بودكاست : 3 طرق تخليك تحبي الخضروات لزيادة المناعه في زمن الكورونا

السلام عليكم ورحمة الله وبركاته

وحشتوني من زمااان عن التدوين .. كيفكم ؟ كيف الحضر ؟ والدوامات مع اوضاع كورونا ؟ الله يحميكم ويشفي مرضانا ومرضى المسلمين

ندخل بالموضوع على طول .. اذا تتابعوني على السناب والانستقرام .. تعرفو ان منصه جرعه من عادة .. صار عندها برنامج بودكاست ولازم تتابعون صفحة جرعه من عادة والبودكاست عشان تشوفوا الحلقات السابقه

البرنامج اسمه SHOTS OF WHAT ?

موجود بالابل بودكاست والساوند كلاود والسبوتيفاي

حلقه الاسبوع والحقلتين الجايه باذن الله مخصصه لوضع الكورونا .. وتكلمت فيها كيف صرت احب اكل خضار أكثر من قبل وصرت اتقبل الخضروات اكثر .. سابقا كنت اكل نوعين او ثلاث بس … بالبودكاست تكلمت عن 3 طرق سهله وتساعدك تبدي عاده صحية مفيده لك

خاصه الان بوضع الازمه الحالي .. مناعتك هي اساسك والسلاح بعد الله بانك تقاتلي هالمرض .. طبعا احنا نعمل بالاسباب والاقدار بيد الله … الخضروات مليانه فيتامينات ومعادن وفوائد كثيره وجباره .. فلابد انك تبدي تخليها جزء من روتين أكلك

فاسمعي البودكاست واستمتعي وان شالله يفيدك ويفيد الي حولك ..

رابط البودكاست

ايش اخذ من مكملات واكلات تزيد المناعه بوقت الحجر المنزلي – فايروس كورونا my supplement during quarantine

السلام عليكم ورحمة الله وبركاته

شاركتكم بالانستقرام اي موضوع تبغوني اكتبه وكان مابين ( تحدي الصحيان 5 صباح) او ( مكملاتي الغذائية هالفترة ) والاغلب اختار المكملات الغذائية … ودا هو موضوع اليوم ان شالله بالمدونة

المكملات الغذائية ؟ ايش فايدتها ؟

انا مو مختصة ولا خبيرة .. انا أشاركم تجربتي ومعلوماتي الي متاكده منها فقط .. فلازم تتأكدوا قبل لا تاخذو اي شي ان صحتكم تمام او يناسب وضعكم الصحي

طيب ايش هي المكملات الغذائية ؟؟ هي باختصار او بشرح سريع هي غذاء اواكل ولكن بصورة مختلفة تكمل النقص الي بأكلكك … او اذا انتي ماتاكلي كويس تاخذي هالمواد عشان تغطي النقص أو تزيدي تنوع الفوائد في أكلك

ولكن !!!!! في ناس تعتبرها شي أساسي ؟؟ او لابد منه !! او اذا مااخذته فوضعي غلط !! .. من اسمها مكمل !!

ولازم تعرفي اذا اخذتي مكملات و وأكلك العادي هو ناقص كثير مارح يساعدك اذا بس بتعتمدي على المكملات .. لازم تحاولي تعدلي اكلك .. لان بالنهاية الاكل الطبيعي أفضل واحسن وهو المصمم لجسمك .. الباقي يعتبر مكمل مساعد يسهل لك تكملة النقص فقط

هل مهم المكملات هالفترة ؟؟

.. يعتمد على وضعك الصحي وطبيعة أكلك الحالي ونشاط .. المهم هالفترة زيادة المناعة المناعة المناعة لان الفايروسات دائما جسمنا يهاجمها فلازم نزيد المناعة اكثر هالفترة لان نحتاج مناعو أقوى من قبل لان هالفايروس قوي جدا … بس بالنهاية احنا نعمل بالاسباب وبالنهاية اقدار ومشيئة الله ولكن لابد من اخذ الاحتياطات كلها ومن ضمنها اكلك وطبيعة نومك ونشاطك

ايش اشكال المكملات ؟

في حبوب … في بودرة … في سائل … وفي انواع لان يعتمد على طبيعة جسمك والامتصاص . .في ناس تفضل البودرة لان بتحطها بوجبتها او حبوب لان نتائ الامتصاص بجسمها افضل او غيره من الاسباب

وفي مكملات لفيتامينات ومعادن او احماض وغيره .. وفي الي تكون مكمل أكل .. وهي اصلا اكل ( يعني شاهي بودرة او ثوم بشكل حبوب او بودرة او بروتين على شكل بودرة او جرعة كركم وهو عباره عن عصير كركم ) وهكذا

فمو كل المكملات تعتبر صناعيه اوبس حبوب .. في بعضها أكل وينضاف في اكلك ومشروبك

متى تبان نتائج المكملات ؟

الشي الي مو حلو في اي مكمل خاصه الحبوب من تجربتي مايبان نتائجه بسرعه وهذا طبيعي لان لازم يكون في اخذ مستمر عشان الفوائد تنبني في جسمك وتغطي النقص .. فاوقات يكون ملل او زهق وتوقفي اوقات او تنسي او تحسي بدون فائده بس لازم تاخذي وقتك يعني لمده شهر او اكثر في البعض ينصح لمدة 3 شهور بعدين تشوفي الفوائد .بس يعتمد على حسب جسم كل وحده وامتصاصها للفوائد واكيد اكلها ووجباتها الي اكيد بتساعد مع المكملات

مكملاتي الحالية ؟

الحديد : لان عندي نقص عالي

فيتامينات متعددة : الحبوب الي تحتوي على فيتامينات متعددة

عسل : اخذ ملعقة عسل

حبة سوداء : كفاية انها توصية الرسول وقوتها للمناعه جبارة وهالفتره احتاج التزم فيها

