ست خطوات تساعدك تدرسي بالوقت الضيق لاختباراتك

السلام عليكم ورحمة الله وبركاته 

اتمنى للجميع التوفيق والتيسير في اختباراتهم سوا بالمدارس ولا الجامعات او الاختبارات الاضافيه خارج نطاق التدريس .. طبعا هالفتره من اكثر الاوقات توتر وضغط وحوسة لكل طالبه وطالب .. ولكن بإذن الله بتعدي  وهالتدوينة لكم عشان تساعدكم لمذاكرتكم خاصه بالاوقات الضيقه مثلا يكون بس في يوم واحد للدراسه للاختبار الجاي وهكذا .. 

الطرق والنصايح من تجارب شخصية طبقتها انا وبرضو تجارب الناس الي حولي  . يلا نبدا 

اولا : اعتمدوا تصحوا بدددددددددددددري لانه بركه بركه بركه 

كيف يعني الصبح بركة ؟ سبحان الله هالوقت بالذات يكون فيه هدوء ويكون طويل  معرف كيف .. يعني كل مابديت اذاكر الصبح انجز اكثر من ناحيه كمية المذاكره والاهم ان هالوقت  تدخل المعلومة بمخي افضل من اي وقت .. مع ان الان وقت شتاء فالليل أطول .. ولكن وقت الليل أسرع فتعودوا انكم تبدوا من الصبح 

ثانيا : لااااااااااااازم تأخذون راحة كل شوي ولو لدقايق 

لان المخ كل مااخذ راحه بدا يرتب المعلومات الي أستقبلها ويرتبها ويحفظها بشكل أفض .. مثل لما ننام بدري ونشبع سبحان الله يكون وقت النوم راحه وبرضو تجديد الجسم لنفسه وأجهزته بشكل أفضل … فخذوا ِبين مثلا كل فصل وفصل راحه .. او بين كل كم درس … 

الراحه تقدر تكون وقت اكل الوجبات الريسية .. مثلا تأخذي قيلولة .. تجلسي مع الي حولك .. تتفرجي برنامج وهكذا شي يكون خارج نطاق الدراسة بشكل كبير .. ولكن لا تخلوه طويل عشان وقتكم 

وطبعا لا تنسوا تحاولوا تناموا بدري او على الاقل تناموا كم ساعه بالليل عشان تجددوا نشاطكم ومخكم يحفظ الي درستوه 

ثالثا : ابدوا بالأصعب اولا 

هل النقطة بالنسبه لي صعبة اطبقها دايما لاني من النوع الي احب ابدا من الاول لين الاخير مااحب اللخبطه ولكن بوقت ضيق تحتاجوا تسوا هالشي  عشان لما تبدوا فيه يكون مخكم وطاقتكم ببدايتها فستستوعبوا المعلومات أفضل والاهم يأخذ من ساعاتكم الاولى بدل ما تتوهقوا باخر يومكم ومافيكم طاقه تستوعبوا شي وتندموا 

رابعا : المراجعة خلوها اكثر شي من المسائل والأسئله الي ركزت عليها المدرسة او المدرس 

في كل درس او فصل في أوراق او مسائل او نقاط ركزت عليها المدرسه او المدرس هذي الامور هي الي تراجعونا كم مره وقت المراجعة – طبعا مو قصدي ماتذاكروها الا وقت المراجعة !!  قصدي تركزوا عليها من جديد بشكل كبير وقت المراجعة – لان هالامور هي الي تبغاكم المدرسة تنتبهولها 

وللجامعيات تقريبا هالطريقه اغلب الدكاتره يسونها وهي اخر الدروس والفصول من اي ماده تكون اكثر مايجي منها وقت الاختبار ..لان يكون هالجزئيه ماسولها اختبارات قصيره او أختبارات نصفية فيركزوا يحطوا منها كثير بالنهائي 

نقطة إضافية … شاركتكم بتدوينة سابقه : ثلاث خطوات تساعدك  كيف تعرفي وتتوقعي أسئلة الأختبارات .. بتساعدكم كثير فلا تنسوا تقروها بعد هالتدوينة 

