جربت أصحى كل يوم سته الصبح لمدة أسبوع والنتيجة…؟ i tried waking up everyday at 6 am for a week

السلام عليكم ورحمة الله وبركاته

كيفكم ؟ اتمنى لكم يوم سعيد وكله أمن وخير وحب بأذن الله … تدوينة اليوم تحدي او قرار تمنيت اسويه من  بدايه السنه ولكن مافي شي اسمه متأخر ولله الحمد دام ربنا رزقنا يوم جديد  وسويته الحين..

التحدي هو أصحى كل يوم من سته الصبح – بدون قيلوله قدر المستطاع  

الهدف من هالتحدي ؟؟وليش أخترته ؟

اولا لان  من وقت الفجر هو الوقت الي مفروض نصحى وبعد صلاه العشا الوقت الي مفروض ننام لان الفجر وقت بدايه الصبح وربنا ذكر بركه هالوقت ووقت الليل وفوائدهم  للجسم وليوم الشخص ومؤمنه بهالشي وتمنيت أتمثل فيه وأطبقه 

ودايم يعجبني لما أشوف الاشخاص الكبار خاصه جدي الله يحميه لي يارب .. يبدايومه من الفجر وينهيه عالساعه عشره بالليل  او اوقات أبكر -وياخذ قيلولات خلال اليوم اكيد 

وطبعا دايم احب اقراء واتفرج عن الناجحين وروتينهم اليومي وكثير منهم أساس أنجازهم يكون لانهم يصحوا بدري وينجزوا أكثر خلال اليوم …. فتحمست أني اجرب هالشي خلال هالسنه والحمد الله بديت هالتحدي الاسبوع الي راح 

كيف كان التغيير المفاجئي لنومي وتأثره علي ؟ 

بديت التحدي فجاه ! يعني ما رتبت يومي قبل بايام ولا شي ..  قبل لا انام – وكان متاخر الوقت – حطيت المنبه على سته ونمت  واستودعت الله نفسي ومخي على بكرا هههههه وقمت الحمدالله 

كيف أيامي كانت خلال هالاسبوع بإختصار ؟

اول يوم  ::::كان بالبداية حماس لاني متحمسه للفكره بس طبعا على الظهر بدا الكسسسسسل والخموووول والتتنيح .. وقررت انو مايكون فيه قيلوله قدر الامكان  والحمدالله قعدت الهي نفسي وامسك جوالي كثير عشان ماانام

من ناحيه شغلي ومسوولياتي كثيررر انجزت او خلصت الامور الي ابغاها قبل لا يجي الظهر ومره كنت مبسوطه من هالشي واكيد يرجع لكون الصبح بركة  من ربي والاهم تساهيل رب العالمين 

ثاني يوم وثالث يوم ::: كمان ولله الحمد قدرت اصحى سته وشوي  قبل سبعه يعني … وبرضو أنجزت أمور أغلبها ولكن اتوقع ثالث يوم اذا مو غلطانه الي فجاه نمت ههههه بعد ماكنت مسدوحه ونمتها ثلاث ساعات ههههههه ماامزح لما يجي الموضوع للنوم هههههه 

رابع يوم :: كان الصحيان متأخر شوي  على سبعه وشي لان تأخرت بالنوم عشان الثلاث ساعات ههههه … والحمدالله مافي قيلوله وكان افضل بكثير من ناحيه التعب الي يجي خلال اليوم و الخمول كان أخف

خامس يوم  :: هو الي قمت فيه متأخر مررره  تقريبا عشره او احدعشر .. لان كان نهاية أسبوع والليله الي قبلها كانت سهره طويله مع الاهل والاقارب …. بس برضو أنبسطت انو صحيت خلال فتره الصبح – لازم نشوف الجانب الايجابي للامور  

سادس وسابع يوم والى الان ::: أقوم تقريبا على قبل التسعه او حول التسعه وشي …. برضو بسبب أن أنام متاخر للاسف – المقصد ان الوقت الي أنام فيه مايخليني أشبع نوم عشان أصحى مضبوط على الساعه سته ….  ولكن أرجع أقول أفضل من لا شي … ولله الحمد الخمول خف كثيررر الي يجي خلال اليوم .. واموري ومسوولياتي أنجزها أغلبها خلال الصبح والظهر … ربي لك الحمد 