جرعات : الي يتابعني بالانستقرام يعرف قد ايش انا والجرعات اخوان هههههه – اقرو موضوع هنا و كمان حطيت وصفة المناعة جديدة بالانستقرام – هنا – ووصفة المناعة سابقة – هنا– وفي وصفة الشيخوخة – هنا– … اخر وصفة حطيت فيها العسل والحبه السوداء فيكوو بشي واحد

المغنيسيوم : لان قريت انها كويس لدعم العظام والعضلات بحكم ان عندي التهاب ولكن لسا مااقدر اتكلم عنها لان لسا قبل شهر بديت

هل في مكملات تبغي تاخذيها ؟

حابه اجرب بودرة الخضار وهي عباره عن خضار مشكل ( مختارين الخضار الي معروف بكمية الفوائد الكبيرة الي فيهم ) .. في كثير ماركات وكثير انواع

فحابة اجرب هالشي لان مقصرة باكل الخضروات وكتنويع طريقة مختلفه تاكلي خضرواتك وخاصه اني ابغا اشرب مشروبات وعصيرات صحية أكثر من قبل

بالنهاية

لازم تنتبهوا من المكملات لان مو كل شي يناسبكم والكميات لازم تكو مدروسة قدر المستطاع لان يمكن توص لحد التسمم الله يحميكم

لاتنسوا تشاركوا هالتدوينة مع غيركم وتابعوني على الانستقرام والسناب

عيشوا بحب وايجابية

نظامي الصحي خلال الحجر الصحي my healthy routine during quarantine

السلام عليكم ورحمة الله وبركاته

كيفكم ان شالله بخير .. وكيف التزامكم بتعليمات الدولة من ناحية الحجر الصحي وتخفيف التجماعات. انا حاليا بالحجر لي 9 ايام .. اكيد الموضوع مو سهل على الكل وبعض الناس ولله الحمد مافرق معاهم .. اهم شي نعمل بالاسباب ونتوكل على الله ونحاول نركز بجوانب ثانيه بدل التركيز على هالموضوع

وعلى فكرة نزلت اول بودكاست لي بمنصة – جرعة من عادة – روحوا اسمعوه شي خفيف ولطيف وباذن الله اتكلم فيه اكثر ..تابعوا حساب جرع من عادة والبودكاست كمان

روتيني الصحي خلال فترة الحجر

الحمدالله الحمدالله على أنظمة – جرعة من عادة – .. لانها مرنه ومعطيه كل شي حقه .. لما حولوا الشغل عن بعد وصار الحجر وهالامور ماتغير علي شي بالعكس زاد عندي وقت اسوي اشيا اكثر وارتب اموري ونظامي اكثر

طبعا هالشي مامنع ان في لخبطة وحوسه واعادة ترتيب اولويات ولكن انظمة جرعة من عادة سهلت الموضوع مره وقللت ضياع وقت كثير وساعدتني التزم أكر بمخططاتي

لان النظام سهل وخفيف والاهم مرن للتعديل

طيب أشرحيلنا نظامك ؟

نظامي مثل مااوثقه كل يوم بالانستقرام هو كالتالي

  • رياضة على الريق
  • وقت لديني
  • وقت لهواية او تعليم
  • وقت الشغل – الدوام-
  • وبعدين وقت اسوي في اي مسؤوليات عندي او التزامات متنوعة بتختلف كل يوم
  • وقت للفرز -تقليل الممتلكات
  • وقت لشغلي الخاص منصة جرعة من عادة والمدونة

مابين هالاوقات يتخللها اوقات راحه .. اوقات الاكل .. بس بالمجمل هذا هو روتيني الحالي او الامور الي ملتزمة فيها بانتظام

كيف نومك ؟ تلخبط مع وضع الحجر

لو تتابعوني بالانستقرام ماتسألون هالسؤال ههههه .. مسويه تحدي لمدة شهرالى شهرين ان احاول اصحى 5 الفجر … فحاليا مابين 5 و6 الصبح اصحى .. نرجع ونقول اكيد يتخللها اوقات اصحى متاخر طبيعي في مرحله التحدي .. ولكن ولله الحمد غالبا اصحى مابين 5 و6 الصبح

ليش تصحي بدري وانتي بالبيت ؟ ماتزهقين؟

للامانه فكرت بالموضوع ان غالبا اهلي كلهم زي باقي الناس نشاطهم يبدا قرب المغرب ومابعد .. وانا بصير بعد المغرب يبدا الخمول والنعاس يجني

بس للامانه ترتيب مهامي وانجازاتي الي اشوفها يوميا ( بالنسبه لي شي كبير يمكن للبعض لا ) تحمسني التزم واكيد اوقات امسك نفسي واطول ماانام عشان اقعد معاهم بس اكيد اشوف ضريبة التاخير ثاني يوم الصبح وانا مو شبعانه نوم

هالتحدي وكيف صار وكل التفاصيل بتدوينة ثانيه ان شالله

كيف الاكل الصحي معك ؟ خبصتي ؟

مش كثير.. وتكلمت بالاستقرام عن 3 طرق ساعدتني اقلل تخبيص – الموضوع هنا -.. ولكن برضو الي ساعدني اقلل تخبيص اني اصلا دايم اخبص وارجع التزم واخبص وارجع التزم فيمكن التكرار ولد فيني التزام اكثر هالفتره والفترات الي قبلها

طيب الليل كيف روتينك ؟

بالليل ماعندي شي محدد للامانه ( يمكن اسوي كم شغله ماسويتها خلال اليوم ).. بس متى ماابغا انام رحت تجهزت ونمت خاصه ان اغلب اموري انجزها قدر المستطاع خلال اليوم وبدايته

هل ملتزمة بروتينك اليومي الصباحي والمسائي دائما ؟

لا … رسالتي بمنصاتي كلها اني ابين ان حقيقة رحلتي الصحية والموضوع واقعي ف لابد ان يكون في تخبيصات سوا نفسيا مالك خلق او ظروف تداهمك .. ولكن الالتزام ايامه أكثر ولله الحمد وماجاء كثرت الالتزام الا من كثرت التخبيصات