خامسا: لااااااااااااازم تتوكلي وتوكلي ربك 

اول ماتبدي مذاكرة ادعي ربك وأستودعي نفسك ومذاكرتك له . وبعد كل درس او فصل خلصتيه برضو أدعي ربك واستودعيه كل ماحفظتي … سبحان الله كثير مواقف تمر بالاختبارات عن بنات وقت الدعاء تذكروا المعلومة او لانهم مامداهم يذاكروا كويس لظروف مروا فيها يدعوا ربهم   ويفرجها لهم سبحان الله .. فأعملي بالاسباب من ناحية الاجتهاد وتوكلي على ربك بأن يسهل امرك 

سادسا : وقت الاختبار أصحي أبكر على وقت الفجر 

سبحان الله وقت الفجر فيه سكون فضييييع وبرضو يعطيكي وقت للمراجعة لفتره أطول مع المراجعة الي تكون بالطريق او الي بالمدرسة والجامعة . لا تستهينوا بهالوقت ترا مجربة كثير 

نقطة إضافيه .. للي عنهم وقت أطول للمذاكرة .. راجعوا التدوينة  وموضوع – كيف تذاكري بشكل فعال للاختبارات بست خطوات فقط – بعد  ماتخلصوا هالتدوينة 

بالنهاية 

هذي طبعا بعض من النصايح الي ساعدتني كثير وقت الاختبارات واتمنى انها تساعدكم وتحمسكم .  شاركونا تجاربكم ونصايحكم  لفتره الاختبارات بالتعليقات 

عيشوا بحب وإيجابية 

ست خطوات تساعدك تذاكرين للإختبارات بشكل فعال / six 6 steps to help you study effectively for exams

السلامعليكم ورحمة الله وبركاته 

تدوينة اليوم حبيت اكتبها الان عشان هالتفره او هالشهر بيكون فتره اختبارات  .. الله يوفق الجميع بنات وأولاد  وكبار وصغار … ان شالله هالخطوات تكون عمليه لكم … وطبعا هالخطوات شخصيا مجربتها  وقت ما اكون مهمله لفتره بالدراسه واحتاج اذاكر زين او الاوقات الي ابغا من جد  اكون مرتبه لين وقت الاختبارات عشان مااتبهذل واتعب .. وجدااا كانت عمليه ونافعه وساعدتني كثير

والأكيد ساعدتني بعد الله  وتيسيره وتدبيره باني اجيب درجات كويسه  ولله الحمد … فيلا نبدا هالخطوات

أولا : جهزواالتحديدات  للدروس والمعلومات والأوراق 

بمعنى  اعرفوا ايش الامور الي ركزت عليها المدرسه او المدرس … لان غالبا ماتكون هالدروس والاسئله الي ركزوا عليها جايه لكم بالاختبار … وركزوا انكم ترتبوا  أوراقكم  الي تكون خارج الكتاب عشان ماتضيعو وقتكم وانتو تدورون عليها وانتو بنص المذاكره ..

ثانيا  : الصبح الصبح الصبح 

خاصه الان وقت الصيف  الصبح جدا طويل !! فلازم تحاولو تصحو من الصبح سبعه او ثمانيه  او حتى من الفجر تصلو وتبدأوا تذاكرون .. وخاصه يركزوا ع الصبح الي يكونوا بوقت ضيق مثا عنده يوم واحد او يومين للدراسه للاختبار .. لانكم رح تلاحظون انكم رح تنجزون وتذاكرون وتخلصون دروس كثيره ولسا عندكم باقي اليوم طويل بإذن الله تعالى

ثالثا : قسميالمنهج لأقسام وأوقات معينه 

لما تدرسي منهج طويل حتى لو تعرفي كم فصل عليكي او كم درس .. خذي فكره مره ثانيه وقسمي الفصول عى حسب الوقت الي عندك عشان يشجعك انك تنجزي .. يعني مثلا من الصببح لين اظهر بخلص ثلاث فصول .. وحطي ورقه او فاصل عند اخر فصل  .. والثلاث الفصول الثانيه بخلصها قبل او بنص فتره العصر وهكذا .. بيخليكي تتحمسي وبرضو بترتبي دراستك على حسب وضعك وظروفك بدون ماتتوترين باذن الله

