تحدي أسبوع بدون مواقع تواصل |تجربتي my try|a week with no soical media

السلام عليكم ورحمة الله وبركاته

تجربة هالاسبوع كانت .. خمس ساعات بدون مواقع تواصل إجتماعي – سوشل ميديا- من اول ما اصحى

الفكره شخصيا مطبقتها من زمان ولكن لمده اطول ( شهر ) وبشكل كلي تقريبا كل سنه مره . والنتيجه رووووعه ولكن قررت اني احاول اسوي تحكم بنفسي اكثر بشكل مرن وان اجرب يوميا بدال مااسوي قطع نهائي لفتره وارجع لعادتي .. والفكره كانت

من اول مااصحى لمده خمس ساعات مااستخدم مواقع التواصل الاجتماعي

والبنات بالانستقرام حبوا الفكره وشاركوا معاي ..واذا حابين تشاركوا بتحدي الاسبوع الجاي لا تنسوا تتابعوا المدونة وحسابي بالانستقرام

كيف كنت قبل التجربة ؟ هل انا مدمنة مواقع تواصل إجتماعي

شخصيا اعتبر نفسي مو مدمنة .. ولكن كل ماكان في فرصه فتحت جوالي وتفرجت .. وخاصه يوتيوب بشكل كبير . اقول مو مدمنة لان لو قفل جوالي – خلص الشاحن وغيره – مو مهتمه اني اشحنه او يكون شغال دايم اذا مو لحاجه ضرورية .. ولكن برضو اعتبر سئية من ناحيه كثرة فتح هالمواقع باليوم بشكل متكرر كثير طول اليوم

ليش تحديدا اول مااصحى ؟ مو خلال اليوم ؟

سمعت برنامج صوتي بالبودكاست اسمه

onpurpose with jay shetty

انصحكم جدا تسمعوله لو تعرفوا انجليزي .. ملهم وجميل .. واذا مهتمين ببرامج البودكاست في موضوع لافضل برامج اسمعها حاليا – هنا

وكان ينصح ان مخك اول ماتصحى يكون بقمة الهدوء والنشاط لما تفتح مواقع التواصل – صح ماتسوي شي غير تتفرج – ولكن مخك يشتغل بسرعه كبيره لانه يفكر – هالشخص ايش سواء \ مين رد \ ايش قال \وين راحت \ ايش صار بسفرتها \ لبسها حلو \ عجبني دا الشي والخ من الافكار السريعه جدا جدا .. تخلينا مشحونين بطاقه مزعجه

فجرب تعطي بداية يومك حقها وتمشي بيومك بامور ثانية مثلا – تتجهزي لدوام \ او تصحي لفطور \تسوي اشغالك \تتفرجي تصلي وهكذا امور خفيف ع المخ

كيف التجربة ؟

رووووووووووووووووووعه روووووووووووووعه

صراحه ماتوقعت ان بخمس ساعات بيكون في وقت كثيرر وحتى الدقايق تحسين فيها حتى لو كنتي منشغله بس بتحسي بكثرة الوقت وبركته

ثانيا لاحظت نفسيتي لليوم مهما كان مزحوم مررررررررررره هادية بشكل كبير ولله الحمد

ثالثا اصلن يكون في حماس تفتحي مواقع التواصل وتتفرجي وانتي متحمسه ومخلصه امورك كمان لو نص منها

رابعا : اكيد اوقات افتح بالغلط .. اكون فاضيه وامسك الجوال واضغك عالتطبيق بس بسررعه اطلع حتى مااقعد او اذا ضروري الواتس اب ارد ع احد مهم ولكن ماصارت الا مره هالاسبوع الحمدالله وبرضو ماافتح اي رسايل ثانيه او اشوفها

النتيجه ؟ تنصحي غيرك ؟ بتكملي تسويها ؟

برضو ارجع اعيد التجربة رووووعه حسيت من جد بانجاز هالاسبوع وباليوم كيف طويل ولله الحمد مع ان كان اكثر اسبوع مضغوطه فيه .. اكيد انصحكم وانصح اي احد يجرب هالتجربة .. وباذن الله بحاول اخليها عاده او اسويها كل فتره لانها من جدد كانت لصالحي بكل مجالات حياتي

