كيف أشرب موية اكثر بالشتاء بطريقتي البسيطه ؟ وليه خففت الشرب بالشتاء عمدا!!how to drink more water in winter ? my simple method

السلام عليكم ورحمة الله وبركاته

كيفكم وكيف الاختبارات … الي لسا يختبروا لكم مواضيع موجوده بتساعدكم مرررره بالمدونة

كيف تعرفي أسئلة الاختبار بثلاث طرق بس

كيف تذاكر وتتجهزي لاختبارك

كيف تذاكري بالوقت الضيق للاختبار ؟

ونرجع لموضوع المدونة … شررررررررررررررررررررررب المووووووووووووياااااااا .. هالموضوع بالشتاء مره يخف وينعدم ويسبب مشاكل لكثير بنات لبشراتهم ولجسمهم … وطبعا انا مو مثاليه واخفف من شرب الموية وبالنسبه لموضعي لااااااااااااااااازم اخفف ولا مشكله بتصير وبشرحلكم هيا .. ولكن برضو حصلت حل يخليني ما انسى اشرب مويه خلال اليوم واشربها بشكل متكرر ولكن اكيد الكميه اقل من فتره الصيف والربيع ولكن أفضل بكثير من الي كان يصير بالشتوااات الي راحت — شتوات ؟؟؟ احد يصححها ههههههههههه

ايش مشكلتي مع الموية بالشتاء ؟؟؟

نكون صريحيين ولان اتوقع مو انا لحالي بهالمشكله بس انا لحالي بهالمشكله بين اهلي واقاربي !! فلازم احد منكم زيي او كذبوا علي عشان احسن اني مو وحييده ههههه

باختصار أدخل الحمام كثير هههههههههههههههههههه فبالشتاء الوضع الدبل .. تقريبا عايشه بالحمام !! فلازم اختار يا اعيش يا انام بالحمام !! فاخترت اعيش واشوف الحياه ههههه واخفف شرب المويه خلال اليوم

وترا مو معناته الي يشرب مويه كثير بيصرله زي وضعي .. يمكن بالبدايه اي بعدين لا يتعود الجسم .. ولكن انا طبيعة جسمي كذا .. ومن زمان اشرب مويه كثير وماتغير الوضع …

والي ماشاء الله تبارك الله مايعانوا من هالشي او من قلة شربهم الكثيره للموية .. بس يبغوا يشربوا كثير موية خلال اليوم في تدوينة سابقة عن شرب الموية باكثر من طريقه للي يبغا يشرب كمية كبيره.. روحوا اقروها وسيبونا لحالنا هنا مع فضايحنا ههههه

خمسة طرق بسيطة لشرب الموية أكثر خلال اليوم

بعد مافضحت نفسي نجي كيف ما أقطع الموية خلال الشتاء بس بروضو اشربها بأستمرار ؟؟

صرت أحدد فترات لشرب الموية بكل بساطة !!

صرت فقط خلال الوجبات اشرب كميه محترمه يعني كاسه كبيره كامله مرتين او مره بكل وجبه تقريبا وخلاص … وباقي اليوم شوي تقريبا نص كاسه أول ما اصحى وقبل ماانام وبعد الترويش

جربت هالوضع لفتره وارتحت يعني الوضع أفضل شوي من قبل

هالحركه تنفع للي كمان مايحبو يشربوا موية ويبغوا يزيدوا استهلاكم للموية خلال الشتاء .. فاذا تعرفوا ناس زي كذا خلوهم يقروا هالطريقه بس الكلام الي فوق كان بيني وبين المتابعين حقي بس هههههههههههههههههههههههههههههههههههه

واخيرا لا تنسوا تتابعوا انستقرامي باخر المدونة او رابط الحساب هنا .. أشارك مواضيع أكثر عن تجاربي ويومياتي الصحية

بالنهاية

اتمنى تعجبكم هالتدوينة .. وشاركوني كيف تسوا انتوا خلال الشتاء مع شربكم للموية ؟؟

وعيشوا بحب وإيجابية

Advertisements

2 Comments »

  1. ههههههه ياحبيبتي 😦 صحة وعافية عليك يارب
    انا اول كنت كذا كثييير ادخل الحمام وصراحة تعبت خصوصا لمن اكون بأماكن عامة او في اوقات الدوام، فصرت ادرّب نفسي امسك فترة اطول والحمدلله جاب نتيجة وصرت الحين ادخل بشكل معتدل مع اني الحمدلله اشرب موية كثير 👌🏼 جربي يمكن تنفعك الطريقة، وبرضو خلي وقت شرب الموية بعد ماتطلعين من الحمام وانتي بكرامة 👍🏼

    Like

    • الله بسعدك على نصحيتك .. جربتها وماضبطت جدا يعورني او يضايقني لو يوميا .. بس اقدر اتحمل ولكن بس لاوقات معينه .. والمشكله تخلي. لو ادخل الحمام واتوضا واصلي .. اخلص صلاه لازم ارجع ادخل الحمام … يعني الوضع انوقع له بحجم المثانه او العضله ماتتحكم او شي 🙈 الله يحمينا ويعافينا يارب ولله الحمد دايما وابدااااا

      Like

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.