نظامي الصحي خلال الحجر الصحي my healthy routine during quarantine

السلام عليكم ورحمة الله وبركاته

كيفكم ان شالله بخير .. وكيف التزامكم بتعليمات الدولة من ناحية الحجر الصحي وتخفيف التجماعات. انا حاليا بالحجر لي 9 ايام .. اكيد الموضوع مو سهل على الكل وبعض الناس ولله الحمد مافرق معاهم .. اهم شي نعمل بالاسباب ونتوكل على الله ونحاول نركز بجوانب ثانيه بدل التركيز على هالموضوع

وعلى فكرة نزلت اول بودكاست لي بمنصة – جرعة من عادة – روحوا اسمعوه شي خفيف ولطيف وباذن الله اتكلم فيه اكثر ..تابعوا حساب جرع من عادة والبودكاست كمان

روتيني الصحي خلال فترة الحجر

الحمدالله الحمدالله على أنظمة – جرعة من عادة – .. لانها مرنه ومعطيه كل شي حقه .. لما حولوا الشغل عن بعد وصار الحجر وهالامور ماتغير علي شي بالعكس زاد عندي وقت اسوي اشيا اكثر وارتب اموري ونظامي اكثر

طبعا هالشي مامنع ان في لخبطة وحوسه واعادة ترتيب اولويات ولكن انظمة جرعة من عادة سهلت الموضوع مره وقللت ضياع وقت كثير وساعدتني التزم أكر بمخططاتي

لان النظام سهل وخفيف والاهم مرن للتعديل

طيب أشرحيلنا نظامك ؟

نظامي مثل مااوثقه كل يوم بالانستقرام هو كالتالي

  • رياضة على الريق
  • وقت لديني
  • وقت لهواية او تعليم
  • وقت الشغل – الدوام-
  • وبعدين وقت اسوي في اي مسؤوليات عندي او التزامات متنوعة بتختلف كل يوم
  • وقت للفرز -تقليل الممتلكات
  • وقت لشغلي الخاص منصة جرعة من عادة والمدونة

مابين هالاوقات يتخللها اوقات راحه .. اوقات الاكل .. بس بالمجمل هذا هو روتيني الحالي او الامور الي ملتزمة فيها بانتظام

كيف نومك ؟ تلخبط مع وضع الحجر

لو تتابعوني بالانستقرام ماتسألون هالسؤال ههههه .. مسويه تحدي لمدة شهرالى شهرين ان احاول اصحى 5 الفجر … فحاليا مابين 5 و6 الصبح اصحى .. نرجع ونقول اكيد يتخللها اوقات اصحى متاخر طبيعي في مرحله التحدي .. ولكن ولله الحمد غالبا اصحى مابين 5 و6 الصبح

ليش تصحي بدري وانتي بالبيت ؟ ماتزهقين؟

للامانه فكرت بالموضوع ان غالبا اهلي كلهم زي باقي الناس نشاطهم يبدا قرب المغرب ومابعد .. وانا بصير بعد المغرب يبدا الخمول والنعاس يجني

بس للامانه ترتيب مهامي وانجازاتي الي اشوفها يوميا ( بالنسبه لي شي كبير يمكن للبعض لا ) تحمسني التزم واكيد اوقات امسك نفسي واطول ماانام عشان اقعد معاهم بس اكيد اشوف ضريبة التاخير ثاني يوم الصبح وانا مو شبعانه نوم

هالتحدي وكيف صار وكل التفاصيل بتدوينة ثانيه ان شالله

كيف الاكل الصحي معك ؟ خبصتي ؟

مش كثير.. وتكلمت بالاستقرام عن 3 طرق ساعدتني اقلل تخبيص – الموضوع هنا -.. ولكن برضو الي ساعدني اقلل تخبيص اني اصلا دايم اخبص وارجع التزم واخبص وارجع التزم فيمكن التكرار ولد فيني التزام اكثر هالفتره والفترات الي قبلها

طيب الليل كيف روتينك ؟

بالليل ماعندي شي محدد للامانه ( يمكن اسوي كم شغله ماسويتها خلال اليوم ).. بس متى ماابغا انام رحت تجهزت ونمت خاصه ان اغلب اموري انجزها قدر المستطاع خلال اليوم وبدايته

هل ملتزمة بروتينك اليومي الصباحي والمسائي دائما ؟

لا … رسالتي بمنصاتي كلها اني ابين ان حقيقة رحلتي الصحية والموضوع واقعي ف لابد ان يكون في تخبيصات سوا نفسيا مالك خلق او ظروف تداهمك .. ولكن الالتزام ايامه أكثر ولله الحمد وماجاء كثرت الالتزام الا من كثرت التخبيصات

طيب كيف ابدا اسوي روتين لي وارتب اموري ويومي ؟

اشتركي بأنظمة جرعة من عادة … الانظمة خفيفه ومرنه وواقعيه .. وتساعدك ترتبي نفسك وماتهملي اي جانب بحياتك بنفس الوقت ماتحسي ان الي تسوينه هم او شغل .. بالعكس لما توقفي تبغي ترجعي تلتزمي

والحلو فيها انها مصممة لك .. بعد الاشتراك يجيك بالايميل ملف تجاوبي على الاسئلة عشان يتم تصميم جدول يومي لك وقيمة الاشتراك اقل من 50 ريال .. يابلاش

بالنهاية

لاتنسوا تتابعوا المدونة وحساباتي بالتواصل الاجتماعي ومنصة جرعة من عادة وتسمعوا البودكاست .. وتنشروا هالتدوينة يمكن تساعد احد بهالوقت

عيشوا بحب وايجابية

Published by

boosh

1993 life style blogger i share my interest about health / organizing my life and mind / self development and more .. and i am not an expert in any of these fields

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.