تجربتي لنظام ورجيم النباتي -فيجن- لمدة أسبوع i Tried vegan lifestyle for a Week

السلام ورحمة الله وبركاته

كيفكم !؟ كيف الدراسة عن بعد .. ان شالله تكون تجربه نطلع منها بمهارات جباره ..صح بالبدايه صعبه بس باذن الله قدها

اليوم موضوعنا عن النظام النباتي … الفيجن … وتجربتي معاه لمدة اسبوع ! ايش رائي ؟ ايش سويت؟ايش اكلت ؟ايش حسيت ؟والخ

لااااززززم تقرو الموضوع لان التجربه كانت غرييييباااااااه

ايش هو النظام النباتي ؟؟

فكرته اساسا هو ان الانسان يعتمد على النباتات الخضروات الفواكهه كمصدر رئيسي واساسي ومتكامل في وجباته ويبتعد عن المنتجات الحيوانيه ومشتقاتها

في نوعين من النظام النباتي مشهورين وسط الشعوب؟

نظام النباتي (فيجيتيرين ) يعتمد على ان الشخص يقدر ياكل مشتقات حيوانيه مثل بيض/منتجات البان وهكذا بس ماياكل لحوم

نظام النباتي (فيجن) يعتمد ان الشخص بتاتا ماياكل اي شي من مصادر حيوانيه ولا مشتاقاتها ..وهذا الي انا جربته

سبب ظهور هالنظام ؟

بعطيكم بشكل عام او شرح مبسط … اولا السبب اخلاقيا او لمنع فعل مرفوض اخلاقيا ..وهو طريقه تعامل الشركات مع الحيوانات وكيف يقتلوها او يعاملوها بطريقه حتى اسلاميا محرمه (وانا معهم بهالنقطه) لان وان كان الذبح حلال ..طريقه التعامل محرمه /مكروه شرعا …. فكاسلوب اعتراض توقفو ان استهلاك منتجات حيوانيه

السبب الثاني بسبب ان بعض الشركات تحقن الحيوانات بهرمونات او يربوهم وياكلوهم بطريقه مو عضويه (يعني اكل صناعي كثير مو طبيعي ) فكثير يؤمنون ان بسبب هالاسلوب صايره في كثير مشاكل صحيه للانسان لانه مستهلك لمنتجات حيوانيه مو طبيعيه ..

السبب الثالث هو فوائد الجباره للماكولات النباتيه على الجسم وملاحظة ان كل ماتم تقليل استهلاك المنتجات الحيوانيه كل ما لاحظوا تحسن في صحة الجسم وكثير مشاكل صحيه خفت

نجي للمهم !!! هبه ليش اخترتي تبدي هالتجربة ؟؟

اولا لاحظت لفتره طويله ان عندي مشاكل هضميه (كثرت الغازات وانتفاخ البطن بس مو قولون ) وقعد اقرا كثير عن اسباب هالمشكله ودائما يطلعلي ان كثير عندهم حساسيه لاكتوز (حساسيه من سكر الحليب) وبسبب هالشي اشهر اعراضه هو كثرت الغازات … قلت رح انتبه ع نفسي والاحظ الايام الي اشرب فيها حليب او اكل اشياء مشتقات حليب

انا اعشق الحليب .. الايس كريم … فقط مو مره مع الاجبان فاغلب استهلاكي يا حليب او ايس كريم او شوكلاته فيها حليب …

لمدة طويله تقريبا شهرين لاحظت كل مااكل كورن فليكس مع حليب او ايس كريم .. هذا اليوم فيه اضطرابات هضميه عندي مو طبيعيه (مغص نفخه غازات) ..

