اطلبي المساعدة ! لانك تضيعي وقتك .ask for help you r wasting your time

السلام عليكم ورحمة الله وبركاته

تدوينة اليوم تتكلم عن شي ما اتوقع اني الوحيده الي اواجهه .. ولا انا الوحيده الي تفكر فيه… ولكن هالموضوع يمكن مانتكلم عنه او منتشر بيننا لانه شعور شخصي .. نستحي نقوله اوقات او بدون مانحس فيه تصرف نسويه

ابغا اتكلم عنه لان اكيد هو أحد اسباب تأخر الكثير بانجازاتهم مهما كانت أختلافها سوا كانت انجازات شخصيه \ مهنية \ اجتماعيه والخ وهو

طلب المساعدة من احد !!!!

جميل في كثير من الثقافات واساليب التربية مفهوم ( سويه بنفسك , مو لازم احد يساعدك ) .. وانا معاه بتطبيقه بحياتنا بكثير من المجالات

ومن جهه اخرى تربينا ان اي احد يحقق شي جميل وحلو وكبير ننكر مجهودة ونقول ( لان عنده مساعدين \ في احد يساعدها ببيتها \ عندها الي يجبلها \ عندها فلوس تسويه بلحظة \ جابت اكيد احد يسويلها والخ) وننكر مجهودها وتعبها بس لان عندها القدرة ان تحصل على مساعدات

ليش نطلب مساعدة اذا نقدر نسويها بنفسنا او غيرنا سواها بنفسه ؟؟

في اوقات انت كشخص صعبه عليك تحقق هدفك لحالك – ولو كان صغير – اوقات يكون وضعك لابد لابد من وجود مساعدة ويد ثالثه , مو بالضرورة لغرض جدا مصيري ولكن ببساطه لانك حاولت بكل مجهود لك وكل قدراتك وماقدرت تنجزة

الي لازم نستوعبه اننا اشخاص مختلفين الطباع \ الاهتمام \ المجهود\ والفكر .. وحده تشوف ان لازم كل يوم تهتم البنت بنفسها بكريمات وماسكات وحده ثانيه تشوف ماله داعي لين البنت تكون بالعشرينات .. وحده تكره غسيل المواعين ووحده تحب تهتم بمكانها واغراضها .. وحده تحب تتطور وتغير من نفسها كل ماشافت اغلاط في حياتها ووحده ماتحب التغيير ..والخ

فاكيد بالمقابل مابنكون بنفس الانجاز!! وهنا تجي دور المساعدات

ولكن !! قبل لا أكمل

شخصيا مع ! وأؤمن ان الشخص لابد لابد لابد يبذل اولا جهد بينه وبين نفسه لحد التعب !!

بمعنى حاول حاول حاول !! حاول بمختلف الطرق ! اذا لاحظت مانفع معك بعدها ابداء بالمساعدات .. لان المحاولات احتمال تبين لك شخصيتك وتبين قدراتك فتعرف نوع المساعده الي تحتاجها ووين .. او بالمحاولة تحقق هدفك بدون مساعدات بكل بساطه

فانا مع المحاولات بينك وبين نفسك وحتى الواحد يتعلم تحمل المسؤولية ومايرمي على غيره ويقدر بعدها كمية التعب والمجهود المبذول وبالمقابل بيقدر الي بيساعده

نرجع لموضوعنا

مثل ماقلت سابقا.. لاننا مختلفين فاكيد بعضنا بيحتاج مساعده وبعضنا لا .. والاهم وين نحتاج مساعده قد تختلف من شخص لاخر

وحده تقول ماله داعي احد يعلمني كيف انحف بخفف اكل وبس لان عندها ارادة قوية او ماتفكر بتفاصيل الاكل الصحي .. ووحده تقول لا انا ماقدر ع الاكل لازم احد فوقي .. وحده تشوف ضروري مساعده باعمال البيت ووحده تشوف ماله داعي دام البيت صغير .. وكلنا لنا أراء خاصه فينا وعن غيرنا .. ولكن بالنهايه نحسن الظن وندعي لغيرنا بدون تقليل من قدرهم او شخصيتهم

طيب ليش اوقات مانطلب المساعده واحنا نعرف نحتاجها ؟؟

من الفكر الي تكلمت عنه اول ..الي هو ( لازم تسويه بنفسك ! والي عنده مساعدات مايعتبر سوا شي لان غيره الي سواه وننكر جهودة ) . فانا شخصيا من الناس الي اوقات اواجه صعوبة اطلب مساعدات .. لان اشوف في فرصه اني اقدر انجزها بنفسي او غالبا بسبب نظرة الي ( هي ماسوت شي خلت احد يساعدها ! ) الي تخليني ابطل من طلب المساعده واستحي لان افكر نظرتهم هي واقع لي .. ولكن قاعده اغير هالتفكير وادري انتوا مثلي ..