طيب كيف ابدا اسوي روتين لي وارتب اموري ويومي ؟

اشتركي بأنظمة جرعة من عادة … الانظمة خفيفه ومرنه وواقعيه .. وتساعدك ترتبي نفسك وماتهملي اي جانب بحياتك بنفس الوقت ماتحسي ان الي تسوينه هم او شغل .. بالعكس لما توقفي تبغي ترجعي تلتزمي

والحلو فيها انها مصممة لك .. بعد الاشتراك يجيك بالايميل ملف تجاوبي على الاسئلة عشان يتم تصميم جدول يومي لك وقيمة الاشتراك اقل من 50 ريال .. يابلاش

بالنهاية

لاتنسوا تتابعوا المدونة وحساباتي بالتواصل الاجتماعي ومنصة جرعة من عادة وتسمعوا البودكاست .. وتنشروا هالتدوينة يمكن تساعد احد بهالوقت

عيشوا بحب وايجابية

شهر بدون نفايات ؟؟؟؟؟ ممكن ؟

السلام عليكم ورحمة الله وبركاته

تدوينة اليوم تحدي جا فجاءة امس !!! المشكله ان الفكره جات فجاءه ومعناته يا الموضوع بوديني بستين داهيه او مره بيغير فيني وبيفيدني .. حبيت أطرح الفكره على طول عشان أغصب نفسي التزم لاني قولتلكم بسويه فدايم بحط ببالي ان لازم التزم عشان بكتبلكم تجربتي بالمدونة بعد التحدي فلازم التزم للمصداقية الي متعودة أشاركم فيها

التحدي مو غريب علي وفكرته شي انا احبو واطبقه بجز من حياتي .. سويت دورة مجانية بسيطة بالسناب تكلمت عنو و بالاستقرام أشاركم رحلتي كمان .. ولكن هالمره الوضع مره اكبر وأعم وتفصيلي أكثر

تحدي شهر بدون نفايات ؟؟؟؟

الفكره ان خلال شهر كامل ماأسوي أي نفايات واحاول التزم بنمط حياه خالي من البلاستيك واي شي يترمي بالزبالة من كل المجالات أكل لبس واي مشتريات واغراض بيومي

هبه !! مستحيل ماتسوي نفاية بيومك ! مستحيل !! فبتخسري اكيد !

النفايات الي بنتكلم عنها .. نفايات أستهلاكيه .. منتجات أشتريها منتجات استخدمها بحياتي .. والعنصر الأساسي ان النفايات ونوعها الي لازم أوقفها هي الي ماتعاد تدويرها وماتتحلل .. يعني تنرمي ومارح تتحل بس بتاخذ مساحه ع الفاضي بالأرض وبالمكان

ولكن مسموح لي المنتجات الي علبها بتتحلل او يعاد تدويرها او اكيد الاكل الي يتحلل يعني حتى لو في بقايا اكل وترمت رح تتحلل … وهكذا

شروط وقوانين التحدي هي:

المدة : شهر … النفايات الممنوعة : الذي لا يتم إعادة تدويره ولا يتم تحلله .. النفايات المسموحة: النفايات التي تكون قابلة على التحلل وإعادة التدوير .. تطبيقه :على كل مجالات حياتك .كل شي

الصعوبات الي فكرت فيها ؟ بعض منها

اول شي فكرت فيه هو الدجاج ههههههه يجي بصحن وعليه بلاستيك فايش بسوي ؟ ههههه معرف

كمان الأمور الشخصيه مثل انتو بكرامه الفوط الصحية فيها أكياس بلاستيك وهي تكون مغلفه ببلاستيك او العلبه الاساسيه .. عود الاذاني كمان بلاستيك ..

كثير من الاكل يجيك مغلف معناته لازم اسوي اكل بالبيت من الصفر

ايش احساسي قبل لا أبدا ؟

احتاج اقضي هههههههه قبل لا ابدا عشان ما اشتري << خدااااااع هههههه .. بس من جد جد أتكلم احس احتاج اوفر منتجات واغراض صديقة للبيئة عشان تساعدني وتدعمي برحلتي .

فمتوترة وشايله هم ان كيف بسوي خاصه ان الموضوع كبير ومتشعب وحابه اطبقه بالتفصيل حتى لو كان في أمور رح تزعجني بس حابه اتحدى نفسي والاهم اعلم نفسي الصبر والمسؤولية وان مو لازم كل شي يمشي زي ماابغا لازم

احد بيسوي معاي التحدي ؟

لا

والاغراض الي تستخدميها حاليا الي تعتبر نفايات بالنسبه للتحدي ايش رح تسوي فيها ؟

افكر ان يا اكمل استخدمها ( اذا مارح تخلص بالفتره ) يعني مارح تعتبر نفايه أصلا .. او ابطل استخدمها هالفتره واشتري بدائل واشوف التجربة .. وانا افكر بالجواب الثاني اكثر بس بشوف

هل في ميزانية للتحدي

أكيد بحاول احط ميزانية وماابغا اطلع منها واشوف هل تضبط او لا

بالنهاية

أتمنى تشاركوني هالتحدي لو باي أستطاعه تقدرو عليها مو لازم كل شي .. على الأقل حددو غرضولا تستخدموه وتشوفو البدائل ووضعكم بدون هالغرض . ولاتنسوا تتابعوني بالنساب والانستقرام عشان بشارك وضعي خلال هالشهر كامل والاغراض الي شريتها للتحدي كمان

عيشوا بحب وإيجابية

اهدافي لسنه 2020 ؟؟ my 2020 Goals

السلام عليكم ورحمة الله وبركاته

تدوينة اليوم بشاركم اهدافي الي حابه اوصلها وأحققلها .. طبعا شخصيا ما اؤمن بسالفه السنه الجديده .. لان لما صرت اقول رح ابدا بداية الاسبوع او الشهر الجاي !والخ حسيت ان كل مافشلت في يوم استنى موعد جديد عشان ابدا يا يكون بداية الاسبوع / الشهر الجاي / السنه الجاية .. وربنا انعم علينا كل يوم هو يوم جديد لفرصه جديده نستغلها ..

