my try |workout for a week everyday نتائج كل يوم رياضه لمدة اسبوع |تجربتي

السلام عليكم ورحمة الله هوبركاته

السلام عليكم ورحمة الله وبركاته تدوينة اليوم تجربة لاخر أسبوع تحدي – سويناه بالانستقرام تحدي لمده شهر – لا تنسوا تشوفوا التحديات السابقة ونتائجها

رياضة كل يوم لمدة اسبوع

ليش هالتحدي ؟

حابة أشوف هل يمدي كل يوم أسوي رياضه ؟ كيف بتكون طبيعة اليوم ؟ هل بيكون سهل او بحس بضغط ؟ هل يناسب نمط حياتي ولالا ؟

كيف علاقتك بالرياضه بشكل عام ؟

احب اسوي رياضه واحب الحركه والنشاط . ولكن بسبب مشاكل صحية والي ذكرتها كثير مثل – التهاب المفاصل والربو – الي يثيروا علي كل فتره وفتره .. فصايره علاقة الرياضه معاي مو مستمرة وتكون بين فتره وفتره ونادره ماالتزم بوقت طويل لان يرجع علي الوجع والربو .. فصايره التزم اكثر باني اتحرك خلال اليوم وامشي

ولكن بشكل عام علاقتي بالرياضه جميله واحبها .. وأحب الشعور الي احسه بعد مااخلص الرياضه واتروش .. يكون كلي طاقه وحماس ونشاط لليوم حتى النفسية تتحسن مرره

فوائد الرياضة ؟

يبغالها تدوينة لحالها لو بنتكلم عن فوائد الرياضه .. ولكن بشكل عام مهما كان النشاط الي تسوينه .. اهم شي تحركي جسمك بالشكل الي يناسب حالتك ووضعك .. لان الحركه اساسية للعظام والدم والجسم بشكل عام

من اهم الفوائد هي :

  • تحسين المزاج
  • تنشيط الدورة الدموية بالتالي تحسين بالبشرة والنشاط وتقوية القلب
  • تحسين شكل الجسم
  • شد الجلد
  • مرونة للجسم وتقليل الخمول
  • تحسين لعمل الكثير من الهرمونات
  • والكثير والكثير من الفوائد

في تدوينات سابقه تكلمت عن مواضيع بعجبكم لو تبغي تبدي تسوي رياضة مثل

التجربة خلال أسبوع كيف كانت ؟

من أغرب الاسابيع كانت بالنسبه لي لان عادة أقدر التزم لاسبوع ولكن هالاسبوع بالذات كان صعب بالنسبه لي بسبب زحمة الايام ولخبطة النوم .. فحاولت لو خمس دقايق ع الاقل اسوي رياضه ..

اول يوم ماسويت لان جسمي كان جدا خملان بشكل غريب .. مع اني احاول اتحرك واتنشط ولكن في اوقات اعرف اني احتاج اسمع لجسمي لان يكون شي زايد عن العاده

الايام الي بعدها الحمدالله سويت رياضه .. وكانت لمده بسيطة – اقل من عشر دقايق .. والرياضات كانت بهالايام كالتالي – رياضه وحده لكل يوم . مو كلهم سوا

  • اثقال – تمارين يد
  • نط حبل
  • رقص
  • رقص – كان بزواج اهل هههه
  • غالبا هالايام الي سويت رياضه او الي ماسويت كنت مركزه على المشي الكثير خلال اليوم

واخر يومين ماقدرت اسوي رياضه .. مع ان للامانه بدون اعذار كان في مجال لخمس دقايق على الاقل .. ولكن بديت احس بوجع بالمفاصل والربو كان يجي خلال ايام الي سويت فيها رياضه .. وكانت هالايام الاخيره غالبيتها برا البيت .. فكنت حابه ارجع ارتاح .. ولكن لو بنتلكم عن هل في مجال او لا؟؟ الا كان في مجال لو لخمس دقايق

النتائج ؟

شخصيا مااقدر اقولكم شي غير مثل ماذكرت بداية التدوينة … نتائج الرياضه بعد ماتخلصي على طول هي الي تحببك بالرياضه .. ولاني كنت ملتزمة باكلي واحاول مااخبص حسيت اني خفيت بس اتوقع العامل الاساسي ماكان الرياضه قد ماكان الالتزام بالاكل

ولكن الي استفدت منه ان شخصيا مايناسبني التزم بايام كثيره خلال الاسبوع .. اتوقع ثلاث ايام بالاسبوع جدا ممتازة لي بحكم وضعي .. فحلو اني استوعبت هالنقطة لاني دايما اقول اقدر اسوي خمس ايام او ست .. بس واقعيا لا

والخمس دقائق صراحه تفرق كثير .. مع انها خمس دقايق بس ولكن الالتزام فيها رح يبين أثره .. فلا تستهينوا بهالشي ابدا

ساعتين رياضه بعدين تسحبي لين اسبوعين او شهر او غيره مابتفيدك .. ولكن خمس دقايق وباستمرار رح تحصلي فوائد ونتائج افضل .. فالاستمرارية اهم من الكم

وبس هذه كانت تجرتبي لهالتحدي .. لو حابين تحديات صحية ثانية شاركوني أفكاركم ولا تنسوا تتابعوني على الانستقرام لتتابعو يومياتي الصحية

ولا تنسوا تقروا التحديات السابقة ونتايجها

شاركوا هالتدوينة وغيرها وتابعوا المدونة لكل جديد

وعيشوا بحب وإيجابية

Advertisements

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.