وصرت افكر كذا ؟؟

مثلا المشاهير – ابسط مثال – .. صح عندهم مدرب شخصي \ اخصائي تغذية \احد يرتبلهم بيتهم ويطبخ \احد يسويلهم شعر ومكياج.. عشان يخلي جسمهم وشكلهم مرتب ..

ولكن فكري من جهه اخرى … هي تصحى من خسمه الصبح عشان تدرب , المدرب مايرفع يداتها ويحرك رجولها ويسوي التمارين عنها – تقدر تقول مو اليوم تبطل وهو بيقول طيب .. اخصائي التغذئية مو هي الي تغصبها تاكل وتاكلها الاكل بنفسها .. هي ترتبلها الاكل وتعطيها وهي تلتزم بالاكل وماتخبص لما تكون برا وتحاول تمسك نفسها .. تقدر تخبص كل شوي وماتلتزم حتى لو دفعلتها .. والي يساعدونها ببشرتها وعيادات التجميل لابد من جهد وشغل والتزام من جهتها تسويه عشان النتائج تطلع

صح طلبت مساعدات وصح نتايجها بتكون اسرع من غيرها ولكن مو معناته مابذلت جهد كبير والتزام وادارة ومحاولات .. فلابد ان هي كمان لها سبب بعد الله اكيد والمساعدات بهالانجاز

مع ان لو بنفكر فيها باسهل منطق وقت المشاهير وشغلهم جدا مزحوم .. وهم عرضه اكثر للتخبيص والكسل والتهاون

هذا مثل .. وفي غيرهم كثيرلو بنتكلم ان ناس عادية اكيد حولك وحده يمكن انتي شخصيا عندك مساعدات او تسهيلات بحياتك اكثر منها ولكن هي منجزه اكثر منك سوا بامور شخصيه او مهنية وغيرها .. اوانتي شخصيا ماعندك تسهيلات ومساعدات بس منجزه اكثر من الي عندها كل الطرق انها توصل لهدفاه اكثر منك .

.. المساعدات ماتقلل من انجازك وتعبك الي حطيتيه في هدفك

كوننا مسلمين نحتاج نطلب العلم والعلم مو بس كثقافه بس كمان كمساعدة.. ومو شرط نكون نطلب المساعده بكل شي ولكن المجالات الي تكوني حاولتي كثير فيها وفشلتي .. حاولي تشوفي مساعدة ولا تستحي بالعكس هذا دليل على انك تبغي تحسني وتعدلي من نفسك وماتضيعي وقتك ..

قد تكون المساعدة مثلا .. تشتركي بنادي او مع اخصائية عشان تعدلي جسمك واكلك … يمكن مساعدة باحد يدورلك على وظيفة .. يمكن احد يساعدك بالبيت وتنظيمة .. يمكن احد يدرسك .. احد يرشدك ويعطيكي نصحية .. والخ

مثلا ( اعلان لي عشان تربحوني أقصد تساعدوني ههههههه ) .. يجوني بنات يبغو ينجزوا بيومهم .. حابين يومهم مايضيع كله على امور ممله مثلا دراسة \ تنظيف \امور كلها شغل ولغيرهم.. فاساعدهم نسوي روتين يومي يعطون نفسهم حق \ هوايتهم حق \ اولوياتهم ومسوؤلياتهم حق .. ويبقى باقي اليوم يتسدحون ويروقون

والاجمل ان هالخدمة اقل من 40 ريال .. ومرنه وتقدري تضيفي وتغيري فيها ..

للاشتراك

القائمة ——> تصميم روتين خاص فيك —- >واضغطي الصفحه—-> واشتركي بالباقه الي تناسبك

الباقات مختلفه في للي بالبيت .. الي يدرسوا او يدرسوا .. للموظفات .. لروتين الصباح فقط او الليل فقط.. وغيره

بالنهاية

انا شخصيا رح أبدا اطلب مساعدة في بعض المجالات .. واحاول اغير من تفكيري ان المساعده ماتهمل مجهودي المبذول كمان .. وانتي كمان لا توقفي وتضيعي وقتك اذا تقدري تطلبي المساعده اطلبي

لاتنسوا تشاركوا هالتدوينة لغيركم عشان تحمسوهم يتطوروا ويتغيروا .. ولاتنسوا تتابعوني على الانستقرام ليومياتي الصحية

عيشوا بحب وإيجابية