فشخصيا لو بحدد وقت غالبا اعتمد ( شهر رمضان ) كمرحله انتقالية .. سوا كيف بطلع من رمضان او كيف ابغا ادخل رمضان . الله يبلغنا اياه يارب …

ولكن صرت احب اخلي كل يوم جديد فرصه جديده .. فحتى انتي بكرا فرصه انك تبدي الي فشلتي فيه او لسا مابديتي .. لا تستني وقت لان عمرك مو بيدك !بيد الله فاستغلي كل فرصه الله يطول بعمرك وبعمري وعمر المسلمين جميعا

اهدافي

عندي اهدافي جديدة وأهداف بديت فيها ولسا ماحققتها وابغا اشتغل عليها

رسم لوحة اهدافي او الي اسمها لوحة الرؤية معاكم على السناب .. فتابعوني بالسناب

boosh.life

واذا تبغو تعرفوا كيف تصمموا أفضل لوحة لهدافكم ورؤيتكم عشان تحققوها صح .. اقروا هالموضوع اول

خمس نصائح لصنع لوحة الهام واقعية سهلة وتستطيعي تحقيقها

الجانب المهني

الحمد الله وشكرا لدعمكم انشات منصة ( جرعة من عادة) الي تعتبر منصه للجميع لتحسين جودة الحياة ..

زوروا الموقع http//:www.soa-wellness.myshopify.com

والحساب بالانستقرام @soa_wellness

هدفي اني أنجح هالمنصة وأبدا أسوي أول دورة او جمعة للمشتركين ..

اتمنى أستمر انجح واطور مدونتي . الي هي أول شغل بديته ومكان مريح احب اشارك فيه رحلتي الصحية

اتمنى اسوي عملي او شغلي او شراكه مع شركة شارك هب ( مكان مكاتبهم واجتماعتهم حلو ههههه

اتمنى استثمر واتعلم بالاستثمار أكثر

الجانب الصحي

حابه اكمل مشواري الصحي من ناحية الاكل ( واكل خضروات خضرا كثير )والرياضه .. اتمنى استمر بالرياضه ومااقطعها والاهم اطلعلي عضلات بطن هههههه

اشترك بنادي او اسويلي نادي خاص فيني بالبيت

استمر على رحلتي ( تقليل النفايات ) واتعاون مع شخصيات ملهمة لنشر الوعي

ايضااوصل للشكل المثالي بالنسبه لي او الوزن المثالي بدون مايكون هوس ان شالله

الجانب الشخصي

اهتم ببشرتي / شعري أكثر واحقق نتايج مرضيه

أقدر الي حولي واكون حاضره ذهنيا أكثر معهم من اهل واصحاب

اقلل استخدام التليفون

احفظ قران واقوي علاقتي بربي أكثر ( لانها من احلى الامور نتايجها مدمنة وماابغا ضغط الحياه ياخذني منه

طبعا اقلل كلام ههههههه عادة فيني مزعجه ولكن النيه طاهره بس رح احولها لمصدر دخل فاقلل كلام عشان الي يبغا كلامي يدفع هههههه << العرق الحضرمي التجاري بدا يطلع

بالنهاية

هذه اهدافي واتمنى احققها واحقق اكثر .. طبعا بعد تيسير الله .. الله يوفقنا ويسهل امورنا ويريزقنا القدرة والقوة والتيسير يارب .. انتوا ايش اهدافكم لهالسنه وهل بتسو لوحة باهدافكم ؟

نصايح للبدء في رجيم الديتوكس tips when starting a detox diet

السلام عليكم ورحمة الله وبركاته

سابقا تكلمت بتدوينة عن تجربتي بالديتوكس ( التطهير ) وكيف كانت التجربة .. والان رجعت ابغا اسويه لان لي اسبوع الخبط بالاكل بكميات جدا جدا كبيره ولخبطه حسيت بنفخه وانزعاج فحبيت قبل لا اعدل اكلي ويومي .. اطهر جسمي واريحه لفتره بسيطه .. ولاني جربت من قبل حبيت انصحكم بامور لازم تاخذوها بعين الاعتبار وجدا مهمة

نصايح قبل البدء برجيم الديتوكس ( تطهير الجسم ) – رجيم العصائر

اولا : يوم لازم قدر المستطاع !قدر المستطاع مايكون في ضغط ( شغل كثير \ مجهود حركي ) حاولي تخففي ضغط اليوم قدر الامكان .. وقفي الامور الي تسويها عادة – لو في مجال لان الاتي رح يصيبك – كلهم او بعضهم

  • صداع ! احتمال كبير يجيك صداع _ يختلف حدته على حسب كل شخص وجسمه
  • دوخة
  • خمول – بكم ان العصاير خفيفه وماتشبع وماتعطي طاقه عاليه للجسم
  • عصبية – فحاولي تمسكي نفسك وتذكري نفسك بان طبيعي تحسي بعصبيه او حراره لان هالوقت يعتبر صدمه للجسم فلازم تتماسكي
  • جوع .. برضو بحكم ان مافي اكل .. وبيوصل الجوع يمكن لمغص

ثانيا : نوعي انواع العصاير .. لا تلتزمي بنوع معين عشان ماتطفشي وتقدري تضيفي شاهي كمان

ثالثا : البعض يضيف وجبة مثلا مكسرات او سلطة خلال يوم التطهير – والبعض لا ويلتزم بالمشروبات فقط

رابعا : اليوم الي تبدي فيه التطهير لازم لازم تذكري نفسك بان التعب والاعراض الي احس فيها طبيعيه ولازم مااخليها تتحكم فيني .. يعني لا تقعدي تصارخي على غيرك \ تنزعجي من غيرك.. تحملي وذكري نفسك ان من التطهير عشان تهدي

