبسطي فيها

      Like

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.