عشر الاف خطوه باليوم ونتايجها | تجربتي 10000steps per a day |my try

السلام عليكم ورحمة الله وبركاته

تجربة جديده ..لمده اسبوع

قررت ان كل اسبوع خلال شهر اسوي تحدي صحي..فقررت الاسبوع الماضي اذكر تحديات على الانستقرام والتصويت يكون لكم واخترتم ان نبدا نسوي – تحدي العشر الاف خطوه باليوم .. وهالتدوينه ذكر لتجربتي

وشكرا لكل الي تحمس وشارك ..وقعدنا نتواصل على الخاص

لاتنسوا تتابعوني على الانستقرام(@booshlife )عشان تعرفوا بالتحديات الجايه ..وتحدي هالاسبوع الجديد بيكون ( ماافتح مواقع التواصل الاجتماعي الا بعد خمس ساعات من صحياني )..

نرجع لتحدينا الاول وهو: ١٠،٠٠٠خطوه باليوم

ليه سويت هالتحدي؟ ايش الفائده منه؟

الخطوات او المشي هو اساس تكوين الجسم ..الجسم مصمم عشان سبحان الله يمشي.. وتقدروا تقروا فوائد المشي وكيف انه يحرك كل الجسم والمفاصل والعضلات…فهو حركه رياضيه اساسيه

والكثير من الدكاتره والاخصائين الرياضين .. يفضلون ان الشخص يمشي خلال اليوم افضل من انه بس يتمرن ساعه وباقي اليوم بدون حركه

والرقم عشر الاف خطوه ..هو رقم ينصح فيه كدلاله على وجود نشاط ممتاز خلال اليوم قام فيه الجسم

وهالموضوع شرحه طويل وتقدروا تبحثوا عنه بالتفصيل لاني مو مختصه

ولكن شخصيا كنت سابقا امشي وامشي لساعه ولله الحمد ولكن وقفت فتره..فحبيت ارجع واتحدى نفسي لو احاول بس

كيف الاسبوع كان وهل حققت الهدف ؟؟

اول كم يوم كان جدااا صعب اني احصل وقت امشي فيه… كان اغلبه جمعات عائليه والتزامات شغل

بعدها قررت ان بحاول لو نص ساعه ع الاقل هههههه ولا يروح التحدي بدون محاوله ..

فالحمدالله قدرت ع اخر كم يوم احاول اغلب يومي امشي (مو مخصصه وقت للمشي الا بس كان حق يوم او يومين خصصته لمده اقل من نص ساعه/ ولكن حاولت كل هالايام نشاطاتي والتزاماتي وطلعاتي تكون فيها حركه ومشي)

ولكن للاسف ماقدرت احقق المطلوب بالمشي بان غالبا مااكون مشيت مابين ٤٠٠٠ و٦٠٠٠

طيب كيف حسبت خطواتي او كيف احسب خطواتي؟

بالوقت (تقريبا ١٠٠٠٠ تساوي ساعتين تقريبا مخصصه للمشي )

او بجوالك تقدري تحسبي يكون معاكي وانتي تمشي

او تشتري ساعه رياضيه واسعارها تتفاوت ع حسب مميزاتها الزياده ولكن كلها تحسب الخطوات (٩٩ الى٢٠٠٠ ريال تقريبا )

التجربه هذي ايش فادتني فيه؟؟

اولا عرفت اني احتاج اركز ع نشاطي اكثر واتحرك اكثر

ثانيا عرفت ان مو شرط لانك تحسي انك تتحركي كثير معناته من جد قاعده تتحركي كثير اغلبها يمكن نحس بالتعب لاننا نسوي امورثانيه مع المشي فنحس باننا نبذل كثييييير.

ثالثا اذا انتي مهتمه بالمشي والحركه والرياضه استثمري بساعه رياضيه (هي مو مهمه ولا اساسيه ابداااا ) ولكن كدعم لك وتشجيع لهدفك اذا (لاحظتي انك مستمتره ع المشي والحركه وهذا هدفك )

حلو لو شريتيها ولكن شخصيا مااشوفها اساسيه او ضروريه ابدااا لان غالبا امشي واخصص وقت للمشي والاحظ فرق بجسمي ومرونتي وبدون ساعه ولا شي ولله الحمد

رابعا الحركه بركه ..وكثرت الحركه لاحظتها (مع اني ماحققت الهدف ) قد ايش تغير بنفسيتك وبيومك. حتى لو بوقتها تتعبين ولكن بعد ماتريحي رح تشوفي قد ايش فيك نشاط وحيويه

بالنهايه

تجربه جميله ..صح فشلت ولكن يكفي شرف المحاولة.. لاتنسوا تشاركوا هالتدوينة مع غيركم عشان يتحمسوا..ولاتنسوا كمان تتابعوني بالانستقرام وعالمدونة لكل مواضيع ويومياتي الصحيه

عيشوا بحب وايجابية

instagram: booshlife

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.