بالنهاية

لاتنسوا تتابعوني على المدونه لكل جديد والانستقرام وتشوفوا يومياتي الصحية وبرضو تعرفوا تحدي الاسبوع الجاي وكمان شاركوا غيركم هالتدوينة عشان يتحمسوا كمان

عيشوا بحب وايجابية

insta : booshlife snap: boosh.life

عشر الاف خطوه باليوم ونتايجها | تجربتي 10000steps per a day |my try

السلام عليكم ورحمة الله وبركاته

تجربة جديده ..لمده اسبوع

قررت ان كل اسبوع خلال شهر اسوي تحدي صحي..فقررت الاسبوع الماضي اذكر تحديات على الانستقرام والتصويت يكون لكم واخترتم ان نبدا نسوي – تحدي العشر الاف خطوه باليوم .. وهالتدوينه ذكر لتجربتي

وشكرا لكل الي تحمس وشارك ..وقعدنا نتواصل على الخاص

لاتنسوا تتابعوني على الانستقرام(@booshlife )عشان تعرفوا بالتحديات الجايه ..وتحدي هالاسبوع الجديد بيكون ( ماافتح مواقع التواصل الاجتماعي الا بعد خمس ساعات من صحياني )..

نرجع لتحدينا الاول وهو: ١٠،٠٠٠خطوه باليوم

ليه سويت هالتحدي؟ ايش الفائده منه؟

الخطوات او المشي هو اساس تكوين الجسم ..الجسم مصمم عشان سبحان الله يمشي.. وتقدروا تقروا فوائد المشي وكيف انه يحرك كل الجسم والمفاصل والعضلات…فهو حركه رياضيه اساسيه

والكثير من الدكاتره والاخصائين الرياضين .. يفضلون ان الشخص يمشي خلال اليوم افضل من انه بس يتمرن ساعه وباقي اليوم بدون حركه

والرقم عشر الاف خطوه ..هو رقم ينصح فيه كدلاله على وجود نشاط ممتاز خلال اليوم قام فيه الجسم

وهالموضوع شرحه طويل وتقدروا تبحثوا عنه بالتفصيل لاني مو مختصه

ولكن شخصيا كنت سابقا امشي وامشي لساعه ولله الحمد ولكن وقفت فتره..فحبيت ارجع واتحدى نفسي لو احاول بس

كيف الاسبوع كان وهل حققت الهدف ؟؟

اول كم يوم كان جدااا صعب اني احصل وقت امشي فيه… كان اغلبه جمعات عائليه والتزامات شغل

بعدها قررت ان بحاول لو نص ساعه ع الاقل هههههه ولا يروح التحدي بدون محاوله ..

فالحمدالله قدرت ع اخر كم يوم احاول اغلب يومي امشي (مو مخصصه وقت للمشي الا بس كان حق يوم او يومين خصصته لمده اقل من نص ساعه/ ولكن حاولت كل هالايام نشاطاتي والتزاماتي وطلعاتي تكون فيها حركه ومشي)

ولكن للاسف ماقدرت احقق المطلوب بالمشي بان غالبا مااكون مشيت مابين ٤٠٠٠ و٦٠٠٠

طيب كيف حسبت خطواتي او كيف احسب خطواتي؟

بالوقت (تقريبا ١٠٠٠٠ تساوي ساعتين تقريبا مخصصه للمشي )

او بجوالك تقدري تحسبي يكون معاكي وانتي تمشي

او تشتري ساعه رياضيه واسعارها تتفاوت ع حسب مميزاتها الزياده ولكن كلها تحسب الخطوات (٩٩ الى٢٠٠٠ ريال تقريبا )

التجربه هذي ايش فادتني فيه؟؟

اولا عرفت اني احتاج اركز ع نشاطي اكثر واتحرك اكثر

ثانيا عرفت ان مو شرط لانك تحسي انك تتحركي كثير معناته من جد قاعده تتحركي كثير اغلبها يمكن نحس بالتعب لاننا نسوي امورثانيه مع المشي فنحس باننا نبذل كثييييير.