رابعا : لااااااااااااااااازم راااااااااااااااااااااااااحه أكثرمن مره 

كثير بنات يبدوا يمسكو الكتاب من وقت مايقومون لين ماينامون, بدون فاصل !!.. وهذا شي خطا او شخصيا انا ابدااا مايناسبني ..  اولا المخ يحتاج يرتاح مو عشان بس راحه ! بالعكس هو يحتاج راحه من اي تركيز عشان يرتب ويجمع ويحفظ المعلومات الي ذاكرتيها .. ويكون فرصه اعلى واكبر تسترجعيها وقت الاختبار …فمثل النقطه السابقه ! قسمتي اول دراسه لين الظهر .. فبعد الظهر او الساعه الي حددتيها  يبدا وقت راحه  مثلا تتغدين او تاخذين قيلوله او تشوفي مسلسل او اي شي تسوينه يبعد مخك من التركيز الشديد ..  وبعد كل فصل او كل تقسيمه سويتيها خذي راحه.

 خامسا : كلمي نفسك بصوت واضح مسموع 

لما ابغا احفظ بسرعه  دايما استخدم اسلوب الشرح بصوت عالي … يمكن البعض يحسبو كاني مجنونه   وانا اقعد اشرح  واتكلم وكاني .. احاول اقنع احد يحفظ او يفهم ههههه .. بس مررره تدخل المعلومه بسرررعه اكثر من  بدون مااتكلم بصوت واضح .. جربوها وادعولي ههه وعذرا عن   الي بنزعجهم هههه

سادسا : وقت المراجعه ركزي عالتحديدات المهمه مو التفاصيل كلها 

وقت المراجعه غالبا مايكون وقت ضيقققققق اوقات يكون بس ساعه قبل الاختبار نفسه .. انا اقصد وقت المراجعه النهائيه مو المراجعه الدقيقه بعد كل فصل خلصتيه وتراجعينه …. هالمراجعه لاتخليها نفس الدراسه والمراجعه العاديه .. لازم تكون مختصره للامور المهمه نفس اول فقره .. المعلومات الي مركزين عليها كانوا مدرساتكم او دكاترتكم … اضافة على هالشي الامور الي لسا  تحتاجي تعيدي عليها مثلا نصوص تحفظينها او قاعدات او امور تلخبط ,. فقط

 ..بالنهاية …. أخرررر  وأساس كلهالخطوات : ربك ربك ربك اول 

لااااااااازم تدعون وتتوكلون على الله …. ولازم تطلبون منه التيسير والبركه .. وحاولو تتحسنوا بعبادته ( تصدقوا – احسنوا مع الناس – بروا باهلكم – خففو معاصي ) طبعا مو بس وقت الحاجه … حاولو تستمروا على حسن العباده دايم لانه أساس كل خير ورزق

اوقات كثيره تصدف مانقدر نذاكر او نكمل ونروح نختبر بس ربنا يسهلها ويعديها على خير …. واوقات تجينا ظروف غصب عننا تمنعنا من ان نكون بافضل جاهزيه للاختبار .. بس ربنا فوق وهو رح يساعدنا دامنا حاولنا قد مانقدر نعطي من مجهود … وكثير قصص  سمعناها ناس  جاتهم ظروف غصب عنهم ماقدروا يذاكرو صح وربي ساعدهم وسهلهم بطرق كثيره مثلا اتلغى الاختبار او فجاه تذكرت الشرح ..

وربنا أمر بالعمل بالاسباب … مو نطلع ونتمشى او نهمل ونقعد بالجوال وندعي بس يارب سهلنا !! لازم نحاول بكل مانقدر وبعدها نترك الأمر لله ….

الله يوفقكم والله يسهلأمركموانشرواهالتدوينه لكلالطالبات والطلاب  عشان يستفيدوا من هالخطوات 

عيشوابكلحب وإيجابية

img_3789