فقررت اني اوقف منتجات الألبان…. بنفس الوقت الشهر الي راح بسبب لخبطة ايامي ونومي وانشغلاتي صاير استهلاكي للخضروات جدا سىء جدا جدا …

فقررت ابحث عن اسلوب اكل يناسب هالهدفين … فكان نظام النباتي افضل اسهل خيار

كيف تجهيزاتي؟؟

ماجهزت … قمت قلت يلا بكرا رح ابدا ونشوف التجربه …. لان كبدايه لو بحثت كثير اعرف ان يمكن يخوفي يوترني احس بانه نظام صعب او مابمديني اسويه او يحتاج شغل فقلت بتحدى نفسي وع قولتهم مع الخيل ياشقراء .. ونشوف ايش يصير

طيب هبه وقفتي كمان اللحوم والمشتقات الحيوانيه ؟

ايوا

كيف التجربة؟؟؟

جووووووووع

جوووووووووووع

جووووووووووووع

للامانه ماتوقعت هالشي ..كنت مره متحمسه وكنت متوقعه اني ابدا فعليا اتقبل النظام واعتمده نظام حيان لفتره …(لان احب الخضروات

بس ماتوقعت كميه الجوع الي حسيت فيها … وزعلانه ان هذه كانت تجربتي

هبه كيف جوووووع؟؟

بنات فعليا ماابالغ اكل الحين فطور .. ع طول ابغا ااكل شي . مثلا اكل وجبه ثقيله يعني فلافل حمص وخبز وبكميه مفتوحه وبعدها بطني احسه ثقيل بس مو شبع … شوي بعد كم ساعه او اقل احس بجوع

المشكله طبيعه الجوع واحساسه غريب كان لي يوم كامل مااكلت . يعني الاحساس هذا نادرا مااحس فيه يعني حتى واحنا صيام ما يجيني دايما . تعرفي الجوع الي يكون وجع وجع البطن مغصصص ..

وعلما انا غالبا مايكون مابين اخر وجبه و اول وجبه لليوم الثاني ١٢ ساعه او اكثر يعني متعوده ان تكون في وقت طويل مابين الوجبات ..

يعني الجوع كان بطني يعورني .. مزعج ويعور

هل في اعراض ثانيه؟؟

الخمول والتعب والكسل …

كان اكثر شي لاحظته هالاسبوع . للامانه غريب ومو معتاد .. يعني بس ابغا انام بس اتثاوب … ماقدرت انجز او اسوي رياضه (ماهو عذر اساسي )ولكن لاحظت ان مافي طاقه

طيب كيف كان اكلك؟؟؟

ملخبببط

اغلبه اندومي رز او فلافل ههههههه … بس شاركتكم بعض اطباقي على الانستقرام … بس في ايام مرتبه كمان

وكمان جات التجربه في وقت كنت اطلع كثير فاحتاج اكل اشياء سريعه التحضير فكانت شوربة او اطباق تتسوى بسرعه او اشتري

… ولكن أعرف ان اناغلطانه وماجهزت وجباتي وخلتها غنية بالخضروات هالفتره

طبعا الخبز فقط الي مامنعته(الي يكون فيه مشتقات حليب مثل بيض) قلت مو مشكله نخلي هذا ونلتزم بباقي الشروط علما اني مااكل خبز كثير بس لان نسيت وماكان عندي غيره اكله باحد الايام …

الكميات كانت مفتوحه صراحه … لان مااشبع ولاحظت انقنق بعد الوجبه كثير …. حتى وان كانت الوجبه دسمه

أسباب هالحوسه بالنظام والاكل ؟؟

السبب الي هو الاكيييييد الجووع المزعج لان مثل ماشرحت لكم بالبداية

ثانيا بسبب ان ماجهزت (والي ااكيد كان غلط بس النيه كانت نشوف الخيارات ونتاقلم عشان مااخوف نفسي من التجربه ..

السبب الثالث اتوقع من تجربتي ان شخصيا الشبع دائما يكون سببه استهلاك بروتين حيواني وهذا كان اهم خطوة عدلت في شهيتي ..فاتوقع فجاه اوقف فكانت ردة فعل جسمي سلبية للموضوع .. علما ان اكل اكل بكمية مفتوحه عشان اخفف من الشبع

السبب الرابع ان التجربه صارت قرب موعد الدورة الشهريه وانا غالبا تكون نفسيتي مفتوحه بهالوقت ولكن ارجع واقول طبيعة الجوع/الخمول كانت مره غيييير ..يمكن هي جزء من السبب بس مو الاساسي