ثالثا اذا انتي مهتمه بالمشي والحركه والرياضه استثمري بساعه رياضيه (هي مو مهمه ولا اساسيه ابداااا ) ولكن كدعم لك وتشجيع لهدفك اذا (لاحظتي انك مستمتره ع المشي والحركه وهذا هدفك )

حلو لو شريتيها ولكن شخصيا مااشوفها اساسيه او ضروريه ابدااا لان غالبا امشي واخصص وقت للمشي والاحظ فرق بجسمي ومرونتي وبدون ساعه ولا شي ولله الحمد

رابعا الحركه بركه ..وكثرت الحركه لاحظتها (مع اني ماحققت الهدف ) قد ايش تغير بنفسيتك وبيومك. حتى لو بوقتها تتعبين ولكن بعد ماتريحي رح تشوفي قد ايش فيك نشاط وحيويه

بالنهايه

تجربه جميله ..صح فشلت ولكن يكفي شرف المحاولة.. لاتنسوا تشاركوا هالتدوينة مع غيركم عشان يتحمسوا..ولاتنسوا كمان تتابعوني بالانستقرام وعالمدونة لكل مواضيع ويومياتي الصحيه

عيشوا بحب وايجابية

instagram: booshlife

تجهزي للعيد بدون توتر وضغط be ready for eid with less stress

السلام عليكم ورحمه الله وبركاته

تدوينه اليوم لي اناااا اكثر منكم ..لاني بالفعل احتاج ارتب يومي بوقت العيد.. لان دايم يكون في توتر وضغط لدرجه تبغي تبكي لان لين موعد الخروج وفي اشياء نسيتيها او ناقصه والخ

فان شاءلله هالتدوينه ..تساعدكم زي مابتساعدني(وجربتها بايامي العاديه ومررره نفعت معاي)فباذن الله تعجبكم وتستفيدوا منها

مواضيع سابقة : كيف تكوني انيقة بالعيد بميزانية محدودة

كيف تكون أطلالتك أنيقة بعشر دقايق بس

كيف اخففف حوسه وتوتر وضغط اول يوم العيد..

اولا: اليوم الي قبل اهم من يوم العيد

.

قبل العيد بيوم هو يوم الحووووسه الفعلي لان في ناس لسا ماخلصت مقاضي/ او نسوا اشياء وافتكروها /تنظيف البيت / او البعض يجهز حق العيد من استشوار شعر قبل بيوم والخ ..

.

فهاليوم حاولي تنجزي ابكر ! قبل الليل.. حاولي تنجزي اغلب الثقيل قبل الليل.. بمعنى لوتبغي تنظيفي البيت او تكوي او تجهزي شي جهزيه من بدري بوقت الصبح او العصريه..(اذا عندك مجال)

حاولي اغلب شغلك يوقف ينتهي بهاليوم.. لاتخلي شي لبكرا قدر المستطاااع (لان بيطلعلك بالعيد كم شغله بس خلي الغالب منتهي من امس)

او قبل العيد بكم يوم ابدي رتبي وخلصي الامور الثقيله قدر الامكان

ثانيا :مو لازم كل شي يخلص

يمكن هذا النقطه تلامس بعض البنات..الي يحاولوا يخلصوا كثييير اشياء قبل العيد..مثلا تبغا تنظف الغرفه/ ترتب الدولاب/تسوي شعرها / تنظف جسمها /تجهز حلاوه العيد/ ترب غرف ثانيه بالبيت مع اهلها او اذا لها بيتها الخاص…والخ من هالامور الي تبغا يجي العيد مسويه فرز ونفض وتلميع لكل شي

وهذا حلو وجميله ونفسيا مريح ولكن واقعيا مو دايم يكون عندنا الوقت او الايام او الترتيب الي يخلينا ننجز هالشي

فحرام انك تضغطي نفسك بكم يوم قبل العيد بكل هالامور مره وحده..لان بيجي العيد وانتي مهلوكه وتعبانه وطول ايام العيد بتنضغطي زياده ..فمارح ترتاحي لا جسديا / لا نفسيا ولا شي غير توتر وصداع

فحاولي تركزي ايش اهمممم شي!