خامسا : حاولي تشغلي نفسك بامور تحبيها تبعد ك من انك تفكري بالموضوع والجوع والتعب ( اولا قلت لا تسوي شغل واقصد شغل مهام يحتاج تركيز وجهد جسدي وامور مهمة ) ولكن تحتاجي مثلا تشوفي فيلم او تنشغلي بهواية او بجوالك او تطلعي تتمشي والخ

سادسا :أقري عن الموضوع اكثر .. شوفي تجارب الناس … تجربتي بهالتدوينة – هنا – عشان تستعدي نفسيا وجسديا وتاخذي نصايح يمكن تغفلي عنها

سادسا : مولازم تسويه لكم يوم .. عادي لو يوم واحد كل فتره .. شوفي وضعك وهو يحدد هل تقدري تكملي او لا

أدري بتقولي .. الحين كل هالامور ولسى الناس تسويه ههههههههه .. فوائده جميله ومهمه خاصه للي يلخبط كثير ويبغا ينظف ويريح جسمه وجهازة الهضمي .. ولكن بالمقابل يعتبر نظام قاسي عالجسم فلابد من هالاعراض .. فمهم تنتبهوا وتاخذوا بعين الاعتبار كل هالنصايح .

قد جربتي الديتوكس ؟ اذكريلي تجربتك بالتعليقات

بالنهايه

لاتنسوا تتابعوا المدونة لكل جديد وتتابعوني بالانستقرام والسناب لكل محاولاتي الصحية ويومياتي

snap : boosh.life insta : @booshlife

my try |workout for a week everyday نتائج كل يوم رياضه لمدة اسبوع |تجربتي

السلام عليكم ورحمة الله هوبركاته

السلام عليكم ورحمة الله وبركاته تدوينة اليوم تجربة لاخر أسبوع تحدي – سويناه بالانستقرام تحدي لمده شهر – لا تنسوا تشوفوا التحديات السابقة ونتائجها

رياضة كل يوم لمدة اسبوع

ليش هالتحدي ؟

حابة أشوف هل يمدي كل يوم أسوي رياضه ؟ كيف بتكون طبيعة اليوم ؟ هل بيكون سهل او بحس بضغط ؟ هل يناسب نمط حياتي ولالا ؟

كيف علاقتك بالرياضه بشكل عام ؟

احب اسوي رياضه واحب الحركه والنشاط . ولكن بسبب مشاكل صحية والي ذكرتها كثير مثل – التهاب المفاصل والربو – الي يثيروا علي كل فتره وفتره .. فصايره علاقة الرياضه معاي مو مستمرة وتكون بين فتره وفتره ونادره ماالتزم بوقت طويل لان يرجع علي الوجع والربو .. فصايره التزم اكثر باني اتحرك خلال اليوم وامشي

ولكن بشكل عام علاقتي بالرياضه جميله واحبها .. وأحب الشعور الي احسه بعد مااخلص الرياضه واتروش .. يكون كلي طاقه وحماس ونشاط لليوم حتى النفسية تتحسن مرره

فوائد الرياضة ؟

يبغالها تدوينة لحالها لو بنتكلم عن فوائد الرياضه .. ولكن بشكل عام مهما كان النشاط الي تسوينه .. اهم شي تحركي جسمك بالشكل الي يناسب حالتك ووضعك .. لان الحركه اساسية للعظام والدم والجسم بشكل عام

من اهم الفوائد هي :

  • تحسين المزاج
  • تنشيط الدورة الدموية بالتالي تحسين بالبشرة والنشاط وتقوية القلب
  • تحسين شكل الجسم
  • شد الجلد
  • مرونة للجسم وتقليل الخمول
  • تحسين لعمل الكثير من الهرمونات
  • والكثير والكثير من الفوائد

في تدوينات سابقه تكلمت عن مواضيع بعجبكم لو تبغي تبدي تسوي رياضة مثل

التجربة خلال أسبوع كيف كانت ؟

من أغرب الاسابيع كانت بالنسبه لي لان عادة أقدر التزم لاسبوع ولكن هالاسبوع بالذات كان صعب بالنسبه لي بسبب زحمة الايام ولخبطة النوم .. فحاولت لو خمس دقايق ع الاقل اسوي رياضه ..

اول يوم ماسويت لان جسمي كان جدا خملان بشكل غريب .. مع اني احاول اتحرك واتنشط ولكن في اوقات اعرف اني احتاج اسمع لجسمي لان يكون شي زايد عن العاده

الايام الي بعدها الحمدالله سويت رياضه .. وكانت لمده بسيطة – اقل من عشر دقايق .. والرياضات كانت بهالايام كالتالي – رياضه وحده لكل يوم . مو كلهم سوا

  • اثقال – تمارين يد
  • نط حبل
  • رقص
  • رقص – كان بزواج اهل هههه
  • غالبا هالايام الي سويت رياضه او الي ماسويت كنت مركزه على المشي الكثير خلال اليوم

واخر يومين ماقدرت اسوي رياضه .. مع ان للامانه بدون اعذار كان في مجال لخمس دقايق على الاقل .. ولكن بديت احس بوجع بالمفاصل والربو كان يجي خلال ايام الي سويت فيها رياضه .. وكانت هالايام الاخيره غالبيتها برا البيت .. فكنت حابه ارجع ارتاح .. ولكن لو بنتلكم عن هل في مجال او لا؟؟ الا كان في مجال لو لخمس دقايق

النتائج ؟

شخصيا مااقدر اقولكم شي غير مثل ماذكرت بداية التدوينة … نتائج الرياضه بعد ماتخلصي على طول هي الي تحببك بالرياضه .. ولاني كنت ملتزمة باكلي واحاول مااخبص حسيت اني خفيت بس اتوقع العامل الاساسي ماكان الرياضه قد ماكان الالتزام بالاكل

ولكن الي استفدت منه ان شخصيا مايناسبني التزم بايام كثيره خلال الاسبوع .. اتوقع ثلاث ايام بالاسبوع جدا ممتازة لي بحكم وضعي .. فحلو اني استوعبت هالنقطة لاني دايما اقول اقدر اسوي خمس ايام او ست .. بس واقعيا لا

