الإستحمام لمدة أسبوع بموية باردة ! تجربتي i tried showering with cold water for a week !

السلام عليكم ورحمة الله وبركاتة 

توضيح قبل لا أبدا الكلام عن هالتجربة .. سويت هالتجربة مع تجربة الصحيان الساعه سته كل يوم  .. سويت كولو سوا دام الموضوع تحدي ههههه اخلصوا مع بعض

فكرة التحدي  جات من وين ؟ 

اولا اعرف وحده قريبه مني تتروش بموية بارده واللهم بارك بشرتها مشدوده مع أنها مو نحيفه .. ثانيا شفت كم فيديو أجنبي عن أشخاص يجربوا هالشي .. فتحمست اجربوا مو بس اخذ رشه قبل لا أخلص الترويش  ههههه العكس ترويش كامل بمويه بارده 

كيف الاسبوع كان ؟؟ وكيف سويتيه ؟ 

زي ماذكرت بالبدايه اني جربتو مع فتره تجربتي تحدي النوم .. فكنت استحم الصبح بالبداية شلت هم لان صبح وبرد ومويه بارده كمان   مصيييبه ههههه 

الي صرت أسويه اول مااشغل المويه اخلي حرارتها معتدله مو دافيه شوي مايله للبروده بس دافيه – فهمتوا ؟؟ ههههههه شرحي مره واو صراحه بس أكيد فهمتوا ههههه  … المهم بعدها على طول اخليها بارده وابدا اتروش عادي 

وهكذا كان الوضع خلال الاسبوع كامل .

النتيجة ؟ هل في فرق مابين الموية البارده والحاره ؟؟ 

الشي الي انصدمت منو … اني بعد الترويش ماأحس ببروده … توقعت ان بعد ما اطلع من الحمام بكون ثلج لان الجو بارد وانا بارده وكذا … بس العكس تماما 

طبعا اكييييييد النشاط والصحصحه  لاحظتها … ويكون باقي اليوم في نشاط   وحبيت هالشي مره 

وبما اني أسوي رياضه .. طبعا اوقات كثيره يكون في شد عضلي .. هالاسبوع احس بالشد ولكن مايكون وجع او شد مره قوي زي اول … وقريت ان المويه البارده كويسه للي يسون رياضه للشد العضلي .. فحسيت بصحة هالكلام ومره انبسطت بهالفائده لان اول كنت اتعب من الشد العضلي ويطول لايام .. هالاسبوع كان اخف ويروح اسرع 

من ناحية البشرة .. شوي حسيت بنظاره والبشره أصفى .. ولكن مو بشكل كبير ولكن في أثر أكيد 

بتكملي وتخلي الموضوع عادة ؟ ولا بتوقفي ؟؟

الى الان مستمرة عليه ومبسوطة … فاتوقع بنسبة كبيرة بستمر ولكن نشوف لما يبرد الجو اكثر كيف الوضع بيصير 

بالنهاية 

أتمنى أستفدتوا وتحمستوا تجربوا هالتحدي … وأكيد شاركوه مع غيركم 

عيشوا بحب وايجابية 

Advertisements

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google+ photo

You are commenting using your Google+ account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.