الي هو ملابس العيد

الي هو جسمك -اذا تبغي تنظفي شعر وغير

الي هو مكان الي بيجتمعوا فيه الناس عندك وحمامه – غرفة او صاله الاستقبال

تجهيز حلاوه العيد واكل الاستقبال

باقي الامور ثانويه!! فخليها لو مامداك ! خليها ببساطه!! او اذا ريحتي وفي وقت سوي ولكن لا تضغطي

واذا فيك توتر ان لازم اخلصها!!

فكري بهالعباره

( انا احتاج اكون بكامل قوتي وحماسي وروحي الحلوه للعيد.. خلصت المهم وهذا اهم شي .. لنفسي عليها حق للراحه )

ثالثا : جهزي لبسك واكسسواراتك اليوم الي قبل بمكان محدد

ام شي ليوم عيد اقل توتر … تجهزي اغراضك الشخصيه قبل بيوم ..ع الاقل. ع الاقل تجهزينها بمكان معين بكل تفاصيلها (اكسسوار /لبس/جزم/ اغراض بتشيلها بكرا/اغراض لازم تسويها للبسك ولنفسك عشان تتجهزي مثل عطر/موس والخ )

ليش؟؟؟

لان اوقات زي ماذكرنا مايمدي نخلص كل شي اليوم الي قبل بسبب الضغط.. فعالاقل ترتبي مخك وتخففي عليه الضغط..بان كل شي احتاجه واحتاج اسويه موجود بهالمنطقه

سوا كان جاهز ومكوي ومااحتاج شي.. او عشان اكوي واخلص امور ..فكل الي ابغاه بهالمنطقه مااحتاج احوس واجري من مكان لمكان

عشان بكرا يكون بانظم شكل قدر الامكان

رابعا:حاولي تصحي بدري (هالنقطه لي انااااا ههههه

كل ماصحيتي بدري كل ماكان في هدوء نوعا ما ووقت اطول لك عشان تنجزي الي تحتاجي تسوينه

شخصيا اي اوقات ثانيه ملتزمه بطلعه او مناسبه تضبط معاي بالنوم الا العيييد نحااااسسسسه ماتضبط بس بنحاول كل مره وباذن الله بتضبط

خامسا: اذا مرتبطه باشخاص ثانينين ..خلصي نفسك اول

وقت اللبس والترتيب الشخصي للعيد..لو انتي مرتبطه مثلا مع امك او خواتك انك تسويلهم شعرهم او مكياجهم او لو عندك عيال عشان تلبسيهم.. حاولي دايما تبدي بنفسك وتخلصي الثقيل (استشوار شعر/كوي /مكياج /وهكذا)

عشان تعطي نفسك حقها وماتحسي انك اهملتي نفسك…وبيرجع انك تكوني بنشاط اكبر لغيرك وتعطيهم اهتمام بروح اقل عصبيه .. شخصيا جربتها كثير واحلى شي ضفته لروتيني بالاوقات الضيقه

بالنهايه

هذي طرق شخصيا جربتها سوا كان بالعيد او غيره باوقات فيها ارتباطات.. اكيد مابتناسب الكل ولكن تقدري تحاولي تطبقي ولو جزء من كل فكره بنسبه بسيطه…

شاركوا هالتدوينه لغيركم عشان يستفيدوا كمان .. ولا تنسوا تتابعوني عى مواقع التواصل الاجتماعي

وكل عام وانتوا بحب وامن وعافيه وسلام يارب

insta : @booshlife snap : boosh.life

كيف تستعدي لطلعه او دوام بعشر دقايق بأطلاله انيقة وبدون توتر

السلام عليكم ورحمة الله وبركاته

تدوينة جديده لسلسلة مواضيع كيف تقدري ؟ وهي سلسلة من مواضيع حياتيه تساعدك كيف تنجزي هدفك باسلوب سهل وسريع وبنفس النتايج الي يمكن تاخذ غيرك ساعات وايام وفلوس كثيره .. لاتنسوا تقروا باقي المواضيع الي تحت هالسلسلة عشان تستفيدوا