والخمس دقائق صراحه تفرق كثير .. مع انها خمس دقايق بس ولكن الالتزام فيها رح يبين أثره .. فلا تستهينوا بهالشي ابدا

ساعتين رياضه بعدين تسحبي لين اسبوعين او شهر او غيره مابتفيدك .. ولكن خمس دقايق وباستمرار رح تحصلي فوائد ونتائج افضل .. فالاستمرارية اهم من الكم

وبس هذه كانت تجرتبي لهالتحدي .. لو حابين تحديات صحية ثانية شاركوني أفكاركم ولا تنسوا تتابعوني على الانستقرام لتتابعو يومياتي الصحية

ولا تنسوا تقروا التحديات السابقة ونتايجها

شاركوا هالتدوينة وغيرها وتابعوا المدونة لكل جديد

وعيشوا بحب وإيجابية

حسبت سعراتي الحراريه لمدة أسبوع والنتيجه روووعه | تجربتي calculating my calories for a week and the results were wow | my try

السلام عليكم ورحمة الله وبركاته

تجربة جديده للاسبوع الثالث .. من شهر من التجارب … بالانستقرام–هنا— كل التفاصيل والتطورات والتوثيقات فلا تنسوا تتابعوا الانستقرام عشان تشوفوا تحدي الاسبوع الجاي والاخير

وطبعا شكر كبييير للجميع الي اشتركوا بالتحديات وكلماتكم الجميله ورسايلكم الي كانت لي تحفيز .. شكرا لكم

حساب السعرات الحرارية لاكلنا لمدة أسبوع

تحدي الاسبوع كان بسيط ومو بسيط وهو

الي تحتاجوه هو : ورقة وقلم – ميزان اكل – وبرنامج يحسب السعرات …(يحسبلك السعرات الي تحتاجينها و حساب سعرات اكلك خلال اليوم

ولكن تقدروا بالنت تطلعوا مقاييس مختلفه عشان تحسبوا لو ماعندكم ميزان فمثلا تقدروا تشوفو كم 100 غرام تساوي بمقياس الكوب وتبحثوا كم سعراته وهكذا .. ولكن كادق واسهل ميزان أكل بيسهل عليكم كثير

انا استخدمت فيت بيت .. يكون مع ساعه المشي .. ولكن في برامج كثير واشهرها وافضلها

myfitnesspal

ليش هالتحدي ؟

اولا لاني حابه اعرف كمية الاكل الي اكلها ؟ وانتبه لحجم الكميه ؟ واشوف هل في فرق بالوزن او بالطاقه ؟ والاهم هل متعب القياس والحسبه ولا لا ؟ والخ .. مع ان مدة اسبوع جدا بسيطة عشان تشوفي نتيجة هالتحدي ولكن لمجرد التجربة خليناها اسبوع

كم سعره احتجتي خلال اليوم ؟

للامانه انا شاريه نظام من انظمة الدكتور فهد اليحيا .. حسابه هنا .. ومو ملتزمه فيه ميه بالميه ولكن اسلوب اكله يساعدني اخفف شهيه وعادات غلط باكلي .. بالتحدي قلت بالتزم بنظامه وكمياته وبحسب سعراتها .. فمااقدر احددلكم كم عشان لاحد يجرب نفس كميتي ويكون مايناسبه .. وبرضو انظمته لها حسبه تعدلي فيها الكميات ونوع الاكل ع حسب وضعك فيختلف الوضع جدا ..

كيف كانت التجربة خلال أسبوع ؟

بالبداية كان مو صعب قد ماهو شغل من جد .. لان اقراء القيم الغذائية بالمنتج الي باكل منه .. واحسب كم احتاج انا وبعدين يمكن يكون اقل الكميه من الي هم حاسبينها بالعلبه فلازم اقسم واطرح واضرب هههههههههههه < لا تشيلو هم بس بالبداية تحسو حوسه بعدين بثواني تسونها

فكان وجبات الاسبوع اخليها متكرره عشان اسهل بالحسبه هههههه بس اعيد نفس الحسبه الي فاتت وخلاص << ذكاء ولا مش ذكاء هههههههه

يعني مثلا الفطور كنت اكل نوعين يوم كورن فليكس بالحليب ويوم مثلا بيض وتوست وارجع اعيد هالوجبات الايام الثانيه ولكن طبعا في ايام اكل شي غير ولكن كررت هالوجبات كم مره

ومثلا الغدا اسوي كم يوم مكرونه بصلصه حمرا وكرات لحم كم مره سويت هالوجبة بالاسبوع عشان اسهل عندي الحسبه وحافظتها بالمفضله ولكن طبعا اكل وجبات ثانيه وهكذا

هل كنت اسوي رياضه خلال هالاسبوع ؟

اي . بس كان مشي من 8000 خطوة ال 10000 خطوة طبعا في يوم اتوقع سويت اقل ولكن غالبا كنت اوصل هالارقام الحمدالله

هل خبصتي او ماقستي وجبة خلال هالاسبوع ؟

اي اكييد غالبا يكون وجبة عشا مره كانت جمعه اهل وجمعه صحبات ولكن حاولت اني مااكثر وبعدها مااكل لين ثاني يوم وطبعا التزم بالحركه وشرب الموية – او اكل اكله ماعندي حسبتها فاكيد التخبيص موجود

النتيجه خلال اسبوع ؟

بديت الاسبوع بوزن 71 وقست الجمعه 69.3 كيلو قولو ماشاااااالله ههههههه بس اكيد انها مويات لان جسمي بالبداية ينزل ويرجع بسرعه والي يتابعني من زمان يعرف اني لي سنين قاعده بين السبعين واواخر السنتين لسا ولكن حبيت اني انتبهت ان هالكميه والحجم من الاكل الي كنت اكلها ساعدت جسمي يحس بفرق وبحاول التزم ان شالله

