كيف أبدا حياه صحية بثلاث خطوات بس ؟ how to be healthy in 3 steps

السلام عليكم ورحمة الله وبركاته

موضوع اليوم هو محور المدونة أصلن .. وحبيت اشاركم أبسط طرق تقدري تكوني فيها صحيه بدون ماتحسي بانك تحتاجي تقلبي حياتك فوق تحت . بكل بساطه ابدي بهالثلاث امور وبعدها تطوري وضيفي

ايش معنى الحياه الصحية الي بتكلم عنها ؟؟

الحياه الصحية مصطلع كبييير وعااام .. يعني الي بتهتم بنفسيتها والي بتهتم بجسمها او تهتم ببشرتها او تهتم ببيئتها كلهم صحيين بمجالات مختلفه . ولكن الي بنتكلم عنو اليوم بالتدوينة هو المعروف .. الي بيكون متعلق

بالاكل والرياضه فقط عشان نحدد الموضوع أكثر

كيف أبدا الحياه الصحية بالاكل والرياضة ؟

اولا خطوة :: ضيفي شي واحد بس لحياتك

غالبا الناس تحس لازم ثاني يوم تكون مجهزه نفسها تلتزم برياضه وشرب مويه واككل خضروات وحركه ونشاط والخ .. وهذا اكبر شي يخلي الكثير يوقف .. ويقول بنستنى الاحد الجاي نبدا ههههههه

فابدي زي ماانتي نفس يومك بالامس … ولكن ضيفي شي جديد واحد فقط لمده طويلة .. مثلا نقول شهر بس ضيفي شي واحد.. باقي يومك زي ماهو خليه

مثلا : اشربي موية ولكن بقارورة معينه.. وبس هدفك تخلصي هالقاروره كل يوم … سوا كان كميه عاديه بالنسبه لك او كثيره .. التزمي فيها بس .. عشان تبني شوي شوي اسلوب الحياه الي تبغيه .. وبعد فتره بتصير شرب المويه الكثير شي عادي ولا بيكون شي ثقيل عليك او مهمه .. وبعدين ابدي ضيفي خطوة جديده وهكذا

مواضيع بالمدونة اخرى

كيف تشربي موية أكثر

كيف تكوني روتين صحي بخطوة واحده

كيف أنط بالحبل بشكل سهل

ثانيا : خففي لا تقطعي

لا تبدي تقولي مارح أكل مقالي !! بوقف البيبسي !! رح ابطل أكل من برا !! ؟؟ أكبر غلط تبدي كذا خاصه اذا تبغيه أسلوب حياه .. لازم موازنه .. لا تحرمي نفسك .. تذكري نبغاه أسلوب حياااااااااااه

فخففي بس … كولي بروستد كامل بس خففي البطاطس المقليه .. كولي ماكدونالز بس لا تطلبي بيبسي مثلا .. المره الجايه اطلبي بيبسي او كلي بطاطس مع البروستد .. المره الي بعدها لا تكالي مقلي؟ جربي كلي مشاوي وهكذا

خففي عشان بعد فتره لو تبغي توقفي .. يكون نفسيا عادي .. مو صعبه .. وبرضو ماتحسي بحرمان لو احتجتي توقفي .. لانك عارفه انك موازنه حياتك .. مانتي محرومه بترجعي تاكليها ..

شخصيا انا دحين اكل مقالي وماكدونالز بس مااطلب بيبسي .. وصار الوضع جدا خفيف على نفسيتي ومرن على حياتي وبعدين حابه اضيف شي اخفف منه جديد … وهكذا

…. ثالثا : اذا وقفتي ارجعي ولكن بشي جديد وغير

الحياه الصحيه غالبا قد تكون صعبه على البعض .. لين تحصلوا النظام الي يناسبكم او الرياضه الي تبسطكم او الاكل الي يريحكم .. يمكن تاخذوا وقت .. وبخلال هالوقت رح تنجحوا وتفشلوا بانكم تلتزموا ..

وعااااااااااااااااااااااااااااااااادي نرجع نقول لانو أسلوب حياه !!! ماهو شغل هو حياه فاكيد في تقلبات

اهم شي .. كل خبصتي – كل ماوقفتي – كل مازهقتي – كل مااستسلمتي .. تذكري انو ماهي مسابقه .. يمديكي ترجعي وتلتزمي

ولكن الاهم هل الي بترجعيلوا يحمسك ترجعي ؟؟؟؟ اذا لا غيري الي تسوينه

مثلا انا شخصيا .. جربت اسوي رياضه ساعه كامله .. ماقدرت مع اني جربتها لشهر واكثر .. بس مايحمسي صار كانو ضغط … فلما وقفت قلت برجع اسوي رياضه بس هالمره بخليها بس 10 الى 15 ساعه بالكثيرر وباقي اليوم بكون نشيطه وامشي واتحرك … هذه التغيير أفضل من الساعه لاني التزمت أطوووول

وهذا المهم شي يساعدك تكملي … يساعدك تتحمسي …

اتمنى هالخطوات تكون حببتكم بالحياه الصحية .. وحمستكم تبدوا ولا تنسوا تتابعوني وتشوفوا تفاصيل حياتي الصحية بصفحاتي

مواضيع قد تفيدكم بالمدونة

قنوات رياضة للبنات سهله

كيف اتمرن بيوم مزدحم

بالنهاية

هذه هي اسهل طريق عشان تبدي حياتك الصحية بأسلوب سريع وبسيط .. لا تنسوا تتابعوا المدونة والانستقىرام والسناب

وشاركوا هالتدوينة مع غيركم عشان يستفيد كمان

عيشوا بحب وايجابية

booshlife : insta boosh.life: snap

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.