أيش أستفدت من هالتجربة ؟؟ 

أولا : زي ماذكرت أن أمور كثيره أقدر اسويها خلال اليوم وباقي اليوم يكون لاي شي ثاني او يكون فاضي … وهذا شي أشوفه مررره يفيد الي عنده مسوؤليات كثيره او يبغا ينجز هواياته بوعي أكبر وبركة 

ثانيا : نفسيتي وجسمي لاحظتهم أفضل  بكثيررر مثلا من ناحية النشاط  والحيويه وحتى الجوع ولخبطت الاكل صايره أخف كثيير سبحان الله  .. ودايم اتحمس لثاني يوم عشان أنجز الي أبغاه وكمان مااحس بضغط لان اليوم طويل ويمدي أسوي امور كثيره 

ثالثا : صار أرق النوم أخف كثييييير وصرت  الاحظ ان فتره النوم أعمق يعني أول كنت انام لساعات كثييره بس لما أصحى ماأحس اني شبعت .. الان العكس   .. سبحان الله ربي ذكر بركه نومة الليل بالقران وفعلا حسيت فيه لان لي فتره طويله ونومي ملخبط مرررررررره …

فبنات ثقوا في كلامي لكل وحده يجيها أرق او ماتشبع نوم  خلي اغلب ساعات نومك بالليل مو تبدي النوم بالليل بس كم ساعه جا الفجر سبحان الله لو تنامي لين العصر  مابتشبعي – وفي دلائل علميه على موضوع النوم ونور وظلمة  الليل ونور الصبح  سبحان الله 

رابعا : مو شرط أصحى سته لو مايمديني اهم شي خلال وقت الصبح أكون صاحيه  .. واتمنى بعد فتره أصحى دايم وقت الفجر لان هالوقت فيه هرمونات النشاط تكون فعاله عشان كذا من وقت الفجر  الي هو الصبح لما تتوضى له فجاه تحس بنشاط أكثر من طول الليل  سبحانك ربي .. فاتمنى هالشي وأن شالله احققه

بعد هالاسبوع أيش بيتسوي ؟؟

اكتبلكم هالتدوينة وانا خلال الاسبوع الثاني ولسا مستمرة  وبإذن الله بستمر  مع ان أكيد بتجي أيام سهر ولخبطه ولكن أتمنى ماتكون زي أول .. تكون لخبطه لايام وفترات متباعده والعاده يكون الصحيان الصبح … جدا الشعور والانجار والرضا –  جميل جدا …

بالنهاية 

اتمنى هالتدوينة فادتكم وتتحمسوا تجربوها … شاركوها مع غيركم عشان يستفيدوا هم كمان 

عيشوا بحب وإيجابية 

Advertisements

8 Comments »

  1. سبحان الله الصباح فيه بركة عجيبه ، جرب اصحى الصباح مبكر ومثل ماقلتي اخلص أمور كثييير على الظهر وأكون مرتاحة اكثر في نهاية اليوم 💕💕

    Like

  2. 😂😂 تجربه ممتعة الصدق وأنا بنفسي حسيت معاكي بالانجاز وانا اقرا لأني أنا كمان من الاشخاص اللي يقدسووووون النوم حقيقي!
    الموضوع يحتاج استمرارية ومحاولات كثير عشان ينتظم وعقبال ما تصيرين تشبعين نوم وجسمك يقومك الصبح بدون منبه 😍👏🏼

    Like

  3. فعلا اتفق معك .. انا بطبعي انسانة صباحية وللاسف الفترة هذه تخربط نظامي بس بديت ارجع لروتيني السابق .. قومة الصباح بركة من كل شي انجازك للأمور غير كذا نفسيتك تكون عال العال .. 👌🏽♥️♥️

    Like

    • نفسك انا والمصيبه الاوقات اللخبطه مالي مفس حتى اسوي شي مع انو في وقت بس مافي الخلق.. والله يديم علينا هالبركه يارب

      Liked by 1 person

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.