هل تنصحين احد بهالتجربة ؟

أكيدددد وترا غالبا هذا هو نمط الرياضيين او الي حابين يحققوا هدف معين بجسمهم .. لان الحسبه مو بس للسعرات كمان للمغذيات والفوائد الي تدخل بالجسم .. وانا انتبهت اني احتاج اركز اكثر على البروتين واخفف دهون شوي لان النسبه تطلعلي اعلى شي دهون ونشويات واقل شي بروتين … مره كانت تجربة حلوه وحماس صراحه مع شوي رياضيات ههههه

بالنهاية

لاتنسوا تتابعوني بالانيستقرام هنا .. والمدونة وتشوفوا التحديات السابقه .. والاكيد تنشروا التدوينة لغيركم عشان يستفيدوا

تحدي العشر الاف خطوة لاسبوع

تحدي مافي مواقع تواصل لمدة خمس ساعات

عيشوا بحب وإيجابية

عشر الاف خطوه باليوم ونتايجها | تجربتي 10000steps per a day |my try

السلام عليكم ورحمة الله وبركاته

تجربة جديده ..لمده اسبوع

قررت ان كل اسبوع خلال شهر اسوي تحدي صحي..فقررت الاسبوع الماضي اذكر تحديات على الانستقرام والتصويت يكون لكم واخترتم ان نبدا نسوي – تحدي العشر الاف خطوه باليوم .. وهالتدوينه ذكر لتجربتي

وشكرا لكل الي تحمس وشارك ..وقعدنا نتواصل على الخاص

لاتنسوا تتابعوني على الانستقرام(@booshlife )عشان تعرفوا بالتحديات الجايه ..وتحدي هالاسبوع الجديد بيكون ( ماافتح مواقع التواصل الاجتماعي الا بعد خمس ساعات من صحياني )..

نرجع لتحدينا الاول وهو: ١٠،٠٠٠خطوه باليوم

ليه سويت هالتحدي؟ ايش الفائده منه؟

الخطوات او المشي هو اساس تكوين الجسم ..الجسم مصمم عشان سبحان الله يمشي.. وتقدروا تقروا فوائد المشي وكيف انه يحرك كل الجسم والمفاصل والعضلات…فهو حركه رياضيه اساسيه

والكثير من الدكاتره والاخصائين الرياضين .. يفضلون ان الشخص يمشي خلال اليوم افضل من انه بس يتمرن ساعه وباقي اليوم بدون حركه

والرقم عشر الاف خطوه ..هو رقم ينصح فيه كدلاله على وجود نشاط ممتاز خلال اليوم قام فيه الجسم

وهالموضوع شرحه طويل وتقدروا تبحثوا عنه بالتفصيل لاني مو مختصه

ولكن شخصيا كنت سابقا امشي وامشي لساعه ولله الحمد ولكن وقفت فتره..فحبيت ارجع واتحدى نفسي لو احاول بس

كيف الاسبوع كان وهل حققت الهدف ؟؟

اول كم يوم كان جدااا صعب اني احصل وقت امشي فيه… كان اغلبه جمعات عائليه والتزامات شغل

بعدها قررت ان بحاول لو نص ساعه ع الاقل هههههه ولا يروح التحدي بدون محاوله ..

فالحمدالله قدرت ع اخر كم يوم احاول اغلب يومي امشي (مو مخصصه وقت للمشي الا بس كان حق يوم او يومين خصصته لمده اقل من نص ساعه/ ولكن حاولت كل هالايام نشاطاتي والتزاماتي وطلعاتي تكون فيها حركه ومشي)

ولكن للاسف ماقدرت احقق المطلوب بالمشي بان غالبا مااكون مشيت مابين ٤٠٠٠ و٦٠٠٠

طيب كيف حسبت خطواتي او كيف احسب خطواتي؟

بالوقت (تقريبا ١٠٠٠٠ تساوي ساعتين تقريبا مخصصه للمشي )

او بجوالك تقدري تحسبي يكون معاكي وانتي تمشي

او تشتري ساعه رياضيه واسعارها تتفاوت ع حسب مميزاتها الزياده ولكن كلها تحسب الخطوات (٩٩ الى٢٠٠٠ ريال تقريبا )

التجربه هذي ايش فادتني فيه؟؟

اولا عرفت اني احتاج اركز ع نشاطي اكثر واتحرك اكثر

ثانيا عرفت ان مو شرط لانك تحسي انك تتحركي كثير معناته من جد قاعده تتحركي كثير اغلبها يمكن نحس بالتعب لاننا نسوي امورثانيه مع المشي فنحس باننا نبذل كثييييير.

ثالثا اذا انتي مهتمه بالمشي والحركه والرياضه استثمري بساعه رياضيه (هي مو مهمه ولا اساسيه ابداااا ) ولكن كدعم لك وتشجيع لهدفك اذا (لاحظتي انك مستمتره ع المشي والحركه وهذا هدفك )

حلو لو شريتيها ولكن شخصيا مااشوفها اساسيه او ضروريه ابدااا لان غالبا امشي واخصص وقت للمشي والاحظ فرق بجسمي ومرونتي وبدون ساعه ولا شي ولله الحمد

رابعا الحركه بركه ..وكثرت الحركه لاحظتها (مع اني ماحققت الهدف ) قد ايش تغير بنفسيتك وبيومك. حتى لو بوقتها تتعبين ولكن بعد ماتريحي رح تشوفي قد ايش فيك نشاط وحيويه

بالنهايه

تجربه جميله ..صح فشلت ولكن يكفي شرف المحاولة.. لاتنسوا تشاركوا هالتدوينة مع غيركم عشان يتحمسوا..ولاتنسوا كمان تتابعوني بالانستقرام وعالمدونة لكل مواضيع ويومياتي الصحيه

عيشوا بحب وايجابية

instagram: booshlife

تجهزي للعيد بدون توتر وضغط be ready for eid with less stress

السلام عليكم ورحمه الله وبركاته

تدوينه اليوم لي اناااا اكثر منكم ..لاني بالفعل احتاج ارتب يومي بوقت العيد.. لان دايم يكون في توتر وضغط لدرجه تبغي تبكي لان لين موعد الخروج وفي اشياء نسيتيها او ناقصه والخ

فان شاءلله هالتدوينه ..تساعدكم زي مابتساعدني(وجربتها بايامي العاديه ومررره نفعت معاي)فباذن الله تعجبكم وتستفيدوا منها

مواضيع سابقة : كيف تكوني انيقة بالعيد بميزانية محدودة

كيف تكون أطلالتك أنيقة بعشر دقايق بس

كيف اخففف حوسه وتوتر وضغط اول يوم العيد..

