ملخص كتاب الرقص مع الحياة

السلام عليكم ورحمة الله وبركاته 

كتاب اليوم ماشاء الله يعتبر من الكتب الي اخذت أنتشار وصيت عالي جدا  … بالبدايه ماكنت متحمسة أقراءه لان شخصيا أقراء الكتب الي لها جواب لسؤالي او لغرض معين احتاجه .. ولكن بسبب كثرت المدح لهالكتاب وأسلوبه قررت اقراء الكتاب ولكن ماشريتوا الحمد الله حصلتو عند اختي ههههه

أسم الكتاب : الرقص مع الحياة                أسم الكاتب : مهدي الموسوي    السعر والمكان : مكتبة جرير ب27ريال 

فكرة ومحتوى الكتاب ؟ 

المحتوى  عباره عن قواعد متنوعة ومختلفه من ناحية كيف تقدري تعيشي الحياه باكبر قدر ممكن وانتي مبسوطه و مرتاحه والاهم كيف تستغليها لصالحك وأكيد كيف تتعاملي مع الناس  … القواعد 56 قاعدة   ..  فالكتاب حجمة متوسط ماهو كبير مرره ولا صغير .. 

كيف أسلوب الكاتب  ؟ 

الجميل فيه ان كل قاعده لها ثلاث او اربع صفحات .. والكاتب معتمد على شرح كل قاعده بشكل خفيف وذكر أمثله وتطبيقات لهالقاعده .. فمو بس توصيات كمان كيف تطبيقها وايش الفائده الي بترجعلك منها 

والحلو ان مخلي بين كل مجموعة جمل فراغ ومعطي وسع في الصفحه عشان ماتحسي انو كولو كلام ورا بعض .  وكمان في صفحات فيها عباره او كم جمله بس

أيش رائي بالكتاب ؟ 

جدا جميل وحبيت القواعد ولما تقري بتركيز .. تراجعي حساباتك فالحياه .. وهذا الي انبسط منو لما الكاتب بأسلوبه يخليكي تتمعني بحياتك وأسلوبك عشان تعدلي .. فبارك الله فيه والي ساعدوه بهالكتاب  

برضو جميل بالكتاب أسلوب طرحه للقاعدات .. تكون أوقات عباره عن شعر او كلام مع نفسه  أو تفكر باللحظة  ولما تقري كانك تكلمي نفسك .. فكثير يعطيك مساحه انك تنتبهي لتصرفاتك وحياتك زي ماقلت … والكلمات والمفردات خفيفه ماهي معقده ولا حتى القواعد  صعبه تطبيقها وهذا الحلو .. بالعكس كلها قواعد للاسف نسيناها وهي بشكل كبير موجوده بالقران والسنه  وربنا امرنا فيها  .. وأكيد زاد فيني حبي لديني كثيير  وعطاني فخر  أكبر ان هذا موجود عندنا … فيستحق الكتاب انك تقريه وتعطيه من وقتك كل يوم 

في فقط شي واحد تمنيت يكون فيه وهو أن يستشهد بقصص عربيه اكثر .. لان أغلب او كميه كبيره من القصص والاستشهادات تكون لأجانب وقصص عامه .. مع اني مااعرف كثير عن المحتوى العربي بشكل يخليني اقول هالنقد ولكن من معرفه سطحيه في قصص كثير تأكد كلامه سوا كانت من قصص الانبياء والصحابه او من المحتوى العربي 

ولكن هذا ماياخذ من الكاتب والكتاب جودته  ونجاحه وقدرته على انه من جد يضيف لحياتك .. 

بالنهاية 

أتمنى عجبكم هالملخص السريع للكتاب .. وحمسكم اكيد تشتروه

عيشوا بحب وإيجابية 

2 Comments »

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.