هل في شي استفدتي منه ؟؟ ايجابيات ؟؟

الغازيات خفت كثيررر

نفخة البطن خفت كثير

نفخت ماقبل الدورة الي تكون بالجسم اقل من اول …

وصراحه هذا شي مره مره فرحني ..لان اولا تاكدت ان الالبان تاثيرها شبه سلبي علي ولابد اني اخففها …

عرفت ان جسمي يحتاج بروتين حيواني او انا شخصيا ونفسيا اشبع لما اكله (بس يمكن لو كملت رح يتاقلم

هل صعب تحصلي اكل نباتي؟

بالعكسسسسسس الاكل العربي نباااااتييييي

محاشي صواني ايدامات شوربات سمبوسات والخ اغلبها اطباق نباتيه بس لو نشيل المنتجات الحيوانيه والالبان فقط … وفي اطباق كثيره نباتيه بالاصل زي تبوله ورق عنب بليلة صينية خضار والخ

هالتجربه علمتك ايش؟؟؟

ان الاشخاص النباتيين اغلب مشاكلهم يمكن تكون من الغير يعني بيطلعو مطاعم مو اي مطعم بيوفر اكل نباتي خاصه لو ماكان عربي …

كثير او اغلب الحلويات ماهي نباتيه ….

يحتاجو يشتروا بدائل لو يبغو نفس الاكل الي ماهو نباتي يعني يشتروا بديل الايس كريم الجبن الخبز والي بالمقابل قد يكون غالي او نفس السعر …

ولكن يقدروا يكملو بنظامهم بدون شراء بدائل لان زي ماقلت اغلب الاطباق وكثير اطباق عربيه نباتيه …

النظام مايناسب الكل …. ولكن جمالية النظام بالمبداء الاخلاقي … وخلاني استوعب ان لازم افكر باكلي اكثر مين يصنعه وايش فيه

اخر شي ان النظام حاليا مايناسبني … ولكن ليش لا باني اخلي ايام نباتيه وايام لا ….

ورح ابدا الان فقط ابتعد او اخفف منتجات الالبان …

القياسات ؟؟؟

للاسف مااقدر اقيس لان مثل ماقلتلكم موعد الدورة قريب فاي ارقام للقياسات قد يكون غلط ولكن نفسيا احس ان اخف لان مثل ماذكرت قبل النفخه وغيره قلت كثير

هل بتعيدين التجربه؟؟

ليش لا .. المره الجايه بتكون مرتبه اكثر … فيها تجهيز اكثر … باذن الله

اخر شي؟؟

يمكن موضوع الجوع قد يكون حساس للبعض بسب ظروفه .. فاعتذر لو كان الموضوع اثر على شخص .. المقصد فقط اشارك تجربتي لهالنظام بشكل واقعي وبكل تفاصيله عشان يكون فيه مصداقيه لكم … ولكن الاهم من هذا كله ان اللهم لك الحمد اللهم لك الحمد اللهم لك الحمد دائما وابدا على كل حال … اللهم ارزقنا وزدنا وبارك لنا فيما اعطيتنا …

هل جربتوا النظام النباتي ؟؟ شاركوني تجربتكم

2 Comments Add yours

  1. Joharh World says:

    شخصيا ً ماعمري جرّبت النظام النباتي لأن أحس أن خيارات الأكل بتصير ضيقة ، مع العلم أني متأكدة أنه احساس غير صحيح ، و التنوع النباتي يتفوق على الحيواني . لكن ليش لأ ؟ يمكن يوما ً ما 🙂 . وحبيت جدا ً فكرة أنك دخلتي بسرعه في التجربة بدون تخطيط ، لأن فعلا احيانا التخطيط يأخر الواحد و يزود مخاوفه ,
    شاكره مشاركتك للتجربة . و استمري

    Like

    1. boosh says:

      شكرا لكلامك❤❤واذا جربتي لاتنسي تثريني بتجربتك

      Like

شاركوني أرائكم

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s

This site uses Akismet to reduce spam. Learn how your comment data is processed.