اولا: اليوم الي قبل اهم من يوم العيد

.

قبل العيد بيوم هو يوم الحووووسه الفعلي لان في ناس لسا ماخلصت مقاضي/ او نسوا اشياء وافتكروها /تنظيف البيت / او البعض يجهز حق العيد من استشوار شعر قبل بيوم والخ ..

.

فهاليوم حاولي تنجزي ابكر ! قبل الليل.. حاولي تنجزي اغلب الثقيل قبل الليل.. بمعنى لوتبغي تنظيفي البيت او تكوي او تجهزي شي جهزيه من بدري بوقت الصبح او العصريه..(اذا عندك مجال)

حاولي اغلب شغلك يوقف ينتهي بهاليوم.. لاتخلي شي لبكرا قدر المستطاااع (لان بيطلعلك بالعيد كم شغله بس خلي الغالب منتهي من امس)

او قبل العيد بكم يوم ابدي رتبي وخلصي الامور الثقيله قدر الامكان

ثانيا :مو لازم كل شي يخلص

يمكن هذا النقطه تلامس بعض البنات..الي يحاولوا يخلصوا كثييير اشياء قبل العيد..مثلا تبغا تنظف الغرفه/ ترتب الدولاب/تسوي شعرها / تنظف جسمها /تجهز حلاوه العيد/ ترب غرف ثانيه بالبيت مع اهلها او اذا لها بيتها الخاص…والخ من هالامور الي تبغا يجي العيد مسويه فرز ونفض وتلميع لكل شي

وهذا حلو وجميله ونفسيا مريح ولكن واقعيا مو دايم يكون عندنا الوقت او الايام او الترتيب الي يخلينا ننجز هالشي

فحرام انك تضغطي نفسك بكم يوم قبل العيد بكل هالامور مره وحده..لان بيجي العيد وانتي مهلوكه وتعبانه وطول ايام العيد بتنضغطي زياده ..فمارح ترتاحي لا جسديا / لا نفسيا ولا شي غير توتر وصداع

فحاولي تركزي ايش اهمممم شي!

الي هو ملابس العيد

الي هو جسمك -اذا تبغي تنظفي شعر وغير

الي هو مكان الي بيجتمعوا فيه الناس عندك وحمامه – غرفة او صاله الاستقبال

تجهيز حلاوه العيد واكل الاستقبال

باقي الامور ثانويه!! فخليها لو مامداك ! خليها ببساطه!! او اذا ريحتي وفي وقت سوي ولكن لا تضغطي

واذا فيك توتر ان لازم اخلصها!!

فكري بهالعباره

( انا احتاج اكون بكامل قوتي وحماسي وروحي الحلوه للعيد.. خلصت المهم وهذا اهم شي .. لنفسي عليها حق للراحه )

ثالثا : جهزي لبسك واكسسواراتك اليوم الي قبل بمكان محدد

ام شي ليوم عيد اقل توتر … تجهزي اغراضك الشخصيه قبل بيوم ..ع الاقل. ع الاقل تجهزينها بمكان معين بكل تفاصيلها (اكسسوار /لبس/جزم/ اغراض بتشيلها بكرا/اغراض لازم تسويها للبسك ولنفسك عشان تتجهزي مثل عطر/موس والخ )

ليش؟؟؟

لان اوقات زي ماذكرنا مايمدي نخلص كل شي اليوم الي قبل بسبب الضغط.. فعالاقل ترتبي مخك وتخففي عليه الضغط..بان كل شي احتاجه واحتاج اسويه موجود بهالمنطقه

سوا كان جاهز ومكوي ومااحتاج شي.. او عشان اكوي واخلص امور ..فكل الي ابغاه بهالمنطقه مااحتاج احوس واجري من مكان لمكان

عشان بكرا يكون بانظم شكل قدر الامكان

رابعا:حاولي تصحي بدري (هالنقطه لي انااااا ههههه

كل ماصحيتي بدري كل ماكان في هدوء نوعا ما ووقت اطول لك عشان تنجزي الي تحتاجي تسوينه

شخصيا اي اوقات ثانيه ملتزمه بطلعه او مناسبه تضبط معاي بالنوم الا العيييد نحااااسسسسه ماتضبط بس بنحاول كل مره وباذن الله بتضبط

خامسا: اذا مرتبطه باشخاص ثانينين ..خلصي نفسك اول

وقت اللبس والترتيب الشخصي للعيد..لو انتي مرتبطه مثلا مع امك او خواتك انك تسويلهم شعرهم او مكياجهم او لو عندك عيال عشان تلبسيهم.. حاولي دايما تبدي بنفسك وتخلصي الثقيل (استشوار شعر/كوي /مكياج /وهكذا)

عشان تعطي نفسك حقها وماتحسي انك اهملتي نفسك…وبيرجع انك تكوني بنشاط اكبر لغيرك وتعطيهم اهتمام بروح اقل عصبيه .. شخصيا جربتها كثير واحلى شي ضفته لروتيني بالاوقات الضيقه

بالنهايه

هذي طرق شخصيا جربتها سوا كان بالعيد او غيره باوقات فيها ارتباطات.. اكيد مابتناسب الكل ولكن تقدري تحاولي تطبقي ولو جزء من كل فكره بنسبه بسيطه…

شاركوا هالتدوينه لغيركم عشان يستفيدوا كمان .. ولا تنسوا تتابعوني عى مواقع التواصل الاجتماعي

وكل عام وانتوا بحب وامن وعافيه وسلام يارب

insta : @booshlife snap : boosh.life