كيف تجهزي للعيد بأناقة وفخامه حتى بميزانية محدودة

ثلاث تساريح انيقة وبدون أستشوار وضرر لشعرك

كيف ترتبي غرفتك بساعه او اقل

كيف تغيري حياتك ويومك بخطوة وحده

اليوم الموضوع أكييييد رح يفيدكم كلكم سوا موظفة او لا … لان كلنا نمر باوقات تجينا طلعه مفاجئة او مامدانا نتجهز للطلعه او تأخرنا عن الخروج لمكان او دوام بسبب نوم والخ من المواقف

ولله الحمد اتوقع اني أحد المرشحين والمؤهلين اني اتكلم عن هالشي هههههههه لاني مو مره مع ترتيب الوقت فدايم اكون بوقت ضيق عشان أجهز نفسي … فالنقاط التالية رح تغير حياتكم وتخفف عنكم التوتر والضغط النفسي مرررره وتخردوا وانتوا واثقين من نفسكم ..

أولا : حددي روتين سهل لشعرك ولبسك ومكياجك وحتى طريقة ترويشك – الاستحمام

كيف روتين ؟؟؟

مثلا ! تعتمدي تسريحه او كم تسريحه لشعرك ( قد جربتيها من قبل او جربي تساريح بوقت فراغك لين تحصلي تساريح تعجبك ) .. وهالتساريح ماتحتاج استشوار او شغل كثير ! تقدري تسويها بدقايق وثواني … اقروا هالتدوينة عشان تساعدكم بالخطوة

ثلاث تساريح بدون استشوار أنيقة وسريعه

المكياج

المكياج كمان .. حاولي تشوفيلك اسلوب مكياج سرررريع وخفييف ويطلعك بمنظر مرتب ومو شرط واو ولكن يخليكي بشكل مهندم وانيق ومقبول وتقدري تضيفي عليه لو في وقت وتفخميه

ملابسك

برضو اللبس .. حاولي اوقات ماتشتري ملابس .. تشتري قطع تقدري تنسيقها باكثر من شكل او فساتين خفيفه وعملية تقدري تضيفي عليها اكسسوارات او تغيري من شكل اللبس بشي بسيط سوا اكسسوار او باسلوب المكياج والشعر والجزمه فيغير من نوع الفستان لخفيف او عملي او فخم وهكذا

الاستحمام والاغتسال

حتى الترويش !! الاستحمام !! اي حتى هالجزء … حاولي تشوفي أسلوب تنظفي نفسك بدقايق .. تحققي هدف النظافه وتشيلي الريحه الي مو حلوه .. بنفس الوقت ما تتأخري …

ليش الاستحمام نسويله هالشي… لان الترويش والاغتسال ياخذ وقت وانتي تبغي تطلعي بشكل مرتب وانيق ونظيف بوقت جداا ضيق .. فما نقدر نعتمد اسلوب الترويش العادي .. فناخذ اسلوب أسرع حتى لو ماكان هذا الي تحبيه او تفضليه ولكن الاهم هنا هو تحقيق هدف الطهاره .. لان مافي وقت

هذه الاسلوب يساعدك بتخفيف الضغط على نفسك ووقتك ومخك .. فتعرفي لو مامداكي تتجهزي عندك صورة وفكره جاهزه كيف تطلعي بشكل مرتب باسلوب سريع .. ويرضيك ويحقق مبتغاك .. حتى لو ماكان بنفس جوده الشياكه الي تبغيها ولكن حققنا خروجك بشكل مهندم ومقبول وأنيق

ثانيا : للموظفات .. اعتمدي نظام المريول للدوام

مع نظام الروتين زيدوا عليه هالنظام وهو كالاتي

نظام المريول – هذا اسم انا اخترعته ههه- وهو تعتمدي قطع هي بس الي تلبسيها لدوامك .. يسهل عليك وقت الصبح او بالليل اذا تجهزي من الليل

مثلا تعتمدي بلوزة او كم بلوزة وقميص مع كم تنورة وبنطلون .. وخلاص هم الي تلبسيهم وتغسليهم وتكويهم كل مره .. فتركيزك على هالاربع قطع بس .. لا تحوسي الصباح ايش البس او ايش اطقم على ايش ؟ هكذا مررره رح تريحكم هالفكره .. وكل ماحددتي القطع واللبس كل ماكان افضل

مثال عملي لكيف تتجهزي وانتي مسبقا عندك الروتين ونظام المريول