حسبت سعراتي الحراريه لمدة أسبوع والنتيجه روووعه | تجربتي calculating my calories for a week and the results were wow | my try

السلام عليكم ورحمة الله وبركاته

تجربة جديده للاسبوع الثالث .. من شهر من التجارب … بالانستقرام–هنا— كل التفاصيل والتطورات والتوثيقات فلا تنسوا تتابعوا الانستقرام عشان تشوفوا تحدي الاسبوع الجاي والاخير

وطبعا شكر كبييير للجميع الي اشتركوا بالتحديات وكلماتكم الجميله ورسايلكم الي كانت لي تحفيز .. شكرا لكم

حساب السعرات الحرارية لاكلنا لمدة أسبوع

تحدي الاسبوع كان بسيط ومو بسيط وهو

الي تحتاجوه هو : ورقة وقلم – ميزان اكل – وبرنامج يحسب السعرات …(يحسبلك السعرات الي تحتاجينها و حساب سعرات اكلك خلال اليوم

ولكن تقدروا بالنت تطلعوا مقاييس مختلفه عشان تحسبوا لو ماعندكم ميزان فمثلا تقدروا تشوفو كم 100 غرام تساوي بمقياس الكوب وتبحثوا كم سعراته وهكذا .. ولكن كادق واسهل ميزان أكل بيسهل عليكم كثير

انا استخدمت فيت بيت .. يكون مع ساعه المشي .. ولكن في برامج كثير واشهرها وافضلها

myfitnesspal

ليش هالتحدي ؟

اولا لاني حابه اعرف كمية الاكل الي اكلها ؟ وانتبه لحجم الكميه ؟ واشوف هل في فرق بالوزن او بالطاقه ؟ والاهم هل متعب القياس والحسبه ولا لا ؟ والخ .. مع ان مدة اسبوع جدا بسيطة عشان تشوفي نتيجة هالتحدي ولكن لمجرد التجربة خليناها اسبوع

كم سعره احتجتي خلال اليوم ؟

للامانه انا شاريه نظام من انظمة الدكتور فهد اليحيا .. حسابه هنا .. ومو ملتزمه فيه ميه بالميه ولكن اسلوب اكله يساعدني اخفف شهيه وعادات غلط باكلي .. بالتحدي قلت بالتزم بنظامه وكمياته وبحسب سعراتها .. فمااقدر احددلكم كم عشان لاحد يجرب نفس كميتي ويكون مايناسبه .. وبرضو انظمته لها حسبه تعدلي فيها الكميات ونوع الاكل ع حسب وضعك فيختلف الوضع جدا ..

كيف كانت التجربة خلال أسبوع ؟

بالبداية كان مو صعب قد ماهو شغل من جد .. لان اقراء القيم الغذائية بالمنتج الي باكل منه .. واحسب كم احتاج انا وبعدين يمكن يكون اقل الكميه من الي هم حاسبينها بالعلبه فلازم اقسم واطرح واضرب هههههههههههه < لا تشيلو هم بس بالبداية تحسو حوسه بعدين بثواني تسونها

فكان وجبات الاسبوع اخليها متكرره عشان اسهل بالحسبه هههههه بس اعيد نفس الحسبه الي فاتت وخلاص << ذكاء ولا مش ذكاء هههههههه

يعني مثلا الفطور كنت اكل نوعين يوم كورن فليكس بالحليب ويوم مثلا بيض وتوست وارجع اعيد هالوجبات الايام الثانيه ولكن طبعا في ايام اكل شي غير ولكن كررت هالوجبات كم مره

ومثلا الغدا اسوي كم يوم مكرونه بصلصه حمرا وكرات لحم كم مره سويت هالوجبة بالاسبوع عشان اسهل عندي الحسبه وحافظتها بالمفضله ولكن طبعا اكل وجبات ثانيه وهكذا

هل كنت اسوي رياضه خلال هالاسبوع ؟

اي . بس كان مشي من 8000 خطوة ال 10000 خطوة طبعا في يوم اتوقع سويت اقل ولكن غالبا كنت اوصل هالارقام الحمدالله

هل خبصتي او ماقستي وجبة خلال هالاسبوع ؟

اي اكييد غالبا يكون وجبة عشا مره كانت جمعه اهل وجمعه صحبات ولكن حاولت اني مااكثر وبعدها مااكل لين ثاني يوم وطبعا التزم بالحركه وشرب الموية – او اكل اكله ماعندي حسبتها فاكيد التخبيص موجود

النتيجه خلال اسبوع ؟

بديت الاسبوع بوزن 71 وقست الجمعه 69.3 كيلو قولو ماشاااااالله ههههههه بس اكيد انها مويات لان جسمي بالبداية ينزل ويرجع بسرعه والي يتابعني من زمان يعرف اني لي سنين قاعده بين السبعين واواخر السنتين لسا ولكن حبيت اني انتبهت ان هالكميه والحجم من الاكل الي كنت اكلها ساعدت جسمي يحس بفرق وبحاول التزم ان شالله

هل تنصحين احد بهالتجربة ؟

أكيدددد وترا غالبا هذا هو نمط الرياضيين او الي حابين يحققوا هدف معين بجسمهم .. لان الحسبه مو بس للسعرات كمان للمغذيات والفوائد الي تدخل بالجسم .. وانا انتبهت اني احتاج اركز اكثر على البروتين واخفف دهون شوي لان النسبه تطلعلي اعلى شي دهون ونشويات واقل شي بروتين … مره كانت تجربة حلوه وحماس صراحه مع شوي رياضيات ههههه

بالنهاية

لاتنسوا تتابعوني بالانيستقرام هنا .. والمدونة وتشوفوا التحديات السابقه .. والاكيد تنشروا التدوينة لغيركم عشان يستفيدوا

تحدي العشر الاف خطوة لاسبوع

تحدي مافي مواقع تواصل لمدة خمس ساعات

عيشوا بحب وإيجابية

Advertisements

4 Comments »

  1. مره حمستيني هبه😍، وبالذات ان لقيتي نتيجه لهالتعب ، اجمل شعور💘
    فعلا هالنظام ضروري يبدأون فيه اللي ودهم يلتزمون ويراقبون اكلهم بس مايقدرون ،، بيساعدهم مره كثير 💕

    Like

  2. افضل نظام على الاطلاق تحسين انك عارفه وش تاكلين حتى ماعاد تصيرين تخربطسن لو التزمتي